Свет
(видео) Огномет и солзавец на втората ноќ судири со полицијата во Париз поради смртта на мотоциклист

Тензиите беа високи на периферијата на Париз втора вечер по ред по смртта на тинејџерот мотоциклист за која бесното локално население ја обвини полицијата. Шест лица се уапсени, а десетици пожари биле запалени на улиците, пренесуваат локалните медиуми.
Групи млади излегоа на улиците на париското предградие Аргентуил во понеделникот во знак на протест поради смртта на Сабри Чуби. Чуби (18) почина откако се судри со бетонски столб во Аргентуил во саботата вечерта. Некои членови на заедницата тврдат дека тој се судрил со полициски автомобил.
#France
Angry protests erupted in Argenteuil of #Paris after an 18-year-old motorcyclist was killed in a crash following police chase late Sunday night. pic.twitter.com/hGbOKLjg58— th1an1 (@th1an1) May 18, 2020
Семејството на Чуби поднело формална жалба против полицијата, поттикнувајќи истрага за околностите на неговата смрт. Обвинителството во понеделникот објави дека првичните резултати од истрагата укажуваат оти нема докази за судир со полициско возило.
Во локалните медиуми се појавија информации дека Чуби не носел кацига за време на инцидентот. Оттогаш два дена со ред во предградието има протести. Десетици интервентни полицајци беа распоредени во областа во понеделникот вечерта за да го смират бесот кај јавноста.
Deux jours après le décès du jeune Sabri, des dizaines de personnes se sont rassemblées de nouveau dans les rues d'#Argenteuil où les forces de l'ordre sont présentes en nombrehttps://t.co/vXtxsch4dT pic.twitter.com/lKsKeRtLhv
— Sputnik France (@sputnik_fr) May 18, 2020
Морничави видеа од местото на настанот покажуваат дека демонстрантите фрлале огномети и други проектили кон полицајците од зад запалените барикади и подметнувале мали пожари на улиците. Полицијата одговорила со солзавец.
Според „Ле паризиен“, повикувајќи се на извор во полицијата, три автомобили беа запалени и вкупно 20 пожари биле регистрирани во областа во понеделникот ноќта. Истиот извор изјави дека тројца полицајци се повредени, а шест демонстранти биле уапсени.
Nouveaux incidents (très limités pour le moment) à la ZUP d’Argenteuil, après la mort de Sabri, 18 ans, ce dimanche matin, Notamment sur la dalle, proche commissariat, Feux d’artifices, départs de feux rue berionne, comme hier. @le_Parisien pic.twitter.com/N6X01oRqiL
— Victor Tassel (@victor_tassel) May 18, 2020
Париските предградија честопати се сведоци на насилства додека локалното население протестира против наводната полициска бруталност.
Минатиот месец, неколку последователни ноќи имаше протести и судири со полицијата откако 30-годишен мотоциклист беше сериозно повреден во судир со вратата на необележан полициски автомобил. Локалното население тврдеше дека вратата била отворена намерно, но француските медиуми и снимките од надзорните камери ја поддржале верзијата на властите дека нема полициска злоупотреба.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Габи Новак беше вистинска дама на југословенската поп-музика

Пејачката Габи Новак (1936–2025) беше вистинска дама на југословенската и хрватската забавна музичка сцена, вели музичкиот публицист и новинар Бранимир Локнер.
Во врска со веста за смртта на Габи Новак, Локнер изјави за „Танјуг“ дека првата фаза од нејзината кариера вклучувала поп, твист и други жанрови од шеесеттите години, потоа помек вокален џез.
Според него, нејзиниот стил се менувал низ годините и таа се обидела и со шансона, „што може да се види од композициите што ги направил нејзиниот сопруг Арсен Дедиќ (1938–2015)“.
Локнер рече дека Габи Новак не била фокусирана само на една музичка форма, а нејзиниот музички опус во однос на дискографијата, особено сингловите, е многу богат и таа била присутна на сцената континуирано.
Според неговите зборови, изведбата на Габи Новак на песната „Вино и гитари“ „до ден денес останува една од најголемите екс-џу еврегрини од 1960-тите“.
„Во првата фаза од нејзината кариера, таа беше покомерцијална, а нејзиниот подоцнежен пристап немаше таков комерцијализам, но беше препознаена и ценета. Секогаш ја сметаа за дама“, истакна Локнер.
Како што додаде, Габи Новак беше учесник на бројни забавни музички фестивали на домашната музичка сцена, а нејзината кариера беше придружена со релевантна дискографија.
Локнер додаде и: „Нејзините најплодни години во креативна смисла беа во втората половина на шеесеттите и првата половина на седумдесеттите“.
Свет
Трамп: Во првите две минути од средбата со Путин ќе знам дали може да се постигне договор

