Регион
Нови 48 случаи на коронавирус во Србија, заразени 28 лица во старски дом во Нови Сад
Уште едно лице почина од коронавирус во Србија во последните 24 часа, а потврдени се и 48 нови случаи на заразени со вирусот во земјата. Според извештаите на медиумите, само во еден приватен дом за стари лица во Петроварадин се заразени 28 лица, од кои еден е на респиратор.
Од вчера до денеска напладне тестирани се 4.024 лица. Во моментот во болниците има 470 пациенти, а 15 од нив се на респиратор. Од почетокот на епидемијата на 6 март, регистрирани се 11.571 случај на инфекција, оздравени се 6.910 лица, а 246 пациенти починале.
Српскиот претседател, Александар Вучиќ, изјави дека Србија е подготвена за новиот бран на коронавирусот и дека ќе го дочека целосно подготвена. На онлајн-конференцијата „Здравството во Србија по пандемијата“, Вучиќ во снимената видеоизјава рече дека државата ќе инвестира сè повеќе и повеќе пари во здравствените установи и дека постојано ќе им ги зголемува платите на здравствените работници. Тој истакна дека сега сите ја сфатиле важноста на здравствената заштита.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Регион
Убиство и самоубиство во Бјеловар, Хрватска
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена.
Напаѓачот, според првичните инфрормации се самоубил.
Хрватската полиција засега не ги потврдува неофицијалните информации дека се работи за убиство и самоубиство.
Полицијата дојавата ја добила околу 10 часот, а на местото се врши увид.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.