Свет
(видео) Италијанска пратеничка бара Бил Гејтс да биде уапсен за злосторства против човештвото
Италијанска пратеничка успеа да ја одведе играта вина за заговор на сосема ново ниво користејќи ја својата пратеничка позиција да го карактеризира Бил Гејтс како криминалец со вакцини и глобалистичка алатка, пренесува РТ.
Бил Гејтс и неговите напори во борбата против коронавирусот се во центарот на најлудите теории, кои посочуваат можни скриени мотиви зад активностите на милијардерот. Минатата недела италијанската пратеничка за Рим, Сара Кунијал, одржа говор што ретко – ако и воопшто – се слуша во кој било парламент.
Во своето страсно обраќање Кунијал ги повика колегите пратеници да им се спротивстават на плановите за задолжителна вакцинација против Ковид-19.
„Зад ваквите настојувања стојат корумпираните елити, длабоката држава“, тврди таа посочувајќи го Бил Гејтс како еден од главните виновници зад кампањата за вакцинирање ако не и за самата пандемија.
Споре Кунијал, Гејтс со децении работи на политика за депопулација и на планови за диктаторска контрола во глобалната политика за да го добие приматот во земјоделството, технологијата и во енергетиката.
Кунијал, која е познат противник на вакцините, го издвои Гејтс како негативец, пред сè, поради кампањите за вакцинирање што неговата фондација ги спроведува со години во помалку развиените земји. Освен што го обвинува милијардерот за стерилизирање милиони жени во Африка и парализирање стотици илјади деца во Индија, Кунијал ги додаде и ГМО и 5Г-технологијата во конспиративната листа на гревови на Гејтс.
Кунијал исто така остро ги критикува строгите мерки за борба против пандемијата на коронавирусот што нејзината земја ги наметна меѓу првите. Според неа, изолацијата ѝ служи и на глобалистичката агенда, а Италијанците биле подложени на инквизиција на лажните науки.
„Нашите деца се тие што ќе изгубат повеќе, кои се силувани души. На овој начин правото на школување ќе се добива само со ракавица за да ги навикне на условна казна, на ропство и на принудно постапување. Вистинската цел на сето ова е тотална контрола. Апсолутна доминација врз човечките суштества, претворени во заморчиња и во робови, кршење на суверенитетот и на слободната волја“, рече Кунијал.
Кога некои од пратениците се обидоа да ја прекинат, претседателот на парламентарниот дом наложи ред затоа што, според него, во слободен парламент секој има право да го искаже своето мислење.
Во својот говор потоа Кунијал побара од италијанскиот премиер да го изведе Гејтс пред меѓународната правда, освен, како што рече таа, ако Џузепе Конте не е и самиот дел од глобалниот заговор на длабоката држава.
„Следниот пат кога ќе добиете телефонски повик од филантропот Бил Гејтс, проследете го директно до Меѓународниот кривичен суд за злосторства против човештвото“, порача Кунијал.
Иако Гејтс во минатото честопати беше цел на теории на заговор, актуелната пандемија на коронавирусот го зголеми интересот за неговата личност. Неговата потрага по вакцина против Ковид-19, како и неодамнешниот патент на „Мајкрософт“ за нејасно опишан уред што ја следи активноста на телото, кренаа голема врева.
И покрај фактот што Гејтс технички се повлече од одборот на „Мајкрософт“ и веќе не е поврзан со корпорацијата, а „злобниот“ патент WO/2020/060606 воопшто не спомнува импланти, некои заклучија дека милијардерот можеби планира да го микрочипира човештвото под маската на вакцинирање на коронавирусот.
Иако тирадата на Кунијал можеби звучи без преседан, таа не е првата личност од висок профил што го напаѓа Гејтс. Рускиот оскаровец Никита Михалков на почетокот на месецов, исто како Кунијал, алармира на националната телевизија за наводен заговор за депопулација и контрола на населението на планетата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Маж во Тузла ги убил сопругата и двете деца
М.Ч. синоќа во Тузла ги убил сопругата и двете малолетни деца, а потоа си го одзел животот скокајќи од 14 кат од зграда.
Маж се самоуби синоќа околу 21 часот и 15 минути, а денеска полицијата во станот го пронашла телото на неговата 34-годишна сопруга и децата на возраст од две и девет години.
Според неофицијалните информации кои ги објавија сараевските медиуми, мажот работел како медицински техничар во Германија, а во Тузла пристигнал пред неколку дена.
Истражните екипи денеска пронајдоа секира во станот во населбата Ступине во Тузла, со која наводно ги убил сопругата и децата.
Портпаролот на обвинителството во Тузла, Адмир Арнаутовиќ изјави дека ќе бидат издадени наредби за обдукција на телата на загинатите за да се утврдат точните причини за смртта.
Ќе биде издадена наредба за биолошко вештачење, ДНК анализа, како и други истражни дејствија и вештачења, со цел да се утврдат сите околности поврзани со овој настан, вклучително и начинот и начинот на трите убиства“, рече Арнаутовиќ.
Свет
Нови детали за трагедијата во Иран: технички дефект е причина за падот на хеликоптерот, јавуваат иранските медиуми
Причината за падот на хеликоптерот во кој се наоѓаше иранскиот претседател Ебрахим Раиси е технички дефект на леталото, јавува иранската агенција ИРНА.
„Раиси загина во неделата како последица на хеликоптерска несреќа што се случи поради технички дефект на леталото“, се наведува во извештајот на иранската државна новинска агенција.
ИРНА не ја прецизираше природата на дефектот на хеликоптерот, објави ТАСС.
Екипите за пасување со часови ја пребаруваа нерамната површина од густа шума низ дожд и магла пред да го пронајдат местото на несреќата. Немаше преживеани.
Хеликоптерот со претседателот Раиси и министерот за надворешни работи Хосеин Амир-Абдолахиан се урна во неделата во северозападниот дел на Иран, во областа Верзеган, а покрај двајцата загинаа уште шест лица.
Регион
Вучиќ изрази сочувство за смртта на Раиси
Претседателот на Србија, Александар Вучиќ, изрази сочувство до народот и владата на Иран во врска со смртта на претседателот на таа земја, Ебрахим Раиси.
„Изразувам сочувство до народот и владата на Исламската Република Иран за смртта на претседателот Ебрахим Раиси, искрен и доследен пријател на Србија“, напиша Вучиќ на својот профил на мрежата Х.
Хеликоптерот со Раиси и министерот за надворешни работи Хосеин Амир-Абдолахиан се урна во неделата во северозападниот дел на Иран, во областа Верзеган, а покрај двајцата загинаа уште шест лица.