Македонија
Обвинителството поднесе жалба и ќе ја преиспита пресудата за убиството во Ново Лисиче
Обвинителството соопшти дека поднело жалба во однос на висината на изречената казна за убиството во Ново Лисиче и Апелациониот суд Скопје ќе одлучи по таа жалба, а согласно Законот за кривична постапка, по службена должност, ќе ја испита пресудата. Реакциите на социјалните мрежи, во јавноста и протестите во поглед на правната оцена на кривичното дело треба да бидат изземени од какви било дневно-политички интереси и притоа да не се злоупотребува загубата на еден млад човечки живот, соопшти Обвинителството.
На 14.08.2019 година на булеварот „Видое Смилевски – Бато“ во населбата Ново Лисиче, обвинетиот 18-годишник, доведен без своја вина во состојба на силна раздразнетост со напад и тешко навредување, со умисла го лишил од живот Никола Христовски. Група од повеќе лица, во која бил и оштетениот, го пресретнала обвинетиот во близина на една бензинска пумпа и започнале да го навредуваат и физички да го напаѓаат со влечење и удари по телото. Обвинетиот започнал да бега кон зградите, а групата од околу 30 лица трчале по него, извикувајќи навреди и пцовки. Кога се доближил до влезот на една зграда обвинетиот се обидел да влезе, но не успеал. Во тој момент, прв до него стигнал оштетениот Никола Христовски, па обвинетиот доведен во состојба на силна афективна раздразливост, реагирал импулсивно и не бил во состојба логично да размислува, да расудува и да раководи со своите постапки. Тој извадил нож со сечиво од 9 сантиметри и на оштетениот му задал убодна рана во десната страна на градниот кош. Оштетениот бил пренесен во Ургентниот центар „Мајка Тереза“ каде му бил извршен хируршки зафат, но починал како резултат на крваречки шок.
По спроведена претходна постапка, Основното јавно обвинителство Скопје на 07.02.2020 година до Основниот кривичен суд Скопје поднесе обвинение против едно лице за убиство на миг од член 125 од Кривичниот законик.
„Законското битие на кривичното дело – убиство на миг од член 125 од Кривичниот законик пропишува дека тој што друг ќе лиши од живот на миг, доведен без своја вина во состојба на силна раздразнетост со напад или со тешко навредување од страна на убиениот ќе се казни со затвор од една до пет години. Поднесувањето на обвинението со таа правна квалификација следеше по сеопфатна анализа на сите вербални и материјални докази обезбедени во текот на претходната постапка. Па така, од тие докази неспорно произлезе дека обвинетиот го сторил кривичното дело во состојба на силна афективна раздразнетост, делувал афективно-импулсивно и не бил во состојба логично да размислува, да расудува и да раководи со своите постапки. Оваа психолошка состојба на сторителот неспорно произлезе од изготвениот вешт наод и мислење од ЈЗУ Универзитетска клиника за психијатрија – Скопје од тим од три вешти лица.
Од субјективен аспект, ова кривично дело е умислено, а не е кривично дело сторено од небрежност, со тоа што се работи за миговна умисла и донесување брза и ненадејна одлука да се изврши делото, кога сторителот се наоѓа во состојба на силна раздразнетост без своја вина. Тоа се случило и во конкретниот случај затоа што најнапред обвинетиот со оштетениот и група други лица се сретнале кај бензинска пумпа во Ново Лисиче, каде обвинетиот бил навредуван и физички напaднат од страна на оштетениот и групата. Тој се исплашил и започнал да бега кон зградите, а групата од околу 30 лица трчала по него, извикувајќи навреди и пцовки. Кога дошол до влезот на зградата за да се скрие обвинетиот не успеал да влезе, а прв до него стигнал оштетениот. Во тој миг, на кој претходел напад врз него, тешко навредување и бегање за да се спаси, кај обвинетиот се створил афект на страв за својот живот, па тој посегнал по ножот и му ја задал убодната рана на оштетениот.
Ваквата правна квалификација за кривичното дело – убиство на миг од член 125 од Кривичниот законик Основниот кривичен суд Скопје ја прифати и донесе пресуда со која обвинетиот го огласи за виновен и му изрече казна затвор во траење од три години.Оваа правна квалификација, која во целост одговара на случениот настан, произлезе од утврдената фактичка состојба од страна на Судот со изведување на сите вербални и материјални докази на јавниот обвинител и на одбраната“, соопшти Обвинителството.
Тие додаваат дека при неспорна фактичка состојба, не биле исполнети законските услови за примена на член 398 став 2 од Законот за кривична постапка, според кој, судот не е врзан за предлогот на тужителот во однос на правната оценка на делото. Во текот на судската постапка, правата на законските застапници на оштетениот – неговите родители ги штитеше нивен полномошник – адвокат кој во текот на целата постапка не ја оспори ниту фактичката состојба, ниту правната квалификација на делото, се додава во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски во ОАЕ: Очекувам плодни и успешни средби коишто ќе значат зајакнување на економската соработка помеѓу двете држави
Премиерот Христијан Мицкоски од денеска е во Обединетите Арапски Емирати (ОАЕ) каде се најавуваат билатерални средби.
