Свет
Неизвесен аџилакот во Мека на муслиманските верници
Првпат во модерната историја се очекува Саудиска Арабија да го намали бројот или целосно да го откаже годинашниот аџилак во Мека, што би било подеднакво опасна одлука како и заразата со коронавирус, пренесува Франс прес.
Муслиманските нации го притискаат Ријад да ја донесе својата многу одложувана одлука дали годишниот ритуал ќе тече како што е планирано кон крајот на јули. Но, додека кралството ги чека политичките и економските ризици во регион, истекува времето за организирање логистика за еден од најголемите масовни собири во светот.
Целосниот аџилак, кој минатата година привлече околу 2,5 милиони верници, се чини дека е малку веројатен откако властите кон крајот на март ги советуваа муслиманите да ги одложат подготовките поради пандемијата.
„Прашање е дали ќе се организира основен аџилак или воопшто нема да го има,“ изјави за Франс прес официјален претставник на Јужна Азија кој е во контакт со саудиските власти за аџилак.
Индонезија, најнаселената муслиманска држава во светот, се повлече од аџилакот овој месец откако го притисна Ријад за јасност, а министерот го нарече потегот многу горчлива и тешка одлука. Слични најави следеа и Малезија, Сенегал и од Сингапур.
Многу други земји со муслиманско население – од Египет и Мароко до Турција, Либан и Бугарија – рекоа дека сè уште ја чекаат одлуката на Ријад. Во земјите како Франција, верските лидери ги повикаа муслиманите да ги одложат своите планови за аџилак до следната година поради ризиците што преовладуваат.
Аџилакот, задолжителен за муслиманите барем еднаш во животот, претставува голем потенцијален извор на зараза затоа што собира милиони верници во преполните верски места. Но, секоја одлука да се ограничи или откаже настанот ризикува да ги вознемири тврдокорните муслимани за кои религијата е поважна од здравствените проблеми. Исто така, може да го сврти фокусот кон саудиското чување на најсветите места во исламот – најмоќниот извор на политичка легитимност, пишува агенцијата.
Серија смртоносни катастрофи со текот на годините, вклучително и стампедото во 2015 година во кое загинаа над 2.300 верници, предизвика критики кон кралството за управувањето со аџилакот.
„Саудиска Арабија е притеснета в ќош. Доцнењето во објавувањето на својата одлука покажува дека ги разбира политичките последици од откажувањето на аџилакот или намалувањето на неговиот обем “, вели Умар Карим, визитинг-предавач во Ројал јунајтед сервисес институт во Лондон.
„Кралството купува време и внимателно постапува. Ако Саудијците во последен миг речат ‘подготвени сме за целосен аџилак’ (логистички), многу земји нема да бидат во позиција да учествуваат,“ рече јужноазискиот претставник.
Во услови на постојан прекин во меѓународните летови, намален аџилак со само локални жители е веројатно сценарио, додаде официјалниот претставник.
Одлуката за откажување на аџилакот би била прва од основањето на кралството во 1932 година. Саудиска Арабија успеа да го одржи аџилакот за време на претходните епидемии на ебола и МЕРС, но сега се бори да го контролира Кови-19 во услови на сериозен подем во бројот на заразени на дневно ниво и на смртни случаи откако властите почнаа да го олеснуваат строгиот режим на движење кон крајот на мај.
Извори велат дека во саудиските болници, креветите за интензивна нега брзо се пополнуваат и се поголем број здравствени работници се заразуваат со вирусот, а вкупниот број на заразени достигна 130.000. Бројот на смртни случаи во понеделникот надмина 1.000. За да се спротивстават на пикот, властите овој месец ги зајакнаа мерките во Џеда, портата кон Мека.
„Аџилакот е најважното духовно патување во животот на кој било муслиман, но ако Саудиска Арабија продолжи во ова сценарио, нема да изврши притисок само врз сопствениот здравствен систем туку би можело да биде одговорно за ширење на пандемијата “, рече Јасмин Фарук од Фондацијата Карнеги за меѓународен мир.
Откажан аџилак ќе претставува голема загуба на приходите за кралството, кое веќе страда од двојниот удар поради пандемијата и падот на цената на нафтата. Помалиот годишен аџилак умра веќе беше откажан во март. Двата аџилака секоја година придонесуваат со 12 милијарди долари во саудиската економија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Мачна сторија: 98-годишна Украинка пеш, во влечки побегнала од фронтот во Доњецк за да се најде со семејството
Лидија Ломиковска (98) се споила со семејството неколку дена откако избегала од украинскиот фронт, поради што пешачела 10 километри во влечки.
98-годишната жена која побегнала од територијата во Украина окупирана од Русија користејќи стап, само во влечки, и повторно се споила со своето семејство неколку дена откако биле разделени додека бегале на безбедно.
Лидија и нејзиното семејство одлучиле да го напуштат градот Очеретине, во источниот регион на Доњецк, откако руските војници влегле во него минатата недела и борбите се интензивирале.
– Се разбудив опкружен со пукотници, беше толку страшно – изјави Ломиковска во видео интервјуто што го објави полицијата во Доњецк.
Таа беше разделена од синот и снаите, од кои и едната беше повредена од шрапнел неколку дена претходно. Помладите членови на семејството тргнале по споредни патишта, но Лидија сакала да остане на главниот пат.
