Свет
Експертите предупредуваат дека солзавецот може да го поттикне ширењето на коронавирусот
Употребата на солзавец за сузбивање на протестите може само да го поттикне ширењето на коронавирусот за време на пандемија, предупредуваат експертите за заразни болести повикувајќи ја полицијата да престане да користи такви средства поради здравствени причини.
Прскањето луѓе со спреј или солзавец ги предизвикува да кашлаат, да викаат и да врескаат, а заразените со тоа ги шират капките во кои е вирусот кај други луѓе, изјави д-р Питер Чин-Хонг, професор по медицина и специјалист за заразни болести на Универзитетот во Калифорнија, Сан Франциско.
Солзавецот може да предизвика луѓето да ги симнат заштитните маски што ги носат и да ги тријат очите, носот и устата, рече Чин-Хонг.
Тој објасни дека она што е уште полошо е дека респираторните надразнувачи доведуваат до воспаление на внатрешноста на носот и слузницата на белодробното ткиво, што потоа го прави телото дополнително подложно на инфекции.
Чин-Хонг е еден од повеќе од илјада луѓе, меѓу кои и експерти за заразни болести и јавно здравје, кои имаат потпишано петиција во која ги повикуваат властите да престанат со употреба на солзавец, димни бомби и други респираторни надразнувачи, кои предизвикуваат кашлање и на тој начин го зголемуваат ризикот од ширење на инфекцијата на коронавирусот.
Со петицијата тие им дадоа поддршка на демонстрантите во врска со смртта на Џорџ Флојд, црнецот што беше убиен од полицискиот службеник во Минеаполис.
Потписниците исто така сугерираат дека демонстрантите не треба да бидат уапсени или чувани во тесни простори, како што се затворски ќелии или полициски возила, каде што вирусот лесно може да се шири.
Од демонстрантите беше побарано да ги покријат своите лица и да одржуваат растојание од најмалку 1,8 метар кога е можно, како и да се обидат секогаш да бидат блиску до истата група наместо да се движат меѓу голем број луѓе.
Здравствените експерти го кренаа својот глас да предупредат дека протестите може да предизвикаат драматично зголемување на инфекцијата со коронавирус.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел до цивилите во јужен Либан: Не враќајте се дома до понатамошно известување
Петмина здравствени работници загинаа во напад на Израел врз јужен Либан, соопшти либанското Министерство за здравство, а Израел ги предупреди либанските цивили на југот да не се враќаат дома до понатамошно известување.
Привремениот либански премиер Наџиб Микати рече дека Соединетите Американски Држави и Франција водат разговори за прекин на огнот очигледно упатувајќи на дипломатските напори за посредување на примирјето што Израел го отфрли минатиот месец. Засега никој од Вашингтон или Париз не ги коментирал овие тврдења.
Блискиот Исток е во состојба на готовност стравувајќи од натамошна ескалација на конфликтот во регионот бидејќи се чека одговорот на Израел на минатонеделниот ирански ракетен напад, пренесуваат медиумите во регионот.
Либанското Министерство за здравство соопшти дека Израел во текот на ноќта удрил во центар за цивилна заштита во селото Дердгаја, на 10-ина километри од границата, при што загинале пет болничари и спасувачи.
Израелската армија сè уште не се огласила за тоа. Повеќе од 2.100 луѓе се убиени во израелските напади врз Либан во текот на изминатата година. Не се знае колку загинати цивили и колку борци.
Израел денеска ја потврди смртта на својот 12-ти војник во копнените операции во јужен Либан.
Израел им порача на жителите на јужен Либан во објава на социјалната мрежа Х дека им е „забрането да се вратат во своите домови, во селата и градовите до понатамошно известување за нивна безбедност“.
Свет
Сијарто: Унгарија е под притисок поради енергетската соработка со Русија
Будимпешта е под притисок да ја прекине енергетската соработка со Русија, изјави денеска унгарскиот министер за надворешни работи, Петер Сијарто.
„Секако дека има политички притисок врз Унгарија, тие сакаат да ја прекинеме енергетската соработка со Русија“, рече Сијарто на пленарната седница на меѓународниот форум за гас во Санкт Петербург.
Тој додаде дека одржувањето на енергетското партнерство со Москва е во интерес на Будимпешта.
Свет
(Видео) Ураганот на Флорида преврте мали авиони, објавена снимка
Снимките од Флорида сликовито го покажуваат ефектот на разорниот ураган Милтон врз делови од американската држава.
Venice, FL took a wallop from #HurricaneMilton as it rushed ashore on Wednesday evening.
Here’s a look at some of the sights and sounds our field correspondents caught on camera. pic.twitter.com/00El1bQTlA
— WeatherNation (@WeatherNation) October 10, 2024
На видеото се гледа мал авион, кој очигледно бил превртен од силен ветер. Излозите и улиците се преплавени со вода од зголеменото ниво на морето што ги придружува разорните урагани како Милтон.