Американскиот претседател Доналд Трамп денес изјави дека украинскиот претседател Зеленски може да присуствува на неговиот самит со рускиот лидер Владимир Путин во Алјаска во петок, но изрази скептицизам дека тоа ќе направи разлика во постигнувањето мировен договор, објави денес телевизиската мрежа Си-Ен-Ен.
„Тој (Зеленски) не беше дел од тоа. Би рекол дека може да оди, но беше на многу состаноци. Знаете, тој е таму три и пол години. Ништо не се случи“, им рече Трамп на новинарите во Белата куќа.
„Ќе имаме состанок со Владимир Путин и на крајот од тој состанок, веројатно во првите две минути, ќе знам точно дали може да се постигне договор или не“, рече Трамп.
На прашањето на новинарите „како ќе го знаe тоа“, Трамп одговори: „Затоа што тоа го правам. Склучувам договори“.
Трамп подоцна додаде дека состанокот меѓу Путин и Зеленски ќе биде неопходен.
„На крајот на краиштата, ќе ги ставам двајцата во иста просторија. Или ќе бидам таму, или нема да бидам таму, и мислам дека ќе се среди“, рече Трамп.
Претседателот на САД рече дека „може да има многу дефиниции“ за добар договор, но исто така, според „Си-ен-ен“, се чини дека ги намали очекувањата пред самитот во петок.
„Се радувам на средбата со Путин за која мислам дека ќе биде добра, но може да биде и лоша“, рече Трамп.
Свет
Канаѓанец преживеал 9 дена во дивината, спасен благодарение на порака на камен

Маж кој исчезна пред повеќе од една недела во огромната дивина на Британска Колумбија, Канада, е пронајден жив откако го напишал зборот „Помош“ на карпа и напишал „СОС“ во калта.
Ендру Барбер (39) преживеал девет дена пиејќи вода од локва и градејќи импровизирано засолниште додека спасувачите не го пронашле, пишува „Би-би-си“.
Барбер исчезнал на 31 јули во близина на езерото Меклис, околу 587 километри северно од Ванкувер, откако неговиот камион се расипал. Девет дена подоцна, на 8 август, хеликоптер на Кралската канадска коњаничка полиција (RCMP) го забележал неговото возило на шумски пат, што значително ја стеснило областа за пребарување и на крајот довело до негово спасување.
Полициски хеликоптер набрзо го забележал Барбер во близина на неговото импровизирано засолниште. Пораката „ПОМОШ“ што ја напишал на каменот го привлекла нивното внимание. Тој бил тешко дехидриран и имал повреда на ногата, но сега е „прилично добро“.
„По повеќе од една недела во дивината, тој беше пронајден жив за време на воздушното пребарување денес“, објави локалната волонтерска група за пребарување и спасување Quesnel Search & Rescue на Фејсбук. „Овој исход е резултат на безброј часови на земја и во воздух, користејќи секој ресурс и технологија што ни е достапна“.
Спасувачкиот тим, исто така, сподели фотографија од засолништето што Барбер го изградил од стапчиња и кал, потпрен на карпа на која напишал порака за помош. По спасувањето, тој бил однесен во болница, каде што бил лекуван и отпуштен.
Барбер јадел што можел да најде додека бил во шумата. „Тој буквално сркал валкана вода од езерцето за да остане хидриран“, рече тој. „Човечкото тело може да издржи долго време без храна, но ситуацијата е поинаква со водата.“
Боб Цимерман, претседател на „Кеснел Рискју“, изјави за CBC News дека не е сигурен дали Барбер „ќе издржеше уште 24 часа ако не го пронајдовме ние“.