Свет
Демонстрантите во Вирџинија искршија четири статуи на Конфедерацијата
![](https://makfax.com.mk/wp-content/uploads/2020/06/11-virginia.jpg)
Демонстрантите во Вирџинија обезглавија четири статуи на Конфедерацијата и урнаа друга статуа со јаже за влечење во средата вечерта, пренесува „Вирџиниан пајлот“. Фотографиите и видеата објавени на „Твитер“ покажуваат демонстрант како удира со чекан врз главата на една од статуите на споменикот на Конфедерацијата во Портсмут, кој е изграден кон крајот на 1800 година и се вели дека е поставен на местото каде што биле камшикувани робови.
Градскиот совет на Портсмут закажа рочиште на 28 јули за да донесе одлука за судбината на споменикот по барањата тој да биде преместен, но демонстрантите ги зедоа работите во свои раце собирајќи се пред споменикот и боејќи го со спеј во црна, зелена и црвена боја.
Тие го испишувале името на Џорџ Флојд, Афроамериканецот од Минеаполис, чие убиство поттикна глобален протест против расната неправда. Толпата се зголемила до 20 часот, а едно лице фрлило кофа со жолта боја врз споменикот, а други фрлале шишиња со вода. На еден клип е прикажан човек што врзал јаже околу една од статуите соборувајќи ја додека свирела музика, а демонстрантите пееле.
Еден демонстрант е повреден при падот на статуата бидејќи јажето очигледно пукнало, но демонстрантите продолжиле да се обидуваат да ги рушат статуите употребувајќи и сечила.
Демонстрантите на 73-годишниот ветеран од Виетнам, Џон Хукс, му дале меч и пушка откорнати од споменикот.
„Чувствата ми се измешани. Ова е местото каде што нè продадоа во ропство“, вели Хукс. „Ни ја државте ногата врз вратот проклети 401 година“, додаде тој.
Подоцна, едно американско знаме беше запалено и врзано за споменикот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.