Македонија
Спасовски во Куманово: Вложуваме во капитални проекти за сите граѓани, не правиме поделби
Оливер Спасовски, носителот во втората изборна единица од СДСМ и коалицијата „Можеме“ на средбите со жители на Куманово зборуваше за иднината на македонска економија.
Во месната заедница Гоце Делчев, Спасовски зборуваше за вложеното во инфраструктурата во неговата изборна единица во изминатите три години.
„Во патната инфраструктура во изборната единица 2 со поддршка на централната власт се реализирани 8 проекти во должина од 101.90 километри со вкупна вредност од 12.251.707 евра, за патиштата: Опае – Белаковце – Станчиќ; Куманово – Миладиновци; рехабилитација на регионалниот пат: Куманово – Свети Николе со поддршка од Светска Банка; патот Куманово – Свети Николе со поддршка од ЕБОР; за реконструкција на регионален пат Куманово – Опае; за рехабилитација на регионален пат Куманово – Никуштак; Куманово – Пелинце; Пелинце – ГП Пелинце“, нагласи Спасовски.
Додаде и дека со поддршка од локалната власт вложено е во 16 завршени проекти патна инфрастуктура, а 24 проекти се во тек.
„Реализирани се и два проекта за водовод и канализација, со поддршка од централната власт, во вкупна вредност од 1.009.524 евра за изградба на фекален колектор во Речица и за реконструкција, употреба и одржување на дел од водоснабдителен систем на Куманово“, рече Спасовски.
Тој додаде дека и во време на здравствено-економската ситуација не е запрен ниту еден капитален проект и дека инвестициите ќе продолжат затоа што коалицијата „Можеме“ има за цел постигнување повисок животен стандард.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.