Забава
Играч од Гостивар со онлајн-учество во Лото 7 освои шестка вредна над 6.000 евра
Онлајн играч на Лото 7 на Државната лотарија во вчерашното (40-то) коло ја освои досега најголема добивка постигната со онлајн учество во оваа игра на среќа.
Телефонски се поврзавме со нашиот добитник којшто ни соопшти дека е пензинер од Гостивар, редовен лото играч, љубител на игра со скратени системи.
Тој ја пофали можноста за онлајн учество во Лото 7 и Џокер, посебно во време кога не е пожелно да се изложува на ризик и да уплаќа на продажно место.
Добитникот е долгогодишен лото играч и најчесто игра скратени системи.
Порано, системите ги распишувал на повеќе помошни ливчиња, но откако Државна лотарија понуди можност да се игра на едно ливче со избор на еден од 24 системи, рече дека работата му се скратила.
Сега е презадоволен од можноста од дома да учествува во својата омилена игра на среќа. Уште со почетокот на пандемијата, тој се обратил во контакт центарот за помош за регистрација и оттогаш не пропушта коло без да уплати и одигра некој од скратените системи.
Најчесто го играл скратениот систем со број 21 и досега во повеќе наврати добивал четворки и петки. Сега за првпат решил да го игра скратениот систем со број 16. Броевите не ги избира самиот туку квикпик опцијата дозволува тоа за него да го стори компјутерот.
Неговиот избор на скратен систем број 16, како и довербата во случајниот избор на броеви, го донесе до шестка вредна 371.297, 50 денари, две петки, (секоја во вредност од 3.031 денар) и 39 добивки од категорија четворка.
Вкупната добивка од коло 40 на онлајн играчот од Гостивар изнесува 385.160,00 денари, а средствата ќе ги намени за реновирање на семејниот дом.
Пред неполн месец, во коло 33 имаше шестка вредна 348.297,50 денари постигната од онлајн играч од Гевгелија.
Предноста на онлајн играчите е што од удобноста на својот дом може да се вклучат во омилената игра, да уплатат и одиграат онлајн, но и да ги добијат средствата од постигнатите добивки на својот кориснички профил.
Популарноста на онлајн учеството во игрите на среќа Лото 7 и Џокер е се поголема, а семејството на онлајн играчи е се побројно. За непол месец две шестки заминаа во рацете на онлајн играчи, а дали можеби и очекуваната седумка ќе падне во рацете на онлајн играч, останува да се види.
Минатата година, на 8 мај, во Кавадарци, падна најголемата седумка во историјата на Државна лотарија вредна 29.293.930 денари. Тоа беше и првата седумка од играта на среќа Лото 7, а втората, во вредност од 11.966.712 денари беше постигната во Кичево. Во очекување сме на третата седумка од играта на среќа Лото 7.
Во тек е уплатата за коло 41, а фондот за седумка е над 29.000.000 денари.
За онлајн играчите Државната лотарија има актуелна кампања 300+100, а повеќе информации за неа и за другите поволности, побарајте на официјалните социјални медиуми и на веб страната www.loto.mk.
(ПР текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Кралот Чарлс нема да го види својот син Хари бидејќи е премногу зафатен
Принцот Хари нема да го види својот татко, кралот Чарлс, за време на посетата на Велика Британија, каде што пристигна на игрите Invictus, бидејќи кралот ќе биде премногу зафатен, изјави портпаролот на Хари.
В среда 39-годишниот Хари ќе ја прослави десетгодишнината од меѓународниот спортски настан Invictus Games, кој тој го основал, во катедралата „Свети Павле“ во Лондон, кој е мултидисциплинарен спортски настан за ранети и болни воени ветерани.
„Како одговор на многуте прашања и шпекулации за тоа дали војводата ќе се сретне со својот татко за време на посетата на ОК оваа недела, за жал, тоа нема да биде можно поради презафатениот распоред на неговото височество“, рече портпаролот на принцот Хари. „Војводата од Сасекс разбира дека татко му има обврски и разни други приоритети и се надева дека набргу ќе го види“, додаде тој.
