Свет
Во продажба милиони здравствени производи со фалсификувани маркици на ЕУ

Агенцијата за борба против измамите на Европската Унија (ОЛАФ) запленила милиони здравствени производи со фалсификувани сертификати на ЕУ додека криминалците се обидуваат да ја искористат кризата предизвикана од пандемијата на коронавирус, пренесува СВТ.
Генералниот директор на ОЛАФ, Виле Итала, рече дека од почетокот на пандемијата на коронавирус, агенцијата видела лажни сертификати на ЕУ за сè, од медицински маски до лекови и респиратори.
„Употребата на неовластена опрема за нега значително се зголеми. Побарувачката за овие производи максимално се зголеми, а измамниците се привлечени од потенцијално огромната нелегална добивка што може да ја остварат“, рече Итала.
„Главната карактеристика на измамата е да се продаваат производи со сертификати добиени од тела кои всушност немаат овластување да ги сертифицираат овие производи, или каде сертификатите се издадени под нејасни околности, но наводно се во согласност со сертификатот на ЕУ“, додаде тој.
Илјадници супстандардни маски, многу со потекло од Кина, се пријавени во неколку земји членки на ЕУ. Неделава шведскиот регион Вастернорленд објави дека низ целиот регион се дистрибуирани 6.000 маски за кои е утврдено дека не ги исполнуваат соодветните стандарди. Маските биле увезени од Кина.
„Во една земја членка беа повлечени и конфискувани стотици илјади маски кога пристигнале во магацините во неколку болници и требаше да бидат дистрибуирани до медицинскиот персонал“, рече Итала.
Но генералниот директор на ОЛАФ истакна дека во некои случаи опремата веќе била дистрибуирана пред да се откријат недостатоците.
„За жал, во друга земја членка веќе беше предоцна, а медицинскиот персонал беше заразен со вирусот затоа што личната заштитна опрема купена од властите беше супстандардна“, рече тој.
Заедно со продажба на фалсификувани или супстандардни медицински производи, некои банди на организиран криминал се обидуваат да профитираат од пандемијата на коронавирус со трупање производи како што се маските. Во Грција, мафијашки шеф беше фатен дека складирал 11 тони антисептички гел во магацин близу Атина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.