Свет
(Видео) Пет лица загинаа во земјотресот во Мексико – неколкумина се повредени, илјадници останаа на улица
Најмалку пет лица загинаа во силниот земјотрес што вчера го погоди јужниот и централниот дел на Мексико, во близина на одморалиштето Хуатулко. Повредени се неколкумина, а илјадници останаа на улица.
Земјотресот со јачина од 7,4 степени се случи во 10:29 часот по локално време. Надлежните соопштија дека некои згради се урнале во областа на Круцесита, при што загинала една млада жена и е повредено уште едно лице.
Претседателот Андрес Мануел Лопез Обрадор во видеото објавено на социјалните медиуми изјави: „За жал, некој го загуби животот откако се урна зграда“.
70-годишен маж загинал кога се урнала куќа во мало планинско село. Најмалку две други лица од истата област се повредени откако се урнале згради.
Пемекс, државната нафтена компанија, твитна дека избувнал пожар во една од нејзините нафтени рафинерии. Пожарот бил изгаснат, но еден човек е повреден и однесен во болница, соопшти Пемex. Агенцијата за цивилна заштита во Мексико подоцна објави дека тој починал.
Друг маж починал во Сан Агустин Аматенго откако паднала ограда врз него, пренесува Агенцијата за цивилна заштита.
Најмалку една болница посветена за грижата за пациенти со Ковид-19 претрпела големи штети поради што пациентите мораче да бидат евакуирани.
Градоначалникот на Мексико, Клаудија Шинбаум, на прес-конференција рече дека најмалку 36 згради претрпеле мала штета, вклучително и четири владини згради.
Еден човек бил однесен во болница откако „врз него паднал високонапонски кабел“, рече Шинбаум и додаде дека едно дете е пренесено во детската болница.
До попладнето биле регистрирани над 447 афтершокови.
#PemexInforma que por sismo con epicentro en costas de Oaxaca, la refinería “Antonio Dovalí Jaime” en Salina Cruz fue puesta en paro seguro por registro de disparo en los turbo generadores y caldera, lo que provocó un conato de incendio que fue sofocado de inmediato. pic.twitter.com/LCG6hX1Vei
— Petróleos Mexicanos (@Pemex) June 23, 2020
Пацифичкиот центар за предупредување за цунами соопшти дека бранови на опасното цунами се можни во опсег до 1.000 километри од епицентарот, вклучително и по должина на брегот на Мексико, Хондурас, Гватемала и Салвадор.
URGENT: Tsunami warning issued after major earthquake rocks southern Mexicohttps://t.co/t1OWf8mk20
— RT (@RT_com) June 23, 2020
Кратко време по земјотресот, целата држава останала без електрична енергија. Мексиканските власти предупредиле дека нивото на морето се покачува, а Пацифичкиот центар издаде предупредување за цунами.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) На аеродромите во Велика Британија илјадници патници блокирани: Проблемот е на „национално ниво“
Аеродромите низ Велика Британија се во хаос откако сите порти беа затворени поради компјутерска грешка во граничните служби, пишува Дејли мејл.
Сликите на социјалните мрежи покажуваат огромни редици пред портите додека илјадници луѓе чекаат да им ги проверат пасошите.
At Heathrow Airport and no one is allowed to get through passport security. The queue is way longer than this. Apparently the issue is a system outage. pic.twitter.com/QdGhlLezZS
— Roshane Thomas (@RoshaneSport) May 7, 2024
Се шират гласини дека Хитроу не е единствениот аеродром погоден од наводната грешка, туку и Манчестер и Гетвик.
Big issues at Heathrow Passport Control with every single E-Gate not working. This is T3 pic.twitter.com/EkzcYGRckP
— Sam Morter (@SamuelMorter) May 7, 2024
Персоналот на Хитроу, наводно, им рекол на патниците во редици дека тоа е национален проблем.
Fun at Heathrow T5. Computers down at border control. Massive queue. Staff trying their best to keep people informed and some very entitled people here! #heathrow #bordercontrol #T5 pic.twitter.com/kKk2SdUtT4
— Nikki Woodruff 💙 (@ManicPeanut) May 7, 2024
Една патничка за „Дејли мејл“ изјавила дека чекала ред цел час, а персоналот на аеродромот почнал да дели вода.
Таа додаде дека на луѓето им било кажано дека аеродромот работи на алтернатива за проверка на документите на патниците.
Регион
Кси слета во Србија: Претседателот на Кина пречекан од Вучиќ и државниот врв
Заедно со претседателот на Србија Александар Вучиќ и првата дама, кинескиот претседател Кси Џинпинг беше пречекан на црвениот тепих од српската делегација составена од премиерот Милош Вучевиќ, претседателката на Собранието Ана Брнабиќ, министерот за надворешни работи Марко Ѓуриќ, српската амбасадорка во Кина Маја Стефановиќ и кинескиот амбасадор во Белград Ли Минг со сопругата.
Свечениот пречек на кинеската делегација која брои 400 лица е закажан за в среда пред палатата „Србија“.
Домаќин на претседателот Кси Џинпинг ќе биде српскиот претседател Александар Вучиќ, а двајцата лидери ќе разговараат за широк спектар на теми – од политички, економски и технолошки до соработка во областа на културата.
За време на дводневната посета на Кси Џинпинг на Србија, планирано е да се потпишат над 30 договори.
Беше организиран и свечен ручек на кој кинескиот претседател ќе има можност да дегустира српски јадења и вина, а ќе има и музичка програма на српски и кинески јазик, која ќе заврши со песната „Ова е Србија“.
Поради доаѓањето на кинескиот претседател преземени се големи безбедносни мерки, па неговата делегација ќе ја обезбедуваат 3.400 полицајци.
Свет
Сторми Даниелс сведочи на судењето против Трамп
Поранешната порно-ѕвезда Сторми Даниелс сведочи во судот во Њујорк во кривичната постапка против поранешниот претседател на САД, Доналд Трамп.
На актерката (45), чие вистинско име е Стефани Клифорд, на крајот на претседателската кампања во 2016 година ѝ исплатиле 130.000 долари за да молчи за наводен сексуален однос со Доналд Трамп во 2006 година.
Станува збор за долгоочекуваната пресметка на поранешниот претседател на САД и порно-ѕвезда која тврди дека имале секс, јавија американските медиуми. Обвинителите велат дека Трамп ги прикрил информациите за исплата од 130.000 долари кои на Даниелс ѝ ги исплатил неговиот поранешен адвокат Мајкл Коен пред претседателските избори во 2016 година.
Коен претходно изјави дека Трамп му наредил да и плати на Даниелс за таа да не зборува за сексуалниот однос со Трамп од 2006 година.