Свет
Работниците заробени на крузерите почнаа штрајк со глад, некои извршија самоубиство
Десетици илјади работници заробени на крузерите станаа очајни поради пандемијата на коронавирусот, па во последните 10 дена некои од нив извршија самоубиство, други почнаа штрајк со глад за да стигнат до копното, а потоа и до своите домови.
Од 2 мај, кога почна штрајкот, низата на смртни случаи е непрекината.
Двајца вработени се самоубиле, еден паднал од палубата на крузерот на „Ројал карибијан“, Jewl of the Seas, во океанот под необјаснети околности, а последниот починал пред три дена, како што велат од компанијата, од природна смрт.
„Маж се самоуби на бродот ’Карнивал бриз’, кој тргнал од Бахамите за Европа, а 39-годишна Украинка скокнала од ’Регал принцес’. Друг вработен починал истиот ден, но под природни околности. Работел на Marines of the Seas на ‘Ројал карибиен’“, пишуваат американските медиуми.
Во меѓувреме, 14 члена на екипажот почнаа штрајк со глад на друг крузер на „Ројал карибиен“, Navigator of the Seas.
„Во моментот се чувствуваме како сите да сме заложници“, рече член на екипажот на бродот закотвен во Мајами.
„Компанијата треба да разбере дека не сме кутии со храна со која може да се прави сешто“, пренесуваат медиумите.
Индустријата на крстосувања е тешко погодена од епидемијата на коронавирусот и сите крузери се закотвени уште од 13 март.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
При уривање на автопат во јужна Кина загинаа 36 лица
Бројот на загинати во уривањето на дел од автопатот во јужната кинеска провинција Гуангдонг се искачи на 36, соопштија локалните власти.
Несреќата се случи вчера наутро, а по уривањето на делницата долга 17,9 метри, 23 возила паднале во провалија, јавува агенцијата Синхуа.
Претходно беше соопштено дека загинале 24 лица, а 30 се повредени.
Свет
Трамп: Апсењето на студенти во Њујорк „беше убаво за гледање“
Поранешниот американски претседател Доналд Трамп изјави дека е „убаво да се гледа“ како полицијата во Њујорк упадна во зградата на Универзитетот Колумбија, окупирана од пропалестински демонстранти, нарекувајќи ги „бесни лудаци и симпатизери на Хамас“.
На митинг за претседателската кампања во Висконсин, Трамп рече дека „Њујорк е под опсада“ и го поздрави апсењето на околу 300 демонстранти, пренесува Ројтерс.
Некои членови на Републиканската партија ги обвинија универзитетските лидери за игнорирање на антисемитската реторика и малтретирање на пропалестинските протести низ САД.
Свет
Земјотрес со јачина од 4,1 степени според Рихтер го погоди Лос Анџелес
Земјотрес со јачина од 4,1 степени според Рихтеровата скала вечерва го погоди поширокото подрачје на Лос Анџелес, соопшти Сеизмолошкиот институт на САД.
Земјотресот се случил во областа Корона, во близина на Лос Анџелес.
Земјотресот бил почувствуван во поширока област, западно до Лос Анџелес, Лонг Бич, округот Оринџ и Санта Кларита.