Свет
Норвешките сили во Ирак предупредуваат на обнова на ИД во услови на пандемија
Норвешките воени сили во Ирак предупредуваат дека терористите на Исламската држава ги користат предизвиците што ги поставува новиот коронавирус и групата е во процес на обнова.
„Парадоксот е дека вирусот што ги смирува другите доведе до бум за ИД со натамошни терористички напади“, изјави потполковникот Штајн Гронгштад за весникот „Верденс Ганг“.
„Сметаме дека тие имаат стратегија за напад што се состои од подобро планирање и дека конкретно ги таргетираат ирачките сили што во моментот не се координирани во иста мера како пред појавата на вирусот. ИД користи бомби покрај патиштата, поседува напредни експлозиви и користи потешко вооружување. Тие исто така знаат како да го искористат во своја полза теренот во пограничните области. Во април имаше дури 20 напади на ИД врз ирачките сили само во провинцијата Анбар“, рече Гронгштад.
Норвешкиот баталјон „Телемарк“ е стациониран во Ирак за обука на ирачките војници за справување со терористичката закана. Во последните месеци тие немаа физички контакт со ирачката војска како резултат на мерките за запирање на пандемијата, а милитантите на ИД остануваат претежно во земјоделските области и не се особено изложени на зараза.
Покрај тоа, од затворите се ослободени многу затвореници, вклучително и симпатизери на ИД. Според „Верденс Ганг“, ИД добива нови регрути од поранешни осуденици и од отворените бегалски кампови.
Еден ирачки генерал нагласи дека ИД има тајни ќелии што вршат напади пред да исчезнат повторно и ја користат т.н. стратегија на брз напад и повлекување.
„Ирак е под голем притисок од неколку страни. Земјата е под финансиски притисок, во политичка криза, а потоа се појави и коронавирусот. ИД користи сè што може за да го шири својот терор“, вели генералот Тахсин ал-Кафаги, портпарол на ирачката Заедничка оперативна команда за весникот „Класекампен“.
Според Ал-Кафаги, ИД е незначително мала, но ги заснова своите активности на индивидуални напади.
„ИД претставува закана, дури и ако организацијата е територијално поразена. И ИД и Ал каеда полесно фаќаат корен онаму каде што недостига владина контрола или каде што преовладува нестабилноста“, рече норвешката министерка за надворешни работи, Ине Ериксен Сореиде, признавајќи дека се плаши од враќање на ИД.
Според Мајкл Крона, автор на „Медиумскиот свет на ИСИС“, оваа пролет бележи значително зголемување на џихадистичката активност преку интернет.
Исламската држава е екстремистичка група, која во летото 2014 година презеде големи делови на Ирак и Сирија и прогласи исламистички калифат. Во врвот на своето дејствување таа имаше контрола над една третина од територијата на Ирак, но терористите беа поразени кога ги загубија Мосул во Ирак и Рака во Сирија. По поразот на ИД, десетици илјади нивни војници беа заробени и задржани во логорот „Ал-Хол“ во Сирија. Според Центарот за стратегија и меѓународни студии (CSIS) од Вашингтон, во Ирак и Сирија има од 20.000 до 25.000 војници на ИД.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Путин за ракетата „Орешник“: „Моќта на масовниот удар е споредлива со нуклеарно оружје“
Рускиот претседател Владимир Путин изјави дека ракетата „Орешник“ има моќ што може да се спореди со нуклеарно оружје.
Тој на самитот на Организацијата за колективна безбедност (CSTO) во Астана објасни дека ракетата, чии елементи на удар достигнуваат температура од 4.000 степени, може да погоди високозаштитени објекти, дури и оние што се наоѓаат на големи длабочини, и сè што е во епицентарот на експлозиите се претвора во прашина, објави „РИА новости“.
Москва веќе има на располагање неколку ракети „Орешник“ и почна со големо производство на напредниот вооружен систем, додаде тој.
