Забава
Почина славниот Билбо Багинс од филмот „Господар на прстените“
Актерот Иан Холм, најпознат по улогата на Билбо Багинс од трилогијата „Господарот на прстените“, почина денес во Лондон на 88-годишна возраст, јавуваат странски медиуми.
„Со голема тага ве известувам дека sер Иан Холм почина утрово на 88-годишна возраст. Тој почина во болница, опкружен со семејството и пријателите. Никогаш нема да го заборавиме неговиот шарм, љубезност, дарежливост и талент. Многу ќе ни недостасува”, се вели во соопштението кое го објави неговиот менаџер.
Актерот починал поради компликации предизвикани од Паркинсова болест.
Последните денови на Холм беа документирани во серија пастелни портрети на неговата сопруга Софи де Стемпел.
BREAKING: Ian Holm, who played Bilbo Baggins in "The Lord of the Rings" films, has died at age 88. His death was Parkinson's related, reports @guardian. pic.twitter.com/vKZaDldDFJ
— AJ+ (@ajplus) June 19, 2020
Холм, кој освои Бафта и беше номиниран за Оскар за неговата улога како тренер на атлетичарот Сем Музабини во филмот од 1981 година „Огнени кочии“, се чинеше дека е повеќе за споредни улоги на екранот, особено откако го напушти театарот во 1976 година поради голем страв од сцената.
Тој ја освои светската публика откако во трилогијата „Господар на прстените“ го играше Билбо Багинс.
R.I.P. Ian Holm, who has passed away at the age of 88. pic.twitter.com/qgsgC99uGo
— The Film Stage ? (@TheFilmStage) June 19, 2020
На почетокот на овој месец, тој изрази тага што не може да учествува во виртуелно филмско дружење.
Rest in peace to an absolutely perfect Bilbo and a wonderful actor Sir Ian Holm. pic.twitter.com/eTdnyUXxv0
— Middle Earth Memes (@earthmemea) June 19, 2020
„Жал ми е што не ве видов лично, ми недостигате и се надевам вашите авантури ве однесоа на многу места. Јас сум заклучен во мојата хобит куќа во мир и ве поздравувам сите“, рече тој во тоа време.
Покрај трилогијата „Господар на прстените“, тој имаше значајни улоги во филмовите „Петтиот елемент“, „Осмиот патник“, „Од пеколот“, „Ден после утре“, „Авијатичарот“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.