Свет
Иран ја испрати во Франција црната кутија од соборениот украински авион
Иран ја испрати на увид во Франција црната кутија од украинскиот патнички авион, што иранските вооружени сили по грешка го соборија во јануари, соопшти иранската полуофицијална новинска агенција ИЛНА.
Иран по грешка го собори авионот „боинг 737-800“, при што загинаа сите 176 патници и членови на екипажот откако силите помислиле дека е ракета.
Иранските вооружени сили во тоа време се подготвуваа за контранапад откако лансираа ракети кон американските бази во Ирак како одговор на убиството на нивниот генерал Касим Сулејмани во американски напад претходно во јануари.
Во извештајот на ИЛНА се цитира Мохсен Бахарванд, помошник на иранскиот министер за надворешни работи, според кој црната кутија на соборениот авион е транспортирана во Париз во петокот во придружба на претставници на иранската цивилна авијација и судски власти.
Бахарванд исто така рече дека црната кутија ќе биде прочитана во Париз денеска.
Иран водеше интензивни преговори со Украина, Канада и други нации чии државјани патуваа со соборениот авион и кои побараа темелна истрага за инцидентот. Иран првично рече дека причина за несреќата се технички проблеми, а призна дека го соборил авионот дури неколку дена подоцна.
Во извештајот не е објаснето зошто Иран ја испрати црната кутија во Франција. „Боинг“ е американска компанија, а на иранските експерти им беше потребен конвертор за да ги врати податоците од кутијата, но САД се спротивставија на доставата на информациите до Иран.
Претседателот Доналд Трамп повторно воведе санкции за Иран по повлекувањето на САД од нуклеарниот договор со Техеран пред повеќе од две години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Грција ќе забрани издавање нови дозволи за краткорочно изнајмување во центарот на Атина
Забраната за издавање нови дозволи за краткорочно изнајмување во три квартови во строгиот центар на Атина ќе остане на сила најмалку една година, објави денеска грчката влада, истовремено зголемувајќи го данокот за изнајмување на такво сместување за одмор.
Како и многу други европски туристички дестинации, Грција се бори да ја балансира профитабилната индустрија управувана од онлајн платформите како што е Airbnb со потребите на локалните жители кои се соочуваат со недостиг на станови.
Недостигот на станови и зголемените трошоци за живот ги натераа властите да објават одлука овој месец за зголемување на даноците за краткорочни изнајмувања, забрана на нови дозволи во центарот на Атина и охрабрување на сопствениците на имот да се префрлат на долгорочни изнајмувања.
Грчката министерка за туризам Олга Кефалојани денеска најави дека забраната за ново краткорочно изнајмување во Атина ќе стапи на сила од 1 јануари 2025 година.
Дневниот данок на краткорочни изнајмувања и помага на земјата да се справи со влијанието на природните катастрофи поврзани со климатските промени. Во периодот од април до октомври ќе се зголеми од 1,5 на 8 евра, изјави министерот за финансии. Во зимските месеци данокот ќе се зголеми од 0,5 на 2 евра.
Министерот Кефалојани рече дека Грција годинава од туризмот очекува приход од 22 милијарди евра, што е уште еден рекорд. Таа во борбата против масовниот туризам најави уште една мерка – такса во висина од 20 евра за посетителите од бродовите за крстарење кои во екот на летната сезона ги посетуваат островите Санторини и Миконос, а ќе стапи на сила следната година.
Европа
(Видео) Хеликоптер ги извлекува пожарникарите од надојдената вода: драматична снимка од Чешка
Чешки „Блеск“ објави драматично видео од четворица доброволци пожарникари од Крнов.
Тие отишле да им помогнат на жителите погодени од поплавите, но и самите заглавиле во поројот.
Takhle vypadala záchrana čtyř dobrovolných hasičů z Krnova, kteří při záchraně osob ze zatopených obydlí divokou vodou potřebovali sami pomoc. Zachraňovali je i @HZS_STC. Pomáhají totiž i mimo hranice Středočeského kraje. S @HasiciPraha se pravidelně střídají ve vrtulníkové… pic.twitter.com/aQf07urx2b
— Petra Pecková (@PPeckova) September 16, 2024
На објавеното видео се гледа како хеликоптер ги извлекува пожарникарите, чие возило е целосно опколено со вода.
Европа
Силен земјотрес во Романија
Околу 17:40 часот земјотрес со јачина од 5,2 степени според Рихтеровата скала ја погоди Романија, јави ЕМСЦ.
Земјотресот се случил на 62 километри северозападно од Бузау и на длабочина од 137 километри под епицентарот во близина на Бузау.
#Earthquake (#cutremur) possibly felt 19 sec ago in #Romania. Felt it? Tell us via:
📱https://t.co/QMSpuj6Z2H
🌐https://t.co/AXvOM7I4Th
🖥https://t.co/wPtMW5ND1t
⚠ Automatic crowdsourced detection, not seismically verified yet. More info soon! pic.twitter.com/7MbYZOb2L7— EMSC (@LastQuake) September 16, 2024
Сеизмичките прелиминарни податоци покажуваат дека земјотресот не требало да предизвика значителна штета, но веројатно многумина го почувствувале како лесна вибрација во подрачјето на епицентарот.