Како што најави, тој во ОАЕ ќе остане до четврток.
„Од денес па до четврток, заедно со тим од Владата, заедно со тим од мојот кабинет, се наоѓаме во Обединетите Арапски Емирати (ОАЕ) во билатерална посета. Деновите коишто следат очекувам да бидат многу плодни и успешни средби коишто ќе значат зајакнување на економската соработка помеѓу двете држави.
Денес, впрочем денот го започнавме со исклучително квалитетна и пријателска би рекол средба којашто ја имав со Неговото височество, претседателот на ОАЕ. На средбата и двајцата ја истакнавме потребата од многу поблиски односи, многу поплодни односи, а јас, од моја страна, накратко ги образложив нашите цели како Влада, но истовремено, го поканив Неговото височество, претседателот на ОАЕ, да ја посети Македонија, а нормално, бизнис заедницата од ОАЕ одблиску да ги согледа сите можности за директно инвестирање во делот на туризмот, инфраструктурата, енергијата, земјоделството и така натаму- нешто што, убеден сум дека може да претставува солидна основа за наша билатерална и подлабока соработка.
Во деновите коишто следат, ќе имам средби со стопанските комори на Емиратите- Дубаи, Абу Даби, Шарџа- како и многу средби со компании коишто се присутни во регионот и коишто покажуваа интерес да инвестираат кај нас, дома во Македонија“, вели Мицкоски.
Македонија
(Видео) „Сите идеали не се вредни колку солзите на едно дете“ со насолзени очи советничка во Кочани си поднесе оставка
Советничката од редовите на ВМРО-ДПМНЕ во Општина Кочани, Кристина Атанасова Арсова, денес на седницата за избор на в.д. градоначалник си поднесе оставка и низ солзи ја напушти говорницата.
„Проектите кои им ги ветивме на граѓаните на изборите не беа погодни за раководството на мојот општински комитет, кои понесени од функцијата тргнаа по патот на своите амбиции“, рече Атанасова-Арсова.
Таа како советник им се извини и побара прошка од граѓаните што не успеала да го реализира она што им ветувала во кампањата.
„Пред граѓаните на Општина Кочани дадов заклетва дека ќе ги застапувам нивните интереси. Но, најпрво ќе барам прошка и извинување. Барам прошка и извинување на сите граѓани затоа што не успеав многу работи да реализирам а им имам ветено. Имав храброст и визија, но бев сама. Тоа не беше погодно за челниците на мојот општински комитет. Тие водени од своите суети и понесени од моќта на функциите, кои за прв пат во животот им се случија, тргнаа по патот на сопствените амбиции, притоа заборавајќи ја доктрината на нашата партија донесена 2021 година. За кандидатите имам да го кажам следново. Едниот својот кредибилитет го гради само преку медиумиски ситни реклами. Сите овие години не се запрашал за правилностите или неправилностите на дискотеката, веројатно му годела збавата во објектот по користење на забранети супстанци. Другиот зедно со своите блиски другарчиња, кој пропагира чесност и солидарност, понесен од влијанието на позицијата, тргна по осовојување на било која функционерска позиција со физички напади и јадење на живи луѓе и не го гласаше буџетот, а сега сака да раководи со него. Сметам дека е коректно, функцијата треба да ја превземе претседтелот на општинскиот совет. Мојот здрав разум и заклетва не ми дозволува ниту еден кандидат“, рече таа.
„Во оваа прилика сакам да ја доставам мојата оставка. Мислам дека ова е страшно недостојно и понижувачки. Оние кои ме познаваат знаат зошто го правам ова. Следниот период ќе се посветам на син ми кој е се уште во болница по несреќата. На сите деца кои треба да се вратат и да се рехабилитираат, тоа им е потребно. Периодот ќе биде многу долг. Јас ќе се борам за нив со сите мои сили. Сите идеали на овој свет не се вредни колку што се солзите на едно дете, рече Атанасова Арсова и во солзи ја напушти говорницата.
Македонија
(Видео) Струшкиот градоначалник Мерко го прослави роденденот: „Покажа стабилно лидерство“, го пофалија вработените
Струшкиот градоначалник Рамиз Мерко денеска организираше прослава за 68-от роденден, a вработените во администрацијата на Општина Струга му упатија и честитки и благодарност.
Во објавата на социјалните мрежи вработените во општината пишуваат дека Мерко покажал стабилно лидерство, бескомпромисна посветеност и висока сензитивност кон потребите на граѓаните и вработените во администрацијата.
„Хармонијата и меѓусебното разбирање, како и односот изграден врз основа на заемна почит и отворена комуникација, се доказ за вредностите кои тој ги пренесува во секој чекор од институционалното работење.
Високо ја цениме плодната соработка и позитивната атмосфера која секојдневно ја негува во институцијата што ја води, мотивирајќи нè за чесна, посветена работа со јасна визија.
На овој значаен ден, кој се совпаѓа и со уште еден јубилеен датум, му посакуваме на градоначалникот Мерко добро здравје, семејна среќа и континуирани успеси во неговата натамошна мисија за развој на Општина Струга“, му пишуваат на Мерко вработените во општината.
