Свет
Помпео: САД нудат формирање нов сојуз на демократии против Кина
САД нудат создавање нов сојуз на истомисленици за борба против злонамерноста на Кина кон меѓународната заедница, изјави американскиот државен секретар, Мајк Помпео, во говорот во претседателската библиотека „Ричард Никсон“ во Калифорнија, пренесува „Анадолија“.
Помпео посочи дека без итно дејство, Кинеската комунистичка партија (ККП) ќе ја уништи слободата и ќе го поткопа меѓународниот поредок заснован на правила.
„Ако сега го свиткаме коленото, децата на нашите деца може да бидат препуштени на милост и немилост на ККП, чии активности се основниот предизвик денес во слободниот свет. Тука не станува збор за ограничување. Станува збор за нов комплексен предизвик со кој досега не сме се соочиле“, рече тој зборувајќи за активноста на Кина.
„Не можеме сами да се соочиме со овој предизвик. ОН, НАТО, Г7, Г20, нашата комбинирана економска, дипломатска и воена моќ се сигурно доволно за да се соочат со овој предизвик ако се насочат правилно. Можеби е време за ново групирање истомисленици, нов сојуз на демократии“, продолжи Помпео.
„Имаме алатки. Сега ни е потребна волја. Ако слободниот свет не ја смени комунистичка Кина, комунистичка Кина ќе нè смени нас. Нема враќање кон минатите практики само затоