Македонија
Мицкоски: Економијата оди надолу, мерките се изборна измама
„Покрај серија прес-конференции на власта за тоа колку добро се живее и колку многу ѝ се помага на економијата, во реалноста имаме вистински хаос од проблеми, беспарица и тежок живот. Тоа што лошо се менаџира корона-кризата е голем проблем. Но, еднакво лошо дури и многу хаотично е во економијата“, изјави претседателот на ВМРО-ДПМНЕ, Христијан Мицкоски.
„Имаме три пакет-мерки и многу пластично може да се споредат ефектите од нив. Бенефити нема, сè полошо е во економијата, а најновиот пакет-мерки, освен за пиар, нема никаква корисна функција, односно може слободно да се каже дека претставува изборна измама. Имама која сега се вика трет пакет-мерки, а иста како онаа дека ќе имало просечна плата од 500 евра, чист воздух, ќе дошол живот, ќе имало реформи во судството и правосудството, правда за секого, ‘Фејсбук’ и ‘Гугл’ ќе дошле да инвестираат во Македонија итн.“, вели тој.
Според Мицкоски, единственото економско достигнување остварливо за Владата е дефицитот, и тоа е околу 200 милиони евра за 4 месеци. Секое домаќинство е задолжено со нови долгови, а граѓанинот исто како и бизнисот мака мачи да сврзе крај со крај.
„Не е ова мегдан за добивање политички поени, туку да се укаже дека вака повеќе не оди и дека економијата страда. А економијата оди надолу затоа што имаме опасна неспособност на Владата на Заев и Спасовски. Само датумите се нови, а исти се лагите, невистините и манипулациите. Во продолжение би сакал да се осврнам на неколку конкретни показатели врз основа на кои одлучивме на првата лидерска средба кај претседателот Пендаровски да се воведе вонредна состојба. На тој состанок постоеја две причини за да се воведе вонредната состојба, и тоа првата беше поради тоа што имаше потреба да бидат одложени веќе закажаните предвремени парламентарни избори, кои требаше да се одржат на 12 април и втората беше дека е потребно да се донесе пакет економски мерки што ќе бидат помош за граѓаните, но и помош за стопанството.
Што се случи? Се донесе уредба со сила на закон за одложување на изборите, која го нема легитимитетот од опозицијата и за тоа зборував во неколку наврати изминативе денови за време на моите изјави што ги давав во јавноста бидејќи ќе споменам уште еднаш – техничкиот министер во Министерството за внатрешни работи не ја гласаше таа уредба од причини веќе познати на јавноста, а кога сме кај сетот економски мерки, би сакал малку подетаљно да се осврнам на ефектот од нив. Денеска е точно 66. ден од воведувањето на вонредната состојба, нема да се задржам на уредбите со сила на законот, кои некому му донесоа лиценца за одгледување марихуана, нема да ги коментирам уредбите за брусење дијаманти или уредбите што требаше вонредно да извршат исплата на платите на поранешните вработени во специјалното јавно обвинителство. И нема да ги коментирам уште десетиците такви уредби, ќе се задржам само на оние што требаше, всушност, да бидат економска поддршка за граѓаните и за стопанството.
Во првиот сет мерки што ги донесоа ресорниот министер и Владата, две беа точките што беа клучни, и тоа 50 проценти субвенција на придонесите и втората е одложување на аконтацијата на данокот на добивка. За втората ќе повторам буџетски импликации нема, а за првата да има, и во продолжение ќе ја запознам јавноста колкава е искористеноста на таа мерка. Вториот сет мерки беше мерката 14.500 денари помош за компаниите или минимална плата помош за компаниите за април и мај и покрај тоа што ние како опозиција велевме – немојте да го оставате стопанството 2 месеца без никаква помош, ајде да го вклучиме и март бидејќи стопанството мора да остане живо затоа што само живо стопанство и реален сектор значат стабилна и загарантирана иднина за нашата држава и за нашите граѓани.