(Видео) „Сите идеали не се вредни колку солзите на едно дете“ со насолзени очи советничка во Кочани си поднесе оставка
Советничката од редовите на ВМРО-ДПМНЕ во Општина Кочани, Кристина Атанасова Арсова, денес на седницата за избор на в.д. градоначалник си...
Бугарија бара одговор: Три месеци чекаме РСМ да одлучи дали ќе работиме или само ќе разговараме за Коридорот 8
До денес, Коридорот 8 зависи од желбата и политичката волја на Република Северна Македонија. Испративме договор таму за единственото нешто...
Медведев до Мерц: „Размисли двапати нацисту“
Заменик-шефот на рускиот Совет за безбедност, Дмитриј Медведев, го нарече новиот германски канцелар, Фридрих Мерц, нацист поради, како што рече,...
Русите се огласија по крвавиот напад на Суми: Цел ни беше состанокот на воените команданти
Еден ден по рускиот ракетен напад врз украинскиот град Суми, во кој беа убиени најмалку 34 лица, меѓу кои две...
Во Скопје се лекуваат девет повредени во пожарот во Кочани, во странство 48
Во Скопје се лекуваат уште девет повредени од пожарот во дискотеката „Пулс“ во Кочани, а во странство 48, информира министерот...
Палевски тврди дека не ги извршил убиствата и грабнувањата: „Ако сакав пари, ќе уценував милијардери, имав 200.000 телефонски разговори“
Љупчо Палевски, првообвинетиот за убиствата на Вања Ѓорчевска и велешанецот Панче Жежовски, сведочи во Основниот кривичен суд во Скопје тврдејќи...
„Филипче, наместо Клинички центар, изгради полигон за семејни тендери, корупција и скандали“, велат од ВМРО-ДПМНЕ
„Филипче во улогата како министер за здравство под СДС, ја покажа неспособноста на една власт да ја разбере суштината на...
СДСМ: Истрагата за Кочани е фарса под команда на ВМРО-ДПМНЕ и Тошковски
„Истрагата за најголемата трагедија во историјата на Македонија, која требаше и мораше да донесе правда, се претвори во фарса. И...
Британија предупредува на амбициите на Путин на Западен Балкан: „Тоа е нова жешка точка“
Додека Очите на Европа и на Запад главно се насочени кон војната во Украина, тензиите на Западен Балкан растат се...
Грантови од 10.000 евра за младите земјоделци, велат од Владата
„Приоритет на Владата и министерството за земјоделство, шумарство и водостопанство е развој на македонското земјоделство, со посебен акцент на младите...
ЦУК: Пронајдени рачни бомби во нива во Тетовско и американска авионска бомба од минатите војни во Битолско
За пронајдени неексплодирани убојни средства известува РЦУК Тетово. Конкретно, преку 112 во ЦУК е пријавено пронаоѓање рачни бомби на приватна...
ДУИ: Прес-конференцијата на Тошковски и Коцевски – најголемата карикатура на заробената држава
„Прес-конференцијата на министерот за внатрешни работи Панче Тошковски и јавниот обвинител Љупчо Коцевски претставува најголемата карикатура на заробената држава“, велат...
(Видео) Европа го осуди рускиот ракетен напад врз Суми: „Суровоста повторно удри“
Најмалку 34 лица, меѓу кои две деца, загинаа вчераутро во руски ракетен напад врз украинскиот град Суми, додека други 117...
Подметнат пожар во домот на гувернерот на Пенсилванија: полицијата го разбуди и го евакуира
38-годишен маж е уапсен и ќе се соочи со обвинение откако наводно ја запалил официјалната резиденција на гувернерот на Пенсилванија...
Полицијата го пронајде девојчето, кое вчера се оддалечило од дома
Полициски службеници од СВР Скопје го пронајдоа малолетното девојче од село Кадино, скопско за кое вчера едниот родител во Полициска...
Судот изрече притвор за четири лица од проширената истрага за пожарот во „Пулс“
Судот на четири лица им изрече мерка притвор во траење од 30 дена, за шест лица куќен притвор и мерки...
Таравари: Политиката не треба да биде средство за личен комодитет, туку служба за народот
Претседателот на Алијанса за Албанците, Арбен Таравари, преку статус на Фејсбук порача дека никогаш не чувствувал завист за власта, иако...
Во Свети Николе затекнат локал на нива: вработените непријавени, објектот дивоградба, без план за евакуација
Полицијата во соработка со инспекторите и претставници на локални институции изврши контрола на угостителски објект во Свети Николе сопственост на...
Граѓаните биле под потенцијална загрозеност во сите дискотеки, рече Коцевски
Доказите упатуваат на суштински пропусти кај раководната структура во Дирекцијата за заштита и спасување. Ова го истакна државниот обвинител Љупчо Коцевски...
Актуелниот министер за економија не е опфатен со истрагата за „Пулс“ оти немало ново барање за лиценца
Актуелниот министер за економија не е опфатен со истрагата оти нема никаков доказ дека сопственикот на клубот „Пулс“ иницирал лиценца...
