Свет
Експерт од САД: За да се пронајде вакцина, потребно е уште време
Ентони Фаучи, водечки американски експерт за заразни болести, го предупреди Конгресот дека за развој и за пуштање во продажба вакцина против новиот коронавирус е потребно уште време, без оглед на помошта од сојузната влада за нејзиното производство.
Фаучи му рече на Одборот за здравство дека со оглед на тој факт напорите на нацијата да се борат со вирусот треба да се насочат кон докажаните јавни здравствени практики за да се ограничи и да се намали ширењето на инфекцијата.
Фаучи предупреди дека пребрзото олеснување на ограничувањата може да доведе до нов бран на епидемија и ги повика федералните држави да ги следат стручните препораки и да чекаат да падне бројот на новозаразени.
Претседателот Доналд Трамп ги повикува сојузните држави да ја рестартираат економијата.
„Тоа не само што ќе резултира во непотребно страдање и смрт, туку, всушност, ќе нè врати назад“, рече Фаучи, директор на Националниот институт за алергии и заразни болести.
Фаучи сведочеше пред Комитетот за здравство, образование, работа и пензии во Сенатот, кој го контролираат републиканците. Претходно, Белата куќа го блокира сведочењето на 79-годишниот експерт пред Комитетот на Претставничкиот дом, кој е под надзор на демократите, велејќи дека тоа би било контрапродуктивно.
Фаучи сведочеше преку видеоврска од просторија полна со книги додека е во самоизолација затоа што можеби бил во контакт со еден од двајцата вработени во Белата куќа, кои се позитивни на коронавирусот.
„Сите патишта назад кон училиштата и работните места водат преку тестирање, а она што нашата земја го направи досега во однос на тестирањето е импресивно, но не и приближно доволно“, рече сенаторот Ламар Александер.
Александер, како и Фаучи, е во самоизолација затоа што еден од неговите асистенти е позитивен на тестот на коронавирусот, па сослушувањето го водел преку видеоврска.
Досега повеќе од 80.000 луѓе починале од новиот вирус во САД, повеќе отколку во која било друга земја во светот. Некои експерти проценуваат дека тестовите извршени во поголемиот дел на САД не се доволни за безбедно укинување и ублажување на воведените мерки за да се запре ширењето на Ковид-19.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Националната гарда на Флорида се подготвува за најголемата спасувачка операција во историјата
Националната гарда на Флорида се подготвува за операции за пребарување и спасување откако ураганот Милтон ќе помине над државата, изјави денеска гувернерот на Флорида, Рон Де Сантис.
„Ова е најголемата мобилизација на Националната гарда на Флорида за операција за пребарување и спасување во историјата на државата Флорида“, додаде тој.
ДеСантис рече дека има околу 9.000 гардисти на теренот, од кои една третина доаѓаат надвор од државата. Дваесет и шест тимови за пребарување и спасување се подготвени, рече гувернерот.
„Тие во моментов се позиционирани на местата на потенцијален удар долж западниот брег за да започнат итни спасувачки операции веднаш штом ќе помине бурата“, рече ДеСантис.
Регион
Земјотрес во регионот на Параќин
Републичкиот сеизмолошки завод денеска регистрираше земјотрес со јачина од 3,6 степени според Рихтеровата скала во регионот на Параќин.
Според веб-страницата на Сеизмолошкиот завод, земјотресот е регистриран во 15:38 часот.
„Теоретскиот интензитет во епицентарот беше проценет на ниво V од Меркалиевата скала. Земјотреси со ваков интензитет може да предизвикаат многу мали оштетувања на објекти во епицентралното подрачје“, наведуваат од Републичкиот сеизмолошки завод.
Медиумите објавија дека потресите се почувствувале во Крушевац, Крагуевац и Сврљиг.
Свет
Пилот починал за време на лет, авионот принудно слетал на аеродромот во Њујорк
Авионот на „Туркиш ерлајнс“ синоќа полетал од Сиетл во САД и принудно слетал во Њујорк поради смртта на пилотот која се случила за време на летот.
Пилотот пред смртта се обидел принудно да го приземји авионот кој летал за Истанбул, но трагедијата се случила пред да успеат да слетаат, пренесуваат медиумите во регионот.
„Пилотот на нашиот Ербас 350… летот ТК204 од Сиетл за Истанбул почина за време на летот“, изјави портпаролот на авиокомпанијата.
Веднаш му била укажана прва помош од персоналот, но и покрај тоа човекот ја загубил битката со животот, пишува Метро.
„По неуспешниот обид да се пружи прва помош, копилотот и копилотот решија да го преземат леталото и принудно да слетаат во Њујорк“, додаваат од авиокомпанијата.