Свет
Бројот на новороденчиња во САД најмал во последните 35 години
Бројот на новороденчиња во САД не бил толку низок како во 2019 година од 1985 година, а стапката на плодност достигнала историско ниско ниво, покажуваат објавените податоци.
Минатата година имало 3.745.540 раѓања во таа земја или 1 процент помалку отколку во 2018 година.
„Ова е петта година како се намалува бројот на новороденчиња по зголемувањето во 2014 година“, објави Американскиот центар за превенција и борба против болести.
Доколку не се земе предвид 2014 година, бројот на новороденчиња паѓа од 2007 година. Минатата година тоа беше најмал број во последните 35 години.
Споредбата со 1985 година е уште поинтересна затоа што САД таа година имале речиси 90 милиони помалку жители отколку денес.
Доколку се земе предвид бројот на населението, стапката на плодност била најниска во 2019 година, односно 1,7 дете на жена.
Оваа бројка е под потребната за обнова на населението (2,1 деца на жена).
Во САД бројот на деца на жена опадна во речиси сите возрасни категории, освен оние меѓу 40 и 44 години.
Кај адолесцентите на возраст меѓу 15 и 19 години таа продолжи да паѓа и тоа пет проценти во однос на претходната година.
Покрај тоа, стапката на предвремено родени се зголемува петта година по ред достигнувајќи 10,2 проценти минатата година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кулеба: Повеќе од половина од енергетскиот систем на Украина е оштетен во нападите на руските сили
Повеќе од половина од енергетскиот систем на Украина е оштетен во нападите на руските сили, изјави министерот за надворешни работи на Украина Дмитро Кулеба.
Во интервју за Форин Полиси, тој рече дека Украинците најмногу страдаат од руските ракетни напади и дека руските балистички ракети се „вистинско зло“.
Наведувајќи дека руските сили користат балистички ракети главно за напади врз енергетскиот систем на Украина, Кулеба оцени дека која било друга земја, доколку претрпи таква штета на енергетските капацитети, ќе изгледа многу полошо од Украина.
Свет
Полицијата во САД уби ученик пред училиште во Висконсин по пријава за пукање
Американската полиција убила ученик пред средно училиште во Висконсин, откако добила дојава дека таму има вооружено лице, изјави Џош Кол, обвинител на таа американска држава.
Полицијата на Фејсбук соопшти дека нема повеќе осомничени и дека нема повредени „освен наводниот напаѓач“, пренесува Асошиејтед прес.
Кол одбил да одговори на прашањата на новинарите дали ученикот пукал и се обидел да влезе во училиштето.
Свет
При уривање на автопат во јужна Кина загинаа 36 лица
Бројот на загинати во уривањето на дел од автопатот во јужната кинеска провинција Гуангдонг се искачи на 36, соопштија локалните власти.
Несреќата се случи вчера наутро, а по уривањето на делницата долга 17,9 метри, 23 возила паднале во провалија, јавува агенцијата Синхуа.
Претходно беше соопштено дека загинале 24 лица, а 30 се повредени.