Свет
Во Германија уапсен лекар: осомничен за убиство на осум пациенти
Лекарот што годинава беше уапсен во Берлин е осомничен дека намерно убил осум од своите пациенти, а во некои случаи се обидел да ги прикрие доказите со палење, според истражителите.
Неименуваниот лекар, кој бил член на тимот за палијативна нега, во моментот на апсењето бил осомничен дека убил четворица постари пациенти во јуни и јули, а потоа се обидел да ги запали нивните станови, пренесуваат медиумите во регионот.
Полицијата и Обвинителството денеска соопштија дека се појавиле дополнителни случаи кога ги прегледале досиејата на пациентите и извршиле форензички прегледи на осомничените жртви, од кои две биле ексхумирани.
Тој првично беше уапсен под сомнение за убиство од небрежност, подметнување пожар и обид за палење. Обвинителите рекоа дека сега ги третираат случаите како убиства бидејќи се чини дека осомничениот немал друг мотив, освен да ги убие пациентите, според написите.
Тој е осомничен дека во јануари му дал смртоносна мешавина на лекови на 70-годишен старец. На почетокот на април следната жртва била 61-годишна жена. Неколку недели подоцна тој наводно убил 83-годишен старец.
Во четвртиот случај во јуни тој наводно убил 70-годишна жена во нејзиниот стан, а потоа го запалил. Пожарникарите успеале да спречат пожарот да се прошири на другиот дел од зградата, пишуваат медиумите во регионот.
Свет
На Германија ќе ѝ требаат дополнителни 288.000 странски работници секоја година до 2040
На германскиот пазар на труд се очекува да му бидат потребни 288.000 странски работници годишно до 2040, според новото истражување објавено оваа недела.
Анализата, спроведена за Фондацијата „Бертелсман“, покажува дека сегашното ниво на миграција на странски работници е значително помало од потребното.
Сузане Шулц, експерт за миграција во Фондацијата, изјави за ДПА дека треба да се отстранат бариерите и да се подобрат условите за мигрантите за да се задоволи растечката побарувачка. Друга проекција, заснована на малку понеповолно сценарио, сугерира дека Германија ќе има потреба од 368.000 странски работници годишно до 2040 година.
Според оваа проекција, од 2041 до 2060 година побарувачката се очекува благо да се намали на речиси 270.000 работници годишно благодарение на позитивните ефекти од претходната имиграција.
Според студијата, без нова имиграција, се очекува германската работна сила да се намали од 46,4 милиони на 41,9 милион работници до 2040 година, што е пад од речиси 10 отсто поради демографските промени.
Ова ќе се разликува од регион до регион. Истражувањето покажа дека работната сила во Северна Рајна-Вестфалија, најнаселената покраина во Германија, ќе се намали 10 отсто, што се смета за умерено.
Повеќе ќе бидат погодени државите како Тирингија, Саксонија-Анхалт и Сар. Дури и во економски силните региони, како Баварија, Баден-Виртемберг и Хесен, се очекува значителен недостиг на работна сила без прилив на странски работници.
Мицкоски: Многу бргу ќе слушате што сè е правено со безбедносните служби и ќе се срамите
Претседателот на Владата, Христијан Мицкоски на денешната собраниска седница за пратенички прашања, потенцираше дека за многу скоро време македонската јавност...
Гаши за уставните измени до Нова година: Собранието е спремно да ја почне процедурата веднаш штом ќе има политички договор
Претседателот на Собранието, Африм Гаши, смета дека измените за внесување на Бугарите во Уставот во Собранието ќе поминат многу лесно,...
(Видео) Експлозии во Киев, нападната е Одеса, огромен руски напад
Експлозии утрово одекнаа во украинските градови Одеса, Кропивницки, Харков, Ривне и Луцк, објавија украинските медиуми Зеркало Тижња и Суспилне, наведувајќи...
