Свет
Укинат карантинот во Москва
Жителите на Москва ѝ се вратија на рутината по укинувањето на карантинот, кој траеше повеќе од два месеца, иако Москва сè уште бележи повеќе од илјада нови случаи на ден.
Речиси 13 милиони жители на Москва сега може да користат јавен превоз, да патуваат со сопствено возило во градот без ограничувања и може да излезат од своите домови без ограничувања.
„Сега сме слободни. Можеме да шетаме сè додека носиме маска“, рече пензионерот Павел, кој вежбаше наутро без маска.
„Ќе мораме да бидеме внимателни. Ќе бидеме внимателни“, додаде тој.
Градоначалникот на Москва, Сергеј Собјанин, во понеделникот го објави олеснувањето на ограничувањата и рече дека пандемијата во градот се повлекува.
Тој тогаш рече дека преостанатите ограничувања ќе бидат укинати подоцна во јуни.
Критичарите на сегашната влада на Русија го обвинуваат Собјанин дека побрзал да ги укине мерките за да се овозможат воена парада на Црвениот плоштад подоцна овој месец и референдум на 1 јули, што треба да му овозможи на Путин да остане претседател до 2036 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Телото на последната жртва од поплавите пронајдено во Јабланица, уште едно лице се бара во Коњиќ
Спасувачките екипи во соработка со полицијата и другите надлежни служби го пронашле телото на последниот загинат во поплавите во Доња Јабланица, потврдија за порталот „Аваз“ од полицијата.
Телото е пронајдено во близина на браната на ХЕ Грабовица, со што вкупниот број на жртви од оваа катастрофа во Јабланица се искачи на 19, додека во Коњиќ досега се потврдени четири смртни случаи. Потрагата по уште едно исчезнато лице од Коњиќ се уште трае, јавува „Аваз“.
Поради големи поплави и одрони, сообраќајот на автопатот Коњиќ – Јабланица – Комадиново Врело беше во прекин претходните седум дена. Одроните предизвикаа голема штета, одземајќи делови од коловозот и железничките пруги, но интервентната санација овозможи да минат спасувачките екипи и итните служби.
Свет
ЕУ ќе инвестира во воено-индустрискиот комплекс во Украина
Европската унија го менува пристапот кон воената помош за Украина и преминува на инвестиции во воено-индустрискиот комплекс на земјата, кој ќе произведува ракети, беспилотни летала и друго оружје со долг дострел.
Посветеноста на ЕУ од 440 милиони долари за поддршка на украинската одбранбена индустрија „означува значителна промена“ во пристапот на блокот кон војната и исто така ги открива слабостите на нејзиниот одбранбен сектор во производството на оружје и муниција додека Европејците се борат да бидат во чекор со побарувачката, објави украинската новинска агенција Униан, цитирајќи го Вашингтон пост.
ЕУ не може да го произведе целото оружје и муниција што им е потребно на Вооружените сили на Украина, поради што се префрла на инвестиции во украинскиот воено-индустриски комплекс.
Регион
За само еден ден 11 земјотреси го погодија Врање
Од вчера до денес Врање го погодиле дури 11 земјотреси, од кои најсилниот бил со јачина од 3,7 степени според Рихтеровата скала, покажуваат податоците на веб-страницата на Републичкиот сеизмолошки завод.
Најсилниот земјотрес се случи кај Врање во селото Корбевац со јачина од 3,7 степени според Рихтеровата скала.
Првиот земјотрес е забележан во неделата (13 октомври) во 04:28 часот, а епицентарот бил во селата околу Врањска Бања.
Додека последниот земјотрес беше регистриран рано утринава околу шест часот по локално време, магнитудата беше 2,3 степени според Рихтеровата скала.