Забава
Камила слави роденден, кралицата ѝ упати честитка на „Твитер“
Камила, војвотката од Корнвол и сопруга на принцот Чарлс, го прославува својот 73. роденден со приватна забава без планирани јавни настани.
Кларенс Хаус, официјална резиденција на двојката во Лондон, објави фотографија од Камила снимена во градината.
Канцелариите на мајката на Чарлс, кралицата Елизабета Втора, и неговиот син со неговата сопруга, принцот Вилијам и војвотката од Кембриџ, ѝ го честитаа роденденот на Камила на „Твитер“.
Бакингамската палата објави заедничка фотографија на насмеаната кралица и Камила со цвеќиња во рацете.
??Wishing The Duchess of Cornwall a very happy birthday! Her Royal Highness turns 73 today. pic.twitter.com/m4Yi18m0cn
— The Royal Family (@RoyalFamily) July 17, 2020
Камила и Чарлс (71) го продолжија јавниот ангажман овој месец, откако поминаа неколку недели во самоизолација во Шкотска затоа што Чарлс се зарази со коронавирусот.
Двојката се венча во 2005 година, по неколку години контроверзии во врска со нивната врска. Камила оттогаш е прифатена како член на кралското семејство.
Чарлс, наследник на британската круна, се ожени со Дајана Спенсер во 1981 година. Додека беа во брак постојано се зборуваше дека тој сè уште бил во врска со неговата поранешна девојка, тогаш мажената Камила Паркер-Боулс. Камила стана најомразената жена во Британија, а подоцна и во светот, поради големата наклонетост на британската јавност кон принцезата Дајана.
Поради овој факт, таа не ја користи титулата принцеза од Велс, која легално ѝ припаѓа. Не е познато што ќе се случи со титулата на Камила кога Чарлс ќе стане крал, но познавачите на кралското семејство веруваат дека таа веројатно нема да стане кралица, иако Чарлс може да ѝ ја даде таа титула.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Селена Гомез ги поттикна гласините дека е верена, на Еми наградите се појави со дијамантски прстен
Селена Гомез пристигна на доделувањето на Еми наградите облечена во долг црн фустан на Ралф Лорен и неколку забележливи дијамантски прстени, меѓу кои и еден кој ги поттикна гласините за можна свршувачка со музичкиот продуцент Бени Бланко.
Селена и Бени беа многу блиски за време на доделувањето на наградите, а како што претходно објави TMZ, Селена започнала да следи популарен планер за свадби на TikTok.
Да потсетиме, Селена на почетокот на август ги подгреа гласините за нејзината свршувачка со момчето Бени Бланко, кога објави фотографија на која заедно позираат пред огледало, а на прстот стави емотикон со срце.
Сепак, пејачката и нејзиното момче се уште официјално не ја потврдија веста за свршувачката или за можна венчавка, но Бланко во неодамнешното гостување во шоуто „The Howard Stern Show“ потврди дека нивната врска е сериозна и дека сака да започне брак и семејство со Селена.
Забава
(Видео) Шакира се симна од сцената откако забележа дека некој ја снима под фустанот
На социјалните мрежи се прошири видео од Шакира од ноќен клуб. Пејачката била во еден клуб во Мајами кога го отсвириле нејзиниот нов сингл Soltera, кој се очекува да излезе на крајот на годината. Кога песната свирела, Шакира се качила на сцената и танцувала во краток фустан.
Луѓето во клубот веднаш ги вклучиле мобилните телефони за да ја снимат познатата пејачка. Меѓутоа, Шакира на сред танц забележала дека некој ја снима премногу ниско, односно дека камерата е вперена под нејзиниот фустан.
Шакира почнала да го спушта фустанот и набргу нерасположена се симна од сцената.
That’s just beyond gross. Shakira had every right to walk off, no one should have to deal with that kind of disrespect, especially when she’s just out there performing her music. People need to learn how to act with basic decency! 🤔
— SHAVA (@SHAVA787) September 15, 2024
Бројни обожаватели на пејачката го критикуваа човекот кој се однесувал вака.
shakira cant even enjoy and dance to her OWN song like?? 😢
— 🔞Rayne-Arts (@ArtsRayne) September 15, 2024
„Луѓето се одвратни“, „Шакира не може ниту да ужива, ниту да танцува на нејзината песна“, „Кој и да ја снимал вака, треба да биде уапсен“, „Ова е повеќе од одвратно. Шакира е апсолутно во право што си замина“, се дел од коментарите.
Забава
Црвен отпечаток од дланка на устата: што се крие зад потегот на актерот
Вун-А-Таи позира во црн костум, со црвен отпечаток на дланка преку устата, симбол на солидарност за исчезнатите и убиените домородни жени.
Актерот Д’Фараон Вун-А-Таи (22) привлече внимание на доделувањето на наградите „Еми“. Ѕвездата на Reservation Dogs, која беше номинирана во категоријата за најдобар актер, го искористи своето појавување на црвениот тепих за да испрати силна порака.
Вун-А-Таи позира во црн костум, со црвен отпечаток од дланка на устата, со што испрати порака на солидарност за исчезнатите и убиени домородни жени, односно ги „означува сите исчезнати сестри, чии гласови не се слушаат, молкот на медиумите и законот“.
На годинешната церемонија Вун-А-Таи беше номиниран за својата прва награда „Еми“ за улогата во Reservation Dogs, но наградата му припадна на Џереми Ален Вајт за неговата улога во „Мечката“.
Сепак, Вун-А-Таи влезе во историјата како првиот домороден актер што бил номиниран во која било категорија за главна улога.
Reservation Dogs ја следи приказната за домородните американски тинејџери во Оклахома, кои сакаат да се пробијат до Калифорнија. Попатно, тие се подготвени на сè за да добијат пари, па дури и да ги украдат. Серијата е достапна за гледање на платформата „Хулу“.
Вун-А-Таи изјави за списанието „Варајати“ во април дека шоуто го научило на важноста да ја раскаже сопствената приказна.
„Никој не треба да ги кажува нашите приказни во наше име. Тоа трае предолго. Имавме доволно лажни претставувања“, рече Вун-А-Таи.