Свет
Унгарија: ЕУ се соочува со најголемата криза во својата историја
Унгарската министерка за правда жестоко го прекори Европскиот парламент во своето убедливо обраќање во средата тврдејќи дека тој е дел од проблемот, а не решение во текот на пандемијата на коронавирусот, пренесува „Брејтбрат“.
Во својот говор пред пленарното собрание на ЕП, министерката Јудит Варга рече дека ЕУ се соочува со најголемата криза во својата историја поради пандемијата на коронавирусот, што претставува директна закана за животот и здравјето на граѓаните.
Варга го истакна шокот за Европската економија поради што се потребни нови решенија за одржување и зајакнување на европската конкурентност на долг рок бидејќи методите и решенијата користени во минатото очигледно не успеаја.
Таа исто така го осуди ЕП поради критиката кон мерките на унгарската влада за заштита на своите граѓани во време кога треба да ги поддржува своите земји членки во своите напори.
„Може ли една институција да се нарече европска ако напаѓа една од земјите членки за време на најтешкиот период во борбата против епидемијата, ги доведува во прашање нејзините мерки и ја поткопува легитимноста на своите одлуки? Ова не би се квалификувало како стандардна постапка, дури и меѓу непријателите, и претставува историско предавство во рамките на европското семејство“, посочи таа.
Граѓаните на ЕУ очекуваат дека ЕУ ќе ги поддржува земјите членки со сите средства што им стојат на располагање во борбата за спасување на нивните животи, изјави таа.
„Европскиот парламент не успеа да го исполни ова очекување. Денес, ЕП не е решението, туку дел од проблемот. Изворната мисија на Европскиот парламент требаше да биде место за демократска дебата, за почитување на европските вредности и различноста и идентитетот на европските нации, но ја напушти оваа мисија не успевајќи да ги сослуша своите членови“, истакна таа.
„Денес, на една земја членка на ЕУ не ѝ се гарантира ниту правото на фер судење. Дури и во најлошиот историски период, во концептуалните тужби, се водеше грижа да се осигури барем дека обвинетиот е присутен на судењето“, рече таа во врска со критиките на ЕУ за Унгарија.
Варга исто така ги претстави вонредните мерки донесени во Унгарија инсистирајќи дека тие целосно ги почитуваат владеењето на правото и принципите на ЕУ.
„Состојбата на опасност прогласена од унгарската влада на 11 март беше проширена со овластување од Националното собрание, но ова овластување не е неограничено ниту временски ниту по содржина, а Националното собрание може да го отповика овластувањето во кое било време, дури и пред крајот на состојбата на опасност“, нагласи таа.
Сепак, Европскиот парламент, според Варга, лажно ја обвини унгарската влада дека ги прекинала седниците на Националното собрание.
„За разлика од Европскиот парламент, унгарското Национално собрание е живо и функционално“, изјави таа.
Варга исто така истакна дека вонредните мерки на унгарската влада не ги ограничуваат активностите на медиумите и не влијаат на слободата на изразување, освен во преземањето ефикасна акција за ограничување на намерното ширење лаги.
„Сè што ќе кажеме или направиме денес, ќе го оценат идните генерации врз основа на тоа дали тоа спречило или помогнало да се спречи епидемијата и Европа да се врати на нозе. Верувам дека Европскиот парламент, наместо сегашната активност за раселување, ќе најде начин да одигра соодветна улога во оваа мисија“, рече Варга.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
48 лица загинаа во страшна несреќа во Кина, Кинезите го слават херојскиот потег на камионџијата
Кинезите го слават возачот на камион кој го паркирал своето возило преку автопат за да спречи повеќе возила да не се стркалаат по падината по уривањето на автопат. Најмалку 48 лица загинаа во несреќата на југот на земјата.
Ванг Ксијангнан во средата возел по автопат во провинцијата Гуангдонг кога забележал неколку возила кои се движат во спротивна насока на автопатот со четири ленти. Набрзо еден колега возач го известил дека автопатот пропаднал.
Поранешниот војник Ванг брзо го позиционирал својот камион да го блокира автопатот, ефикасно запирајќи десетици возила да продолжат кон амбисот. Во меѓувреме, неговата сопруга излегла од камионот за да ги предупреди другите возачи за ситуацијата, јавуваат кинеските медиуми.