Помладиот син на кралот Чарлс ја посетил Британија само неколкупати откако тој и неговата сопруга Меган се преселиле во Лос Анџелес во 2020 година, каде што живеат со двете мали деца. Тие претходно се откажаа од службените кралски должности. Хари присуствуваше на погребот на својата баба, кралицата Елизабета Втора, во 2022 година, а присуствуваше и на крунисувањето на татко му во мај 2023 година.
Последен пат беше виден во Велика Британија во февруари оваа година кога накратко се сретна со својот татко откако 75-годишниот монарх објави дека му бил дијагностициран рак. Хари е отуѓен од кралското семејство и се вели дека едвај зборува со својот постар брат и престолонаследник, принцот Вилијам.
Кралот Чарлс минатата недела се врати на своите јавни должности со оглед на тоа што неговото лекување беше успешно и тој добро закрепнува, соопшти Бакингемската палата. Палатата исто така соопшти дека нема да коментира за прашања поврзани со Хари. По заминувањето од Британија, Хари со сопругата ќе ја посети Нигерија.
Забава
Непредвидливи хороскопски знаци: не знаете што да очекувате од нив
Секогаш е непријатно кога не знаете што да очекувате од другата личност во која било смисла. Ова се непредвидливи хороскопски знаци кои сигурно ќе ве натераат да се намачите.
Чудните и неочекувани промени на расположението се многу карактеристични за овие луѓе. Тие можат да се предомислат во секунда и да донесат неочекувана одлука која ќе ги збуни сите, а тоа е особено незгодно ако сте во блиски односи со нив. Од друга страна, понекогаш знаат да изненадат на убав начин.
Непредвидливи хороскопски знаци
Овен
Овенот е управуван од Марс, па тоа е доволен показател зошто овој знак е непредвидлив. Бидејќи се под влијание на таква страсна и експлозивна планета, Овните ретко се во состојба на стабилност и се подложни на нивните моментални импулси. Покрај тоа, претставниците на овој знак знаат да испробуваат нови работи и често одат на тоа без многу размислување. Сепак, ова е проблематично кога станува збор за расправии бидејќи некои зборови навистина можат да ги навредат нивните најблиски.
Близнаци
Двојната природа на Близнаците истовремено наидува на одобрување, но и на отворено непријателство меѓу луѓето. Поентата е дека непостојаноста на Близнаците понекогаш им годи и ги наградува другите со позитивна енергија, принудувајќи ги да се движат наместо пасивно да останат на место. Меѓутоа, често таквата спонтаност е сосема несоодветна. Не секој е подготвен да ги промени своите планови со молскавична брзина, прилагодувајќи се на новото расположение на Близнаците.
Шкорпија
Вродената таинственост на Шкорпиите понекогаш ниту на нив не им оди од рака, а камоли на луѓето околу нив. Иако внимателно ги кријат своите чувства од другите луѓе, во последен момент ќе ги изненадат своите сакани со неочекувани промени, принудувајќи ги да играат по ново сценарио. Можеби претставниците на овој знак треба повеќе да се отвораат кон другите и да ги изразат своите емоции за да биде поразбирливо и поочигледно во очите на другите.
Водолија
Дури и Водолиите сами по себе не знаат што има во главата на главниот револуционер од зодијачкиот круг. Претставниците на овој знак се свесни дека им предизвикуваат непријатности на луѓето со нивното променливо расположение, но тоа само ги забавува и ги прави горди на сопственото изненадување. Понекогаш се однесуваат како тинејџери кои протестираат, но се подготвени да направат се што е по нивно и од принцип да ги променат одлуките во последен момент.
Забава
Катарина Ивановска на прошетка во Италија, официјално го покажа своето ново момче
Моделката Катарина Ивановска периодов ужива во убавините на Италија.
Ивановска на оваа прошетка има посебна личност покрај себе. Се работи за нејзиниот партнер.
View this post on Instagram
„Пролетен одмор“, напиша Катарина на фотографиите, помеѓу кои и една на која новото момче ја бакнува.
Катарина Ивановска беше во врска со поранешниот македонски кошаркар Перо Антиќ.