Но, каква е реалноста? Вкупно беа предвидени 60-ина милиони евра месечно помош во двата месеца, а тоа се месеците мај и јуни, т.е. во мај требаше да биде исплатена помошта за април, и за јуни треба да биде исплатена помошта за мај и со тоа да бидат опфатени вкупно 250 илјади граѓани“, вели Мицкоски.
Според него, вкупно во мај помош за април добиле 17.813 правни субјекти или компании или вкупно 110 илјади вработени, што е речиси два и пол пати помалку од тоа што беше предвидено со уредбата, а во вкупен износ се исплатени нешто повеќе од 1,5 милијарда денари или околу 25 милиони евра, што е малку повеќе од 2 пати помалку од она што претходно го најавуваше Владата.
„Економската поддршка за стопанството, која беше опфатена во првиот и вториот сет мерки, не само што не е исполнета и не само што не е испорачана како што била планирана и ветена пред стопанството и реалниот сектор, туку е од 2 до 2 и пол пати помала во споредба со она што беше ветувано. Сега, доколку вонредната состојба заврши на 30 мај и доколку претседателот Пендаровски не одлучи да ја продолжи, од тој момент престанува во сила уредбата во која е суспендиран членот 8 а од Изборниот законик, што значи дека помошта што треба стопанството да ја добие во јуни, а се однесува за мај, не може да ја добие доколку изборите се одржат во следните 60 дена почнувајќи од 31 мај и завршувајќи на 31 јули. Уште една лага што е испорачана од ресорниот министер, Заев и од Спасовски. Доаѓаме до најголемата лага, а тоа е т.н. трет сет мерки, кој четврти пат ни се најавува на четврта прес-конференција од страна на ресорниот министер. Овој трет сет мерки опфаќа три групи мерки што ги предвидела Владата. И тоа првиот е посветен на поттикнување на јавната потрошувачка и се однесува на помош кон граѓаните, вториот е исто така помош кон стопанството и третиот е помош кон земјоделството и земјоделците“, вели Мицкоски.
Осврнувајќи се на третиот пакет-мерки и ваучерите што ќе им бидат делени на граѓаните, Мицкоски вели дека сето тоа е со цел да биде едно ветување предизборно во обид за поткуп преку еднократна мерка, која, практично, а така веруваат во Владата, ќе обезбеди поддршка од страна на граѓаните што ќе бидат евентуални корисници на овие мерки по парламентарните избори.
„Зошто? Затоа што истото што важеше за вториот сет мерки, ќе важи и за третиот, односно веднаш по 30 мај доколку не биде продолжена вонредната состојба, а сите изгледи се такви дека нема можност за продолжување, членот 8 а од Изборниот законик стапува во сила и сите овие вонредни исплаќања на плати, социјална помош или други исплати и материјални надоместоци, кои не се редовни месечни примања, се кривично дело, што е казниво со закон и затворска казна од минимум 5 години. Ја користам ова пригода до сите оние што ќе се обидат на ваков начин, лажно и лицемерно да ветуваат, сите оние што ќе се обидат да поткупат, сите оние што ќе сторат кривично дело, дека ќе добијат кривична пријава“, вели тој.
Мицкоски ги повика Државната комисија за спречување корупција и судир на интереси и антикорупциска комисија да излезат со став за сето ова што изминативе денови четврти пат од ресорниот министер и од Владата ѝ беше соопштувано на македонската јавност, ѝ беше ветувано нешто што никогаш нема да се исполни.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Движењето со инвалидски колички во Скопје е можно само ако можат да летаат – активистите со провокативна акција
Група млади активисти и уметници под менторство на програмата за креативен активизам на Центарот за современи уметности реализираа впечатлива и провокативна уметничка интервенција под наслов „Ограничена Мобилност, со цел да ја подигнат јавната свест за секојдневните предизвици со кои се соочуваат лицата со попреченост, постарите граѓани со намалена подвижност, како и младите родители што секојдневно се движат низ градот со детски колички.