„Не размислував премногу. Само сакав да ги запрам возилата“, изјави Ванг за кинеската новинска агенција. Храбрите постапки на Ванг не само што добија пофалби од Кинезите на социјалните мрежи, туку и признанија од Кинеската фондација за развој на работниците.
Фондацијата во петокот објави дека му доделила на Ванг 10.000 јуани (1.414 долари) во соработка со една автомобилска компанија. Добротворниот проект поврзан со технолошкиот гигант Алибаба, исто така, му даде на Ванг еднаков износ. Ванг изјави за весникот дека парите ќе ги донира на семејствата на жртвите од колапсот.
Локалните медиуми, исто така, објавија дека уште еден маж клекнал за да ги спречи автомобилите да продолжат по автопатот. Несреќата се случила по цел месец обилни дождови во Гуангдонг. Некои од 23-те возила кои паднаа во длабоката провалија се запалија, по што се издигнаа густи облаци од чад.
Во саботата, градската влада на Меиџоу во Гуангдонг објави дека властите ќе спроведат проверки на автопатите, железниците и патиштата во планинските области. Тим предводен од гувернерот на провинцијата ги истражува причините за падот.
Свет
Садик Кан по трет пат стана градоначалник на Лондон
Градоначалникот на Лондон, Садик Кан победи на изборите во главниот град по трет пат, победувајќи ја Сузан Хол од британската Конзервативна партија.
Кан, кој е од Лабуристичката партија, победи во девет од 14-те изборни единици во Лондон.
Тој обезбеди 1.088.225 гласови, додека за Хол гласале 812.397 гласачи, пренесува „Стандард“.
Свет
(Видео) Мачна сторија: 98-годишна Украинка пеш, во влечки побегнала од фронтот во Доњецк за да се најде со семејството
Лидија Ломиковска (98) се споила со семејството неколку дена откако избегала од украинскиот фронт, поради што пешачела 10 километри во влечки.
98-годишната жена која побегнала од територијата во Украина окупирана од Русија користејќи стап, само во влечки, и повторно се споила со своето семејство неколку дена откако биле разделени додека бегале на безбедно.
Лидија и нејзиното семејство одлучиле да го напуштат градот Очеретине, во источниот регион на Доњецк, откако руските војници влегле во него минатата недела и борбите се интензивирале.
– Се разбудив опкружен со пукотници, беше толку страшно – изјави Ломиковска во видео интервјуто што го објави полицијата во Доњецк.
Таа беше разделена од синот и снаите, од кои и едната беше повредена од шрапнел неколку дена претходно. Помладите членови на семејството тргнале по споредни патишта, но Лидија сакала да остане на главниот пат.
Со бастун во едната рака и парче дрво во другата, Ломиковска цел ден пешачела без храна и вода за да стигне до украинските линии.
Ломиковска рече дека два пати паднала и дека понекогаш морала да застане за да се одмори, а во еден момент дури и задремала пред да го продолжи патувањето.
– Еднаш изгубив рамнотежа и паднав во тревата. Заспав малку и продолжив да одам. И тогаш, по втор пат, пак паднав, но потоа станав и помислив, морам да одам, малку по малку – рече Ломиковска.
Павло Дјаченко, портпарол на полицијата, изјави дека украинските војници ја забележале Ломиковска како оди по патот во вечерните часови. Тие ја предале на „Белите ангели“, полициска група која ги евакуира граѓаните кои живеат на линијата на фронтот, кои ја однеле во прифатилиште за евакуирани и контактирале со нејзините роднини.
Ломиковска вели дека ја преживеала Втората светска војна.
– И јас морав да ја поминам оваа војна и на крајот останав без ништо – рече таа и додаде: – Таа војна не беше како оваа. Ниту една куќа не изгоре. Но, сега се гори – му рекла таа на својот спасител.
Извршниот директор на една од најголемите украински банки во вторникот на својот канал Телеграм објави дека банката ќе ѝ купи куќа за Ломиковска.
– Монобанк на Лидија Степанивна ќе и купи куќа и таа безбедно ќе живее во неа додека не заврши војната – изјави Олех Хороховски.
A story of a 98-year old Lydia Stepanivna from #Ocheretyne in Donbas who walked 10 km to escape the hell of occupation.
– I survived WWII, but this war is worse. In WWII not a single house in our village burnt – and now there’s nothing left.#StandWithUkraine pic.twitter.com/20lMAXGWYI
— olexander scherba🇺🇦 (@olex_scherba) April 29, 2024