Македонија
Пендаровски: ДИК не е надлежна да кажува кога може да има избори
„ДИК не е надлежен да кажува кога може да има избори. Ако политичарите кажат да има, тие тоа ќе го испратат во рамки на законската рамка. Сега имаме една законска рамка, ако понатака се донесе нова, тие тоа ќе го испочитуваат“, порача претседателот Стево Пендаровски по денешната седница на Советот за безбедност.
„Во однос на тоа што ДИК го достави, таму се цитираат законските рокови кои се неопходни за да извлечеме еден транспарентен кредибилен процес. Тоа што ДИК не го кажува и не може да го каже бидејќи не е нејзина надлежност, е датумот на избори. Кога политичките лидери ќе решат да има избори, ќе ѝ се кажат тие работи на ДИК, тие ќе се приспособат, тие одат според законите. Членовите на ДИК се врвни професионалци сосема независно по кој пат се дојдени таму, јас имав посебна средба со нив. Она што го знам е дека за материјалот кој го доставија до мене, сите биле ’за‘. И да повторам, ДИК не е надлежна да кажува кога може да има избори. Ако политичарите кажат да има утре, задутре, тие велат тоа ќе го испратат во рамки на законската рамка“, изјави Пендаровски во врска со мислењето коешто го добил денеска од ДИК во однос на изборниот процес, кое беше побарано по минатата лидерска средба.
Тој вели дека три работи од минатата лидерска средба биле побарани од надлежните институции. „Во однос на миниторинг мисијата ОБСЕ/ОДИХР. министерот за надворешни работи Никола Димитров, пред два дена, разговараше со шефот на таа организација и доби уверување дека ќе има на писмено за колку време тие се подготвени и дали се воопшто подготвени во услови на пандемија да ги мониторираат нашите избори.Втора работа, беше побаран документ од Комисијата за заразни болести, кој веќе е изготвен и каде се кажуваат сите потребни протоколи за спроведување на изборите. Клучна проценка во него е дека се додека не се најде вакцина, односно лек за овој вирус, изборите било каде во светот, не само тука, па веројатно и догодина, ќе мора да се бидат спроведуваат под посебен режим“, рече претседателот.
Тој рече дека траењето на вонредна состојба од 14 дена нема никаква корелација со датумот за избори и дека тоа е посебна тема која ќе биде дискутирана на лидерска средба идната недела.
Пендаровски денеска прогласи нова вонредна состојба од 14 дена, а не од 30 како што бараше Владата.Вонредната состојба ќе трае до 30 мај.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Неколку скопски општини денеска без струја
Од ЕВН Македонија известуваат дека за денеска се планирани неколку прекини во снабдувањето со електрична енегија на корисниците од градот Скопје и неговата околина:
· од 06:00 – 10:00 часот, корисниците од ул. Пајак и ул. Наум Наумовски Борче. (Општина Центар)
· од 08:00 – 12:00 часот, дел од корисниците од ул.Пејо Јаворов (општина Кисела Вода)
· од 09:00-11:00 часот корисниците од улиците со бр. 406 и бр, 408 во с. Марино. (Општина Илинден)
· од 09:00-15:00 часот корисниците од улица со бр. 101 во нас. Волково. (Општина Ѓорче Петров)
· од 09:00-15:00 часот корисниците од улиците Индира Ганди, Брсјачка Буна, Овчеполска, Пелагонија, Демирхисарска, Сландол, Хаџи Јован Шишков,Злетовска, Тиквешка и ул.Нов Живот. (Општина Шуто Оризари)
Македонија
Претежно облачно, попладне и кон крајот на денот повремен дожд
Променливо облачно, попладне и во текот на ноќта ќе има повремени локални врнежи од дожд, а на повисоките планини врнежи од дожд и снег. Ќе дува умерен, а долж Повардарието повремено засилен ветер од југоисточен правец.
Минималната температура ќе биде во интервал од 1 до 6, а максималната ќе достигне од 6 до 12 степени.
Во Скопје, претежно облачно, попладне и кон крајот на денот ќе има повремен дожд. Ќе дува слаб до умерен, а во делови од котлината повремено засилен ветер од југоисточен правец.
Минималната температура ќе се спушти до 3, а максималната ќе достигне до 11 степени.
Времето во наредните денови
Продолжува период на променливо облачно време со повремени врнежи од дожд, кои локално ќе бидат пообилни. На повисоките планини врнежите од дожд ќе преминуваат во врнежи од снег. Ќе дува умерен, повремено засилен јужен ветер што ќе услови до недела релативно високи температури. Од недела попладне ќе започне да дува северен ветер и температурите ќе бидат во опаѓање.
Македонија
Магла на неколку патни правци, слаб снег на Попова Шапка
Сообраќајот на државните патишта се одвива во зимски услови, по претежно влажни коловози. Слаби врнежи од снег на Попова Шапка без задржување на коловоз. Намалена видливост поради појава на магла има на планинските премини Плетвар до 100 метри, Стража до 80 метри и кај Крушево до 30 метри, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