Во рамките на оваа креативна акција, стари и нефункционални инвалидски колички беа трансформирани во имагинарни „летечки колички“. Опремени со крилја и пропелери, овие симболични објекти пренесуваат моќна порака: во денешно Скопје, за многумина движењето низ јавниот простор е возможно — само доколку можат да летаат.
И покрај долготрајните јавни дискусии, голем дел од скопските улици, тротоари, институции, трговски центри и јавен превоз сè уште се физички недостапни за лицата кои користат помагала за движење. Симболичната интервенција се одвиваше на повеќе локации низ Скопје, во соработка со локални жители и претставници на лица со ограничена подвижност.
„Со оваа акција, како уметници и активисти сакаме да испратиме јасна порака за систематското институционално и инфраструктурно занемарување на лицата со ограничена мобилност, кое исклучува илјадници граѓани од полноправно учество во општествениот, социјалниот, културниот и економскиот живот. Сметаме дека пристапноста не е привилегија — таа е основно човеково право“, порачаа активистите.
Во понеделник ќе биде организирана уште една слична акција а во вторник 24 јуни од 20 часот во Мобилната монтажна галерија ќе биде отворена изложба со наслов Ограничена Мобилност.
Иницијативата се реализира како дел од регионалниот проект „Млади, култура и активизам за промени“, кој заеднички го организираат Центарот за современа уметност – Скопје и DELI – Простор за креативна активност од Ниш. Проектот е финансиски поддржан од Регионалната канцеларија за младинска соработка (RYCO).
Македонија
Бесплтно летувње за деца од социјален ризик и спортски таленти во Кисела Вода
Градоначалникот на општина Кисела Вода Орце Ѓорѓиевски, сподели дека е обезбеден бесплатен спортско-едукативен камп за децата од социјален ризик и спортските таленти на територијата на општината. Како што посочи, во август ќе заминат на бесплатно летување во Охрид каде што ќе можат да се дружат, социјализираат и да се едуцираат.
Во месец август, бесплатен летен спортско-едукативен камп ќе посетуваат учениците од социјално ранливите семејства и младинските екипи составени од ученици кои учат во основните училишта во Кисела вода, а се членови на спортските клубови регистрирани на територија на општината.
„Оваа иницијатива, која е плод на посветеноста за промовирање на спортот и здравиот начин на живот, ги промовира и еднаквите можности за учество и развој на сите деца без разлика на нивната финансиска состојба.
Овој бесплатен седумдневен камп на брегот на Охридското Езеро ќе биде повеќе од обично дружење.
Тој претставува можност за нашите ученици да се социјализираат, да создадат нови пријателства и да ги развиваат своите спортски таленти.
Верувам дека преку вакви активности, децата ќе можат да ги зајакнат своите спортски вештини, но и да научат важни животни лекции за тимска работа, дисциплина и посветеност.
Овие спортски кампови се стимул за спортистите да продолжат да се натпреваруваат и да ги постигнуваат своите цели, но исто така претставуваат и обид да се избегне маргинализацијата на децата од социјално загрозените семејства.
Сите деца, без разлика на нивната социјална позадина, треба да имаат еднаква шанса за успех и развој.
Се гледаме на заедничко дружење од кое ќе останат многу спомени!“, изјави Ѓорѓиевски.
Македонија
Вештачката интелигенција постепено ќе навлезе во училиштата во Македонија, Јаневска подготвува документ со насоки
Во процесот на дигитална трансформација на образовниот систем, интеграцијата на вештачката интелигенција претставува следен, логичен чекор кој значително ќе го унапреди квалитетот, ефикасноста и инклузивноста на образованието во Македонија. Внимателно планираме и преку стратешки пристап постепено ќе ја имплементираме оваа технолошка иновација во начинот на учење, спроведување на наставата и генерално во развојот на човечките ресурси.