Изградил хотел во Скопската чаршија, надградил ходници, скали, рецепција, и тоа без одобрение за градење: поднесено обвинение против инвеститор
Основното јавно обвинителство Скопје, по спроведена истражна постапка, поднесе Обвинителен акт против едно лице за кривично дело – Бесправно градење...
Мицкоски, ако јас сум кума на хаосот, ти си гробарот на јавниот превоз, реагира Арсовска
„Реформата на јавниот сообраќај што ја споменуваш, „патриоту“ Мицкоски, ја вети заедно со мене пред скопјани, ти ја саботираш таа...
Филипче: Почнуваме веднаш со работа, најавувам посета на сите општински организации
Со изборот на новото раководство, Социјалдемократскиот сојуз на Македонија влегува во ново поглавје на своето политичко делување. Во тимот на...
Поранешен шеф на МИ6: Европа е во војна со Русија
Европа во моментов не е во предвоена ситуација, туку во војна против Русија, изјави вчера за Скај њуз поранешниот директор...
Пред заминувањето Бајден планира да испрати уште еден голем пакет воена помош за Украина
Администрацијата на американскиот претседател Џо Бајден подготвува пакет оружје за Украина во вредност од 725 милиони долари, изјавија денеска двајца...
Шефот на германското разузнавање: НАТО може да го активира членот 5 поради руските саботажи
Руската саботажа на западни цели на крајот може да го поттикне НАТО да размисли за повикување на клаузулата за заемна...
Маск го критикува начинот на кој функционира Европската Унија
Илон Маск ја критикуваше Европската комисија, нарекувајќи го телото „недемократско“, што е последна во серијата негови јавни критики на институциите...
Филипче за новото раководство: нова визија за позитивни промени во СДСМ
Новиот состав на Централниот одбор на Социјалдемократскиот сојуз вечерва ја одржа првата седница на којашто беше избрано партиското раководство „Вечерва...
Трендафилов: Со мизерни плати работниците имаат пари само за билет во еден правец, и тоа надвор од Македонија
Главна причина поради која има недостиг на работна сила во земјата се ниските плати и злоупотребите што ги прават газдите...
Дурмиши сака минималната плата да биде 600 евра, но ќе преговара за 450 на почетокот на декември
Во буџетот има пари за зголемување на минималната плата и во декември, како што бара Синдикатот, покрај законското зголемување од...
Tаравари колабирал и бил пренесен во болница
Министерот за здравство Арбен Таравари објави дека колабирал и завршил во болница откога вчера се споделуваше информација дека доживеал срцев...
Една година од убиството на Вања
Денес, се навршува една година од убиството на 14-годишната Вања Ѓорчевска од Скопје. Во тек е судскиот процес, кој треба...
„Влен“ јавно ги прашува ДУИ и Ахмети: Зошто сета оваа носталгија за Груевски?
„На Блерим Ќосето Беџети сите дела му излегуваат на мејдан! Срамот почна да го обзема, а сега се обидува да...
Заев е единствениот политичар од Западен Балкан што Меркел го споменала во мемоарите, пишува германски новинар
Поранешниот македонски премиер Зоран Заев е единствениот жив политичар од Балканот кого поранешната германска канцеларка Ангела Меркел експлицитно го споменува...
Медведев: Мојата тажна шега изгледа се претвора во застрашувачка реалност
Поранешниот руски претседател и актуелен заменик-шеф на рускиот совет за безбедност Дмитриј Медведев испрати предупредување до САД во објава на...
Телата на девојките што починаа од сомнително труење во Лаос пристигнаа во Австралија
Семејствата на двете австралиски тинејџерки кои починаа од сомнително труење со метанол во Лаос, ја коментираа веста дека осум лица...
Еден ден по несреќата во Црвеното Море, пронајдени пет преживеани
Египетските спасувачи пронајдоа четири тела и пет преживеани вчера, за време на потрагата во Црвеното Море, еден ден откако потона...
