Македонија
(Видео) Мицкоски по средбата со коалицијата: Многу е важно што повеќе граѓани да се охрабрат да гласаат
„Добив едногласна поддршка за изборите на 15 јули, каде што ВМРО-ДПМНЕ и коалицијата „За обнова на Македонија“ ќе остварат убедлива победа над актуелната власт. Ги информирав дека се прифатени условите за кои преговаравме и разговаравме со власта. А тоа се протоколи за заштита на здравјето на граѓаните и мисија на ОБСЕ/ОДИХР. За нас беше многу важно да се утврдат строги правила за заштита на здравјето на граѓаните, со што се овозможи сите ранливи категории, хронично болни опфатени со мерките на претпазливост, соодветно да се пријават за гласање и да бидат посетени од ДИК доколку тие одлучат своето право на глас да го остварат од дома. Целосно ќе бидат заштитени при гласањето. И целосно нивното право за глас ќе биде тајно. Така што ги охрабрувам сите и да гласаат гарантирајќи го нивното здравје на денот на изборите или деновите пред 15 јули. Што се однесува до другите граѓани, тие ќе може во безбедни услови да излезат да гласаат на 15 јули“, изјави лидерот на ВМРО-ДПМНЕ, Христијан Мицкоски, по средбата со претседателите и претставниците на политичките партии од коалицијата „За обнова на Македонија“, со кои разговараше за актуелната состојбак како и за подготовките за изборите што претстојат.
Според него, многу е важно да има голем одѕив и што повеќе граѓани да се охрабрат да гласаат.
„Затоа што од нивниот глас зависи судбината на државата и таа е во нивни раце. Тие одлучуваат дали ќе ја променат грдата реалност кон подобро или ќе биде полошо. Изборот е јасен. Изборот е помеѓу кризи, кои ги прави власта, или обнова, што ја нудиме ние. Помеѓу измами и напредок, помеѓу ова раководство на СДСМ и Зоран Заев или Македонија. За сето она што го ветуваме, стоиме до последен збор. И тоа ќе го оствариме. Знам дека и сите други политичари ова го говорат, но видовме дека ова раководство на СДСМ и Зоран Заев не умеат да исполнат.
Изборот сега е помеѓу ова раководство на СДСМ и Зоран Заев, кои докажано не исполнуваат, и коалицијата „За обнова на Македонија“, предводена од ВМРО-ДПМНЕ, за која се знае дека работи и исполнува. И знаете дека овој пат го имате мојот личен збор, дека обновата доаѓа. Нам ни треба извесна иднина, во која ќе можете да планирате и да се потпрете. Да, дојде крајот на времето на искушенија, несигурности и постојани кризи. Треба вистински да се нормализираат работите, вредностите да дојдат до израз. Нема да се задржувам на празни флоскули. По 15 јули, нè чека многу работа затоа што нашиот проект е обнова, која ќе донесе силна економија, повисоки плати за 25 отсто или најмалку 6.500 денари повеќе од сега. Повисоки пензии од 20-ина проценти во еден мандат или повеќе од 3.000 денари за секој пензионер, невработеност под 10 отсто, намалување на даноците, рамен данок од 8 отсто, 4 милијарди евра домашни и странски инвестиции за 4 години. Целосна реконструкција на повеќе од илјада километри регионални и државни патишта, 150 километри експресни патишта во целата држава, енергетска обнова на домовите на граѓаните, нова фасада и оков на секој дом, при што инвестицијата половина ќе ја покрие државата. Природен гас за секое домаќинство, бесплатен приклучок на гас за секое домаќинство“, вели Мицкоски.
Тој ветува и поголеми плати за професорите и наставниците, 100.0000 денари за редовните универзитетски професори, 80.000 денари за вонредните професори, 60.000 денари за доцентите, 45.000 денари за асистентите на факултетите. Изградба на национална мрежа на 4 нови клинички центри и многу други проекти.
„Следува напорна работа и многу резултати. Власт која нема да биде непријател, туку партнер со народот. Подгответе се да бидете сведоци на нов почеток и многу причини зошто ВМРО-ДПМНЕ и коалицијата ‘За обнова на Македонија’ се поинакви од СДСМ и коалицијата ‘Можеме’. Има зошто да ги поддржите ВМРО-ДПМНЕ и коалицијата ‘За обнова на Македонија’“, вели Мицкоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Следува променливо облачно време со повремени врнежи од дожд и снег
Времето утре ќе биде променливо облачно со врнежи од дожд, кои локално ќе бидат пообилни (над 25 l/m²), особено попладне и во текот на ноќта. На планините врнежите ќе бидат од снег. Ќе дува засилен ветер од јужен правец (над 60 km/h).
Минималната температура ќе биде во интервал од 7 до 12, а максималната ќе достигне од 10 до 17 степени.
Во Скопје, променливо облачно со повремен дожд, особено кон крајот на денот и во текот на ноќта. Ќе дува умерен ветер од јужен правец. Минималната температура ќе се спушти до 8, а максималната ќе достигне до 14 степени.
Времето во наредните денови
Под влијание на циклонска активност во следните денови времето ќе биде променливо облачно со повремени врнежи од дожд, а на планините од снег. Поради продор на постуден воздух и засилен северен ветер во четврток врнежите ќе преминуваат во снег на повисоките и во некои од пониските места.
На планините во западните делови ќе се формира нова снежна покривка, а помала покривка се очекува и во пониските места. Во петок ќе има преодно стабилизирање на времето, а во деновите од викендот, особено во сабота повторно ќе има локални врнежи од дожд и снег, кои наместа ќе бидат пообилни. Температурите ќе бидат во опаѓање.
Македонија
(Видео) Николоски: 40 километри од автопатот Охрид – Кичево се веќе во функција
Вицепремиерот и министер за транспорт Александар Николоски на својот фејсбук профил објави ноќно видео од автопатот Охрид-Кичево, каде истакнува дека 40 километри од автопатот се ставени во функција.
„Погледнете го ова прекрасно ноќно видео од делот од автопатот Охрид – Кичево. 40 километри се веќе во функција. Се надевам голем број македонски граѓани ќе возат по овој автопат на пат кон Балканскиот Ерусалим – Охрид за овој Божиќ. Честитки на сите вредни работници кои се посветија на неговата изградба! За многу години Божиќ и Бадник!“ порача вицепремиерот Николоски.
Македонија
(Фото) Мицкоски: Бадник не е само ден, туку порака дека заедништвото, љубовта и солидарноста нe прават посилни
„Во пресрет на Бадник, денеска поделивме пакети помош во Карпош, Гази Баба, Чаир, Аеродром, Ѓорче Петров, Кисела Вода, Бутел и Центар со желба секое семејство да ја почувствува топлината на празникот на својата трпеза“, извести премиерот Христијан Мицкоски преку социјалните мрежи.
„Бадник не е само ден, туку порака дека заедништвото, љубовта и солидарноста нe прават посилни“, додаде Мицкоски.