Ова го истакна министерката за образование и наука, Весна Јаневска на Меѓународниот самит за образовни технологии, што се одржува во Истанбул, од 20 до 22 јуни 2025 година, во организација на Министерството за национално образование и наука на Република Турција.
„Препознаваме дека вештачката интелигенција не треба да го замени човечкиот фактор во образованието, туку да го дополни и унапреди, создавајќи услови за персонализирано учење кое ќе одговори на индивидуалните потреби на секој ученик, студент и наставник. Оваа технологија треба да ни овозможи да создадеме образовна средина каде што секој поединец може да го развие својот потенцијал до максимум, независно од неговите почетни способности или социо-економски услови“, рече Јаневска.
Министерката посочи дека воведувањето на вештачката интелигенција во основното образование е првиот и најкритичен чекор. Децата прво треба да стекнат основно разбирање што е вештачката интелигенција, како функционира, каде се среќава во секојдневието и дека треба да се фокусираат на нејзиниот етички пристап.
„Учениците мора да научат да бидат критички кон информациите кои ги добиваат од ВИ системите. Треба да бидат свесни дека вештачката интелигенција може да прави грешки и да има пристрасности и затоа податоците и изворите мора да споредуваат. Во таа насока, улогата на наставникот е клучна и тој треба да ги води учениците низ процесот на критичко размислување и етичка употреба на оваа технологија“, нагласи Јаневска.
Информираше дека работна група на Министерството за образование и наука со професори од факултети по информатика, работи на подоготовка на документ со насоки и посебни препораки за наставниците и учениците за примена на генеративна вештачка интелигенција во процесот на образованието.
Јаневска информираше и дека се дигитализирни најголем дел од услугите кои ги нуди образовниот систем, како запишување на ученици во основно и средно училиште, нострификација на дипломи стекнати во странство, доделување на ученички и студентски стипендии, сместување во ученички и студентски домови и аплицирање на конкурси од областа на науката. Воспоставен е систем за учење на далечина, а етапно се воведуваат и дигитални интерактивни учебници. Училиштата се опремуваат со современа ИТ опрема за безбеден интернет и креативна настава, а наставниците посетуваат обуки за да одговорат на дигиталните предизвици.
Меѓународниот самит за образовни технологии се организира по шести пат. Оваа година над 100 учесници – креатори на образовни политики од повеќе земји, претставници на образовни установи, глобални техничко – технолошки компании и технолошки паркови се фокусираат на обликување на иднината на образованието преку примена на вештачката интелигенција. На повеќе од 50 сесии на кои се дискутира за трансформативната моќ на дигиталните иновации во образованието и се разменуваат искуства поврзани со креирање стратегии за интегрирање на технологијата во образовните системи.
Движењето со инвалидски колички во Скопје е можно само ако можат да летаат – активистите со провокативна акција
Група млади активисти и уметници под менторство на програмата за креативен активизам на Центарот за современи уметности реализираа впечатлива и...
Вештачката интелигенција постепено ќе навлезе во училиштата во Македонија, Јаневска подготвува документ со насоки
Во процесот на дигитална трансформација на образовниот систем, интеграцијата на вештачката интелигенција претставува следен, логичен чекор кој значително ќе го...
Ново апсење на патот Гостивар-Тетово: тетовец возел 190 километри на час, а дозволено е 80
Во текот на вчерашниот ден приведен е возач од тетовско кој управувал возило со брзина од 190 километри на час...
Во полициска станица е вработениот во НБРМ за кој Манев тврди дека го фрлил ранецот со пиштолот и моторолите
Во полициска станица и утрово е задржан вработениот во Народната банка, член на партијата „Десна“, кој вчера беше приведен откако...
Израелскиот министер: Го убивме командантот на огранокот на Иранската револуционерна гарда
Министерот за одбрана на Израел, Израел Кац изјави дека израелската армија го убила командантот на меѓународниот огранок на Иранската револуционерна...
