Забава
Де Ниро претрпел финансиски удар, а поранешната сопруга бара повисок кредитен лимит

Роберт Де Ниро тврди дека претрпел голем финансиски удар како резултат на пандемијата на коронавирус.
Холивудската легенда проговори за финансиите на суд откако неговата поранешна сопруга Грејс Хајтауер побара итен судски налог за зголемување на нејзиниот месечен кредитен лимит од 50.000 на 100.000 долари.
Тој се појави на суд преку Скајп, а неговите адвокати изјавија дека го преполовил лимитот на кредитните картички, откако синџирот ресторани Нобу и хотелот Гринвич – во кои има удели – се затворени или делумно затворени неколку месеци среде глобална здравствена криза.
Неговата адвокатка Керолин Краус му рече на судијата дека синџирот на ресторани изгубил 3 милиони долари во април и дополнителни 1,87 милиони долари следниот месец.
Таа додаде дека во предбрачниот договор на Де Ниро и Хајтауер од 2004 година јасно стои дека тој треба да плаќа 1 милион долари годишно ако заработува 15 милиони долари или повеќе, а неговите плаќања ќе се намалат пропорционално со неговите приходи.
“Во најдобриот случај, г-дин Де Ниро ќе има среќа ако заработи 7,5 милиони долари годинава.“
Таа додаде дека 76-годишниот актер драматично го намалил трошењето, истовремено укажувајќи на одложениот филмски проект кој требаше да се снима ова лето пред пандемијата.
Судот во Менхетн донесе привремена пресуда, дозволувајќи му на Де Ниро да го задржи лимитот на кредитна картичка на неговата поранешна сопруга на 50.000 УСД.
Сепак, тој ќе треба да плати 75.000 долари за да ѝ помогне да најде летен дом за нивните две деца, додека тој и неговите други деца остануваат во неговата хациенда од три засебни куќи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
По децении молк, Малкович проговори за романсата со Мишел Фајфер на снимање

Речиси четири децении по снимањето на култниот филм Опасни врски (1988), холивудскиот актер Џон Малкович откри дека се кае за аферата со својата колешка Мишел Фајфер. Во тоа време и двајцата биле во брак, а нивната романса од сетот се пренела и во приватниот живот, но врската брзо згаснала.
Гостувајќи во подкаст, 71-годишниот Малкович призна дека со таа врска го изгубил „сјајниот колега“ во Фајфер, која ја опиша како забавна, искрена и неверојатно коректна. „Јас тоа сигурно не бев“, додаде тој.
Актерот објасни дека со текот на времето научил да ја цени професионалноста над сè. „Кога односот ќе премине во нешто повеќе од колегијален или пријателски, тогаш ја губите шансата да имате вистински колега“, рече Малкович.
Како спротивен пример го наведе долгогодишното пријателство и соработка со актерката Ингеборга Дапкунаите, со која веќе 33 години останале блиски колеги, бидејќи „границата никогаш не била премината“.
Забава
Хороскопски знаци кои најтешко поднесуваат пораз во друштвени игри

Друштвените игри се забава за многумина, но не и за некои хороскопски знаци кои поразот го сфаќаат премногу сериозно.
Овен – импулсивни и натпреварувачки настроени, тешко ја кријат фрустрацијата кога губат.
Лав – гордоста им е на прво место, па поразот го доживуваат како лична навреда.
Шкорпија – страсни и интензивни, губењето го паметат долго и бараат реванш.
Јарец – на игрите гледаат како на стратегија и работа, па поразот им го руши чувството на контрола.
За овие знаци, друштвените игри лесно можат да завршат со нервоза наместо со забава.
Забава
Брачен пар по четири години откри кој бил мистериозниот гостин на нивната свадба

Британскиот брачен пар Мишел и Џон Вајли со помош на социјалните мрежи дознаа кој бил непознатиот човек што случајно се појавил на нивната свадба во Прествик пред четири години.
На фотографиите од венчавката се гледал висок, збунет маж во свечен костум, кого никој од гостите не го познавал. Подоцна било утврдено дека станува збор за Ендру Хилхаус, кој требало да присуствува на друга свадба, само два километри подалеку. Тој сфатил дека е на погрешно место дури кога невестата тргнала кон олтарот.
Ендру успеал да си замине дури по заедничката фотографија, а вистината ја открил четири години подоцна, кога преку Фејсбук стапил во контакт со младенците.
„Не можев да престанам да се смеам. Не веруваме дека го најдовме по толку време“, изјави невестата.