Свет
Повеќе од половина милион заразени со коронавирус во Бразил, САД им испратија 2 милиони дози хидроксихлорокин
Бразил регистрира 16.409 нови случаи на инфекција со коронавирус, со што вкупниот број се искачи на 514.849, што е втора најлоша епидемија на Ковид-19 во светот, по Соединетите Држави, соопшти бразилското Министерство за здравство.
Во соопштението се вели дека во Бразил се регистрирани 480 нови смртни случаи во последните 24 часа, што е вкупно 29.314 смртни случаи. Така, Бразил е четврта земја во однос на бројот на починати, по Соединетите Држави, Велика Британија и Италија.
Соединетите Држави му испратија на Бразил два милиони дози хидроксихлорокин за лекување на заболени од Ковид-19, соопшти Белата куќа, иако ефикасноста на лекот е сомнителна и студиите сугерираат можна штета.
„Американскиот и бразилскиот народ се солидарни во борбата против коронавирусот. Денес, како доказ за таа солидарност, известуваме дека американската влада испрати два милиони дози хидроксихлорокин за бразилскиот народ”, се вели во соопштението на Белата куќа.
Хидроксихлорокинот ќе се користи превентивно за да се заштити медицинскиот персонал од вирусот и во третманот на заразените Бразилци, се додава во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.