Со бастун во едната рака и парче дрво во другата, Ломиковска цел ден пешачела без храна и вода за да стигне до украинските линии.
Ломиковска рече дека два пати паднала и дека понекогаш морала да застане за да се одмори, а во еден момент дури и задремала пред да го продолжи патувањето.
– Еднаш изгубив рамнотежа и паднав во тревата. Заспав малку и продолжив да одам. И тогаш, по втор пат, пак паднав, но потоа станав и помислив, морам да одам, малку по малку – рече Ломиковска.
Павло Дјаченко, портпарол на полицијата, изјави дека украинските војници ја забележале Ломиковска како оди по патот во вечерните часови. Тие ја предале на „Белите ангели“, полициска група која ги евакуира граѓаните кои живеат на линијата на фронтот, кои ја однеле во прифатилиште за евакуирани и контактирале со нејзините роднини.
Ломиковска вели дека ја преживеала Втората светска војна.
– И јас морав да ја поминам оваа војна и на крајот останав без ништо – рече таа и додаде: – Таа војна не беше како оваа. Ниту една куќа не изгоре. Но, сега се гори – му рекла таа на својот спасител.
Извршниот директор на една од најголемите украински банки во вторникот на својот канал Телеграм објави дека банката ќе ѝ купи куќа за Ломиковска.
– Монобанк на Лидија Степанивна ќе и купи куќа и таа безбедно ќе живее во неа додека не заврши војната – изјави Олех Хороховски.
A story of a 98-year old Lydia Stepanivna from #Ocheretyne in Donbas who walked 10 km to escape the hell of occupation.
– I survived WWII, but this war is worse. In WWII not a single house in our village burnt – and now there’s nothing left.#StandWithUkraine pic.twitter.com/20lMAXGWYI
— olexander scherba🇺🇦 (@olex_scherba) April 29, 2024
Свет
Полјачка на миса за Меди МекКан: „Јас сум Меди. Не сум лажга. Направете ДНК тест“
Родителите на Медлин МекКен вчера вечерта не беа на бдеењето одржано по повод 17-годишнината од исчезнувањето на девојчето. Меѓутоа, на богослужбата се појавила една млада Полјачка која тврди дека таа е киднапираната Меди.
Кејт и Гери МекКен испратија порака до присутните, која ја прочита пречесниот Роберт Гладстон: „Жал ни е што не можеме да бидеме со вас вечерва. Ви благодариме што се здруживте. Поминаа 17 години откако беше киднапирана. тешко е да се поверува дека помина толку долго време“.
На бдеењето присуствувала Џулија Вендел (22), која тврди дека таа е ккиднапираната Медлин. Во рацете држела писмо кое имала намера да им го предаде на родителите на киднапираното девојче. „Јас сум Медлин МекКен. Никогаш не престанав да верувам во тоа. Дојдов овде да ги замолам Кејт и Гери да направат ДНК тест”, рекла таа по мисата, а пренесува Дејли Мејл.
„Тие не направија ништо за да докажат дека не сум нивна ќерка. Не, не сум луда. Не сум лажгоа“, додала таа. Во селото Ротли се одржа бдение. Семејството МекКен и понатаму се надева дека нивната ќерка, која сега би имала 20 години, е сè уште жива.
Германската полиција, од друга страна, смета дека Меди е убиена и има намера да го обвини Кристијан Брукнер за злосторството. На осудениот педофил моментално му се суди за пет неповрзани силувања и сексуални престапи.
Во февруари минатата година, Џулија на социјалните мрежи објави под нејзиното корисничко име „@IamMadeleineMcCann“ дека таа е исчезнатото девојче. По ДНК анализата било утврдено дека таа на никаков начин не е поврзана со Медлин. Но, Џулија вчера инсистираше дека таа е Медлин МекКен и дека тоа ќе го докаже.
Свет
Русија распиша потерница по Зеленски, се огласи Украина
Украинското Министерство за надворешни работи соопшти дека издавањето налог за апсење од страна на Русија за претседателот Володимир Зеленски е „доказ за очајот на руската државна машина и пропаганда“, пишува „Украинска правда“.
„Руските извештаи за наводното додавање на украинскиот претседател Володимир Зеленски на потерницата на руското Министерство за внатрешни работи го покажуваат очајот на руската државна машина и пропаганда. Русите не знаат што друго да измислат за да привлечат внимание“, посочија Украинците. надвор.
„Ги потсетуваме сите дека, спротивно на безвредните руски најави, налогот на Меѓународниот кривичен суд за апсење на рускиот диктатор Владимир Путин под обвинение за воени злосторства е реален и спроведлив во 123 земји“, додаваат тие.
Русите не го прецизираа написот врз основа на кој е издаден налогот за апсење на украинскиот лидер. „Володимир Александрович Зеленски, 25 јануари 1978 година. Се бара според членот од Кривичниот законик“, стои во базата на податоци на веб-страницата на руското Министерство за внатрешни работи.
Базата на податоци го наведува и местото на раѓање на бараното лице, градот Кривиј Рих во регионот Дњепропетровск. Објавена е и фотографија од Зеленски, направена пред војната.