Македонија
„Транспаренси“: Државите мора да обезбедат транспарентност и усогласеност со антикорупциските одредби
UNCAC-коалицијата ги повикува владите да обезбедат висок степен на транспарентност во нивното справување со здравствената и економската криза предизвикана од Ковид-19 со цел нивните заложби да бидат поефикасни и да ги намалат последиците предизвикани од корупција и измами.
„Транспаренси интернешнл – Македонија“, како членка на UNCAC-коалицијата, во повеќе наврати укажа за заложбите што ги презема за време на Ковид-19 преку јавни соопштенија преку медиумите и социјалните медиуми, како и на активностите што заеднички ги спроведува во рамките на Платформата на граѓански организации за борба против корупцијата.
Како што многу држави мобилизираат огромни суми во своите кризни фондови со цел справување со кризата, на јавноста, граѓанското општество и на медиумите мора да им биде обезбедена слобода во набљудувањето и евалуацијата на тоа како се трошат јавните ресурси.
„Во ова време на криза, кога граѓанските слободи се ограничени и системот на спреги и кочници е ослабнат, повеќе од кога било е неопходно да се осигурат транспарентноста и антикорупциските принципи на Конвенцијата на Обединетите нации против корупцијата и нивно спроведување“, изјави Матијас Хутер, директор на UNCAC-коалицијата.
Во рамките на Конвенцијата, 186 држави од светот се обврзаа да создадат системи за јавни набавки, кои ќе се основаат на транспарентност, конкуренција и објективни критериуми во носењето одлуки. Во своите заложби во пандемијата предизвикана од Ковид-19 владите мора да обезбедат активно објавување на информациите поврзани со процесите на јавните набавки и јавен пристап до сите важни документи вклучувајќи ги и поголемите евалуации, склучените договори, нивното спроведување и завршувањето на проектите.
Неопходно е ова да се примени на склучените договори во постапките за време на криза.
Понатаму, јавноста треба да има пристап до информации, датуми на регистрација на компаниите, нивните поднесени документи, како и нивните директни сопственици, со цел да набљудува кој има придобивки од јавните договори.
Исто така, неопходно е владите да обезбедат транспарентност и одговорност во управувањето со јавните финансии, како што се обврзаа тоа да го прават во согласност со UNCAC: владите треба да обезбедат целосна транспарентност и соодветен надзор на ресурсите што се распределени за справување со кризата од Ковид-19. Во принцип, имињата и идентитетите на компаниите и претпријатијата што примаат помош во период на криза или финансирања, дали во форма на грантови или нискокаматни кредити, треба да бидат јавно достапни, како и деталите во однос на дадената поддршка и какви било поврзани услови.
Граѓанските организации играат важна улога во набљудувањето во трошењето на јавните ресурси и осигурување одговорност кај тие што носат одлуки. Владите се обврзаа на промовирање активна вклученост на граѓанскиот сектор во борбата против корупцијата во рамките на член 13 од UNCAC. Исто така, неопходно е владите да обезбедат соодветен простор за граѓанските организации, како и медиумите да може да функционираат, дури и во време кога граѓанските слободи се ограничени за заштита на јавното здравје.
Во справување со пандемијата од Ковид-19 голем број влади презедоа мерки да се ограничат транспарентноста и јавниот пристап кон информации. Ефикасен пристап до информации е клучен не само за превенција и детектирање корупција и осигурување на одговорноста туку и за промовирање на јавната доверба и справувањето со дезинформации.
„За време на Ковид-19, пристапот до информации е поважен од кога било поради тоа што јавноста мора точно да знае што правини вната влада за справување со кризата и да се осигури одговорност во нивните одлуки“, вели Дејвид Банисар, претседател на UNCAC-коалицијата и претседател на ‘Транспарентност’, во рамките на членот 19: „Пред сè, владите не смеат да ја користат пандемијата како можност да ги покријат својата неспособност, корупција или поширока злоупотреба на човековите права“.
Укажувачите често играат важна улога во откривањето случаи на корупција, непотизам, измама, загуба и други проблеми што влијаат на јавноста. За време на кризата, многумина излегуваат пред јавноста со октривање на проблемите со итните реакции, што доведе до подобрувања. Но, многумина исто така биле казнети или биле под закана поради таквите постапувања. Поради тоа, неопходно е државите да усвојат и спроведат законска рамка, која ќе осигури целосна заштита на укажувачите што укажуваат на грешки во јавниот и приватниот сектор.
UNCAC-коалицијата исто така ги повикува сите донатори што ги поддржуваат државите во врска со справувањето со здравствената и социо-економската криза предизвикана од Ковид-19, меѓународните организации, владите, фондациите, како и другите приватни донатори – да осигурат највисоки степени на транспарентност кога обезбедуваат помош.
