Свет
Русија одбележува 30 години независност без масовни прослави
Русија одбележува 30 години од прогласувањето на независноста од Советскиот Сојуз, но прославите се поскромни поради пандемијата на коронавирусот.
„Не би препорачал да се оди некаде поради овие прослави. Забранети се масовни настани“, рече градоначалникот на Москва, Сергеј Собјанин.
Русија регистрира повеќе од 500.000 заразени со коронавирус по што е трета во светот по САД и Бразил. Речиси половина од заразените се во Москва, која неделава ја укина двомесечната изолација.
„Ќе има официјални настани на 12 јуни вклучувајќи ја и парадата, но подобро е да ги гледате на телевизија“, рече Собјанин.
На Русите во целата земја им беше советувано да го избегнуваат метежот по повод празникот со кој се одбележува денот кога тогашната советска република прогласи независност забрзувајќи го распадот на Советскиот Сојуз во 1991 година.
Во таа пригода, првпат по повеќе од два месеца изолација, треба да се појави во јавноста претседателот Владимир Путин, кој престојуваше во својаат резиденција недалеку од Москва.
Тој ќе присуствува на церемонијата на подигнување на знамето во московскиот Парк на победата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Маж со нож нападнал луѓе во центарот на Осло, полицијата веднаш го уапсила
Норвешката полиција соопшти дека уапсила маж кој избодел едно лице со два ножа и нападнал неколку лица во центарот на Осло.
Инцидентот се случил пред местото на метрото кога расправија излегла од контрола и неименуван маж на возраст од триесет години избодел еден маж во раката и нападнал уште неколку луѓе во близина.
Полицаецот потоа го извадил пиштолот и му наредил на напаѓачот да ги спушти ножевите, пренесува Ројтерс.
Полицијата смета дека нападот не бил мотивиран од тероризам.
Свет
Кулеба: Повеќе од половина од енергетскиот систем на Украина е оштетен во нападите на руските сили
Повеќе од половина од енергетскиот систем на Украина е оштетен во нападите на руските сили, изјави министерот за надворешни работи на Украина Дмитро Кулеба.
Во интервју за Форин Полиси, тој рече дека Украинците најмногу страдаат од руските ракетни напади и дека руските балистички ракети се „вистинско зло“.
Наведувајќи дека руските сили користат балистички ракети главно за напади врз енергетскиот систем на Украина, Кулеба оцени дека која било друга земја, доколку претрпи таква штета на енергетските капацитети, ќе изгледа многу полошо од Украина.
Свет
Полицијата во САД уби ученик пред училиште во Висконсин по пријава за пукање
Американската полиција убила ученик пред средно училиште во Висконсин, откако добила дојава дека таму има вооружено лице, изјави Џош Кол, обвинител на таа американска држава.
Полицијата на Фејсбук соопшти дека нема повеќе осомничени и дека нема повредени „освен наводниот напаѓач“, пренесува Асошиејтед прес.
Кол одбил да одговори на прашањата на новинарите дали ученикот пукал и се обидел да влезе во училиштето.