Свет
(Видео) Американските власти ја запреа корона-програмата на Гејтс
Американските власти го запреа тестирањето за Ковид-19 што во Сиетл беше покренато на иницијатива на Бил Гејтс, чија програма требаше да биде тест за формирање поширок надзорен систем за коронавусот во САД, пренесува „Спутник“.
Американската администрација за храна и лекови (ФДА) нареди да престанат стотината тестирања дневно во Сиетл. Гејтс најави дека низ програмата СКЕН (Seattle Coronavirus Assessment Network) ќе бидат тестирани по 300 луѓе дневно, но сега програмата е на стенд-бај поради конфликтот со ФДА.
Програмата на Гејтс претходно доби одобрение од Одделот за здравство на државата Вашингтон, но дополнително беше утврдено дека за експериментални тестирања за Ковид-19 е потребна дозвола и од федералните власти.
ФДА побара дополнителни информации за програмата СКЕН во која се спроведува тестирање на луѓето кои немаат симптоми на Ковид-19 врз основа на брис од носот.
Гејтс наведе дека оваа програма би требало да биде тест за формирање надзорен систем за ширење на коронавирусот, а ја спроведуваат пет здравствени организации од Сиетл.
I’m hopeful that this program will improve our understanding of the coronavirus outbreak in Seattle and provide valuable information about the virus for other communities around the world. https://t.co/wnFarp28ys
— Bill Gates (@BillGates) May 13, 2020
Програмата требаше да послужи како пример по кој би се виделе резултатите од тестирањата на луѓе кои имаат, но и на оние кои немаат симптоми, односно за начинот на кој се шири вирусот, кои се најзагрозените и дали мерките за физичко дистанцирање воопшто помагаат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Руски хакери ги нападнаа веб-страниците на косовските институции
Руски хакери ги нападнаа веб-страниците на косовските институции, изјави министерот за одбрана Ејуп Македончи.
„Група руски хакери извршија сајбер-напад на Косово како одмазда за мојата изјава за поддршка на Украина“, изјави Македончи.
Во текстот на руските хакери се споменува говорот на тој косовски министер кој, според нив, рекол дека „Косово е подготвено да и понуди воена помош на Украина“.
„Косово е подготвено да ги здружи колективните напори за поддршка на одбраната на Украина. Треба повеќе да размислат за ова“ – напишаа хакерите на руски, спомнувајќи го министерот Македончи.
Министерката за надворешни работи и дијаспора Доника Гервала објави дека „Русија врши хибриден напад на Косово“.
Гервала на мрежата „Х“ изјави дека „рускиот хибриден напад на Косово“ доаѓа по најавата за поддршка на Косово за Украина со воена опрема.
Свет
Хумза Јусаф поднесе оставка, Шкотска има нов премиер
Новиот претседател на шкотската партија СНП, Џон Свини во шкотскиот парламент е избран за нов шеф на шкотската влада, на местото на Хумза Јусаф.
Тој доаѓа на местото на Хумза Јусаф (39), која поднесе оставка минатата недела по распадот на коалицијата со Зелените. Тие беа воздржани од гласање.
Изборот на Свини не е изненадување. Тој освои 64 од 129 гласови во парламентот каде Шкотската национална партија има големо водство пред опозициските партии, но нема апсолутно мнозинство. Тој допрва треба да положи заклетва пред Врховниот суд.
Претходно истиот ден, Јусаф формално ја поднесе својата оставка во писмо до британскиот крал Чарлс III. Тој беше на власт 13 месеци, по харизматичната Никола Старџен. Тој беше најмладиот шкотски премиер и првиот од националното малцинство.
„Како млад муслиман, роден и израснат во Шкотска, не сонував дека еден ден ќе бидам привилегиран да ја водам мојата земја“, напиша тој.
Регион
Александар Вулин: Пријателството меѓу Србија и Кина е челик затоа што го ковавме во оган
Вицепремиерот на Србија, Александар Вулин, на промоцијата на културната размена меѓу Кина и Србија на тема „Што ги делат планините и реките, пријателството обединува“, изјави дека пријателството меѓу двете земји е челик бидејќи е ковано во оган и дека Србија и Кина се разделени за многу работи, но најважното ги обединува, а тоа е одлуката на две држави да бидат слободни.
„Пријателството на нашите лидери, претседателот Вучиќ и претседателот Си Џинпинг, не обврзува да сториме сè, исто како нив, за нашите народи да бидат поблиски отколку што нè прави блиски географијата или историјата. Србите и Кинезите ги дели сè, ние сме различни во сè, но нас нè обединува она најважното – нашата одлука да бидеме слободни, нашата посветеност на најважната карактеристика на народите и луѓето – слободата“, рече Вулин на настан организиран од China Media Group.