Регион
Вучиќ се појави по неколку дена, вели дека нема коронавирус: „Не удира гром во коприва“
![](https://makfax.com.mk/wp-content/uploads/2020/07/Vucic.jpg)
Претседателот на Србија, Александар Вучиќ, беше гостин на програмата на ТВ Пинк.
Тоа беше негово прво појавување по неколкудневното отсуство во медиумите и во јавноста, што е особено невообичаено со оглед на кризата со коронавирус во Србија.
Претходно, за време на првиот бран на вирусот, но и за време на разни катастрофи, како поплави, одрони и лизгање на земјиштето, Вучиќ организираше прес-конференции неколку пати на ден, а владините седници беа пренесувани во живо на телевизија.
Затоа се поставуваа прашања дали е сè во ред со здравјето на Вучиќ, а тој зборуваше на оваа тема во „Пинк“.
„Се криев на терасата овде во Претседателството, каде што досега не сум бил. Не удира гром во коприва, добро ми е, како што можете да видите. Ова е 12-ти пат како умирам, уште од 6 март. Уште тогаш велеа дека ќе умрам, особено затоа што имам други проблеми“, рече Вучиќ, одговарајќи на шпекулациите дека е заразен со коронавирус.
Тој додаде дека нема да дозволи никој да се поигрува со мирот и стабилноста во Србија, пренесува „Блиц“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Додик: БИХ е последната колонија во Европа
![](https://makfax.com.mk/wp-content/uploads/2024/04/dodik-1.jpg)
Претседателот на Република Српска, Милорад Додик, изјави дека во Босна и Херцеговина постои криза која трае веќе 26 години, во која правата им беа дадени на Србите, а потоа одземени во корист на муслиманите, како и дека Босна и Херцеговина е последната колонија во Европа.
„БиХ е последната колонија во Европа каде што луѓето кои дојдоа однадвор го презедоа раководството, кое никој не го избра на избори. Ние, локалните политичари, само одиме на избори, победуваме или губиме, но оние кои не се од БиХ Тие всушност играат водечка улога“, рече Додик во интервју за Џерусалим пост.
Тој посочи дека дури и Хрватите не се задоволни од ситуацијата во БиХ, но дека муслиманите не сакаат дијалог, туку ги обвинуваат Србите дека повикуваат на конфликт, што не е точно.
Регион
Татко во алкохолизирана состојба ја избол ќерката во Призрен: лекарите се борат за нејзиниот живот
![](https://makfax.com.mk/wp-content/uploads/2024/06/бо.jpg)
Синоќа, нешто по полноќ, во Призрен е уапсен татко, кој во алкохолизирана состојба со нож ја нападнал својата ќерка (21) и ѝ нанел повреди опасни за животот.
Регионалниот полициски центар во Призрен потврди дека А. Ш. (44) со нож ја нападнал ќерката Е. Ш. по расправија под дејство на алкохол нанесувајќи ѝ повреди на грбот.
Таа е во критична состојба и лекарите во болницата во Призрен се борат за нејзиниот живот.
Случајот е карактеризиран како обид за убиство.
Како што истакнаа, таткото бил во алкохолизирана состојба и по наредба на надлежен обвинител, одредена му е мерка притвор до 48 часа.
Регион
82-годишен маж од Чешка со камера снимал деца без облека на Истра
![](https://makfax.com.mk/wp-content/uploads/2024/06/хрв.jpg)
82-годишен Чех снимал деца без облека во туристички објект во Истра, а го забележал обезбедувач кој повикал полиција, јавуваат локални медиуми.
Полициски службеници ја завршија кривичната истрага за 82-годишен чешки државјанин и утврдија сомнение дека сторил кривично дело искористување деца за порнографија.
Чешкиот државјанин е осомничен дека на 12 јуни околу 13 часот и 50 минути во туристички објект на територијата на ПУ на Истра снимал деца без облека, што го забележало обезбедувањето и повикало полиција. Мажот е приведен во полициска станица. По наредба на надлежниот суд извршен е претрес на камерата и пронајдени снимки со инкриминирачка содржина.
Осомничениот вчера попладнето бил приведен во притвор на ПУ на Истра, информира полицијата.