Земјотрес во Охрид
Земјотрес со јачина од 2,4 степени според Рихеровата скала бил почувствуван синоќа во Охрид и околината. Според информациите на сеизмолошкиот...
Детали за несреќата во Охрид: возачот немал дозвола, поминал преку кружниот тек и на тротoар ја прегазил жртвата
Основното јавно обвинителство Охрид отвори истрага против две лица за тешки дела против безбедноста на луѓето имотот во сообраќајот, во...
СДСМ објави 19 кандидати за градоначалници, меѓу нив и познати имиња
Претседателот на Социјалдемократскот сојуз на Македонија, Венко Филипче, на денешната прес-конференција, ја соопшти одлуката на Извршниот одбор на партијата која...
Вишиот јавен обвинител казнет, намерно и неоправдано направил крупни професионални грешки
Комисијата за утврдување на дисциплинска одговорност на јавен обвинител одлучи дека Вишиот јавен обвинител на Вишото јавно обвинителство Скопје и...
Ефективен притвор за ексдиректорите на Онкологија, Нино Васев и Нехад Нухи, Апелација им го укина куќниот
Апелациониот суд Скопје ја укина мерката куќен притвор за ексдиректорите на Онкологија, Нино Васев и Нехад Нухи и им определи...
Градоначалникот Мерко казнет со 10.000 евра за незаконското назначување на директори
Градоначалникот на Струга, Рамиз Мерко е проглаен за виновен од страна на судот за несовесно работење во службата поради незаконското назначувањето...
(Видео) Повредените во Кочани ќе добиваат по два чифта компресивна облека на шест месеци и препорачливо е да ја носат две години
На 58 повредени во пожарот во дискотеката „Пулс“ во Кочани веќе им е дадена компресивна облека и носењето ги дава...
Адвокатот побара ослободување на Љупчо Палевски поради недостиг на докази
Адвокатот на првообвинетиот Љупчо Палевски, Јовица Страшевски, побара неговиот клиент да биде ослободен од обвиненијата за убиствата на Вања Ѓорчевска...
(Видео) „ВМРО-ДПМНЕ подготвува криминал тежок 2 милијарди евра – пруга без проект, но со веќе пресметана провизија“, вели Кузеска
„СДСМ денес алармира за сериозен сомнеж за криминал од огромни размери што се подготвува од Владата предводена од ВМРО-ДПМНЕ. Пред...
Стопирана изградбата на објектот во охридската чаршија, инвеститорот немал одобрение
Државниот инспекторат за градежништо и урбанизам направи вонредна контрола на објектот во изгрaдба во Старата охридска чаршија, односно во заштитетната...
Акиов: Не сум гомнар, туку борец за правда, чашата беше прелеана од советникот Алексов
Советникот Аки Акиов од Партијата за демократски просперитет на Ромите (ПДПР) преку социјалните мрежи, по насилниот инцидент, порача дека тој...
Удрил во метален столб, а потоа прегазил пешаци: загина охриѓанка, возачот уапсен
Вчера во 22.30 часот во СВР Охрид било пријавено дека на кружен тек од булеварот „Туристичка“ со улицата „Јане Сандански“...
„Вчерашното насилство е дел од сценарио што самиот Филипче го има направено пред еден месец во Дубаи на средба со Зоран Заев“, велат од ВМРО-ДПМНЕ
„СДС и Венко Филипче се впуштија во реализација на сценарио за негов спас и за дефокус на македонската јавност. Инцидентот...
Израелскиот министер за одбрана: Ако Хезболах нападне, повеќе нема да постои
Израелскиот министер за одбрана Израел Кац изјави дека Хезболах ќе биде уништен ако либанската организација го нападне Израел како поддршка...
Хезболах објави дека ќе го поддржи Иран: Ќе дејствуваме соодветно
Генералниот секретар на Хезболах, Наим Касем, изјави дека групата со седиште во Либан не е неутрална и дека стои зад...