Донаторите е потребно јавно да ги објават деталите на финансиската и нефинансиската дадена помош, сите услови поврзани со помошта, имињата и другите идентификувачки фактори на компаниите на кои им се доделени договори, како и нивните сопственици. Транспарентноста е неопходна за да им се овозможи на граѓанските организации и јавноста да ги набљудуваат доделувањето и користењето на помошта во сите нејзини облици. Понатаму, донаторите треба да ги вклучат сите антикорупциски мерки во кризните фондови што ги доделуваат за да може да обезбедат дека средствата не се несоодветно распределени, украдени или потрошени, туку ефикасно насочени кон тие на кои најмногу им е потребна помош, се наведува во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Зоран Трајчевски ќе продолжи да ја води АВМУ и во наредните пет години
Зоран Трајчевски ќе продолжи да ја води Агенцијата за аудио и аудиовизуелни медиумски услуги и во наредните пет години, откако ја обезбеди поддршката од Советот на АВМУ за продолжување на својот мандат.
„На денешната 26-та седница, Советот на Агенцијата одлучи во наредниот петгодишен период Агенцијата за аудио и аудиовизуелни медиумски услуги да ја води д-р Зоран Трајчевски“, соопштија од АВМУ.
Македонија
Усвоен буџетот на општина Аеродром за 𝟤𝟢𝟤𝟨 година – најголемиот и најкапиталниот досега
Советот на општина Аеродром денеска го усвои Буџетот за 2026 година, кој претставува најголем и најкапитален буџет досега. Со овој буџет се обезбедуваат конкретни и одржливи решенија за унапредување на квалитетот на живот на граѓаните и се поставуваат јасни насоки за развој на општината.
Вкупната финансиска рамка изнесува:
· Основен буџет: 1.302.567.000 денари
· Капитални инвестиции: 883.375.000 денари
Буџетот за 2026 година е насочен кон инвестиции што обезбедуваат вистинска грижа, подобар живот и еднакви можности за сите жители. Средствата се распределени во повеќе клучни области – образование, социјална заштита, култура, спорт, инфраструктура, урбан развој и заштита на животната средина.
Образование и грижа за најмладите
· Доградба на ООУ „Блаже Конески“
· Доградба на ООУ „Гоце Делчев“ – Горно Лисиче
· Доградба на градинка „Изворче“ – Стар Аеродром
· Изградба на нова градинка „Пчелка 1“ – населба Лисиче
· Проект „Униформа за секој ученик“
· Обезбедување таблет за сите ученици од четврто одделение
· Награда за наставник на годината
· Награда за ученик на годината
· Субвенции за талентирани ученици и спортисти
Социјална поддршка
· Финансиска поддршка од 8.000 денари за секое новороденче
· Финансиска поддршка за првачиња
Култура, спорт и квалитетен живот
· Изградба на првиот мултифункционален центар – јадро на културата и забавата
· Изградба на нови спортски игралишта
· Изградба и уредување детски игралишта
· Поставување калистеника фитнес зони
· Нова урбана опрема во сите населени места
Инфраструктура и урбан развој
· Реконструкција на улици и пешачки површини:
- ул. „Симеон Кавракиров“ – Мичурин
- крак од бул. „3-та Македонска бригада“ (кај Метро)
- ул. „Лисец“ – Горно Лисиче
- краци на ул. „Ѓорѓи Капчев“ и „Тодор Чангов“
- ул. „Богомилски Поход“
- ул. „Гаврил Константиновиќ“
- плочници во Ново Лисиче
· Реконструкција на ТЦ Населба Лисиче и плочник околу ТЦ „Три Бисери“
· Изградба на мост на патот Горно – Долно Лисиче
· Довршување на водоводните мрежи во Горно и Долно Лисиче
· Ново сообраќајно решение во Мичурин и Стар Аеродром за полесно движење на возилата, зголемен број паркинг-места и побезбедни пешачки и велосипедски патеки
Чиста и уредена општина
· Набавка на нова механизација за одржување на хигиената и зеленилото
· Униформи и заштитна опрема за комуналните работници
„Буџетот за 2026 година претставува јасна определба за рамномерен развој, еднаква грижа и подобро секојдневие за сите граѓани. Општина Аеродром продолжува да инвестира одговорно и стратешки, градејќи општина во која децата растат во безбедна средина, младите добиваат нови можности, а секој граѓанин чувствува поддршка и грижа.
Општина Аеродром останува посветена на заедничката цел – Аеродром по мерка на секој жител и иднина исполнета со развој, можности и доверба“, соопштува општина Аеродром.
Македонија
Утре сончево со мала до умерена облачност, во наредните денови стабилно и студено со ниски утрински температури
Сончево со мала до умерена облачност. Ќе дува слаб до умерен, а долж Повардарјето засилен ветер од северен правец (над 60 km/h).
Минималната температура ќе биде во интервал од -5 до 1, а максималната ќе достигне од 4 до 10 степени.
Во Скопје, сончево со мала до умерена облачност. Ќе дува умерен ветер од северен правец. Минималната температура ќе се спушти до -2, а максималната ќе достигне до 8 степени.
Во наредните денови следува период на стабилно и студено време со ниски утрински температури кои насекаде ќе бидат негативни. Во првите денови од следната седмица наместа ќе се спуштат до -10 степени. Во деновите од викендот ќе дува засилен до силен северен ветер (локално над 60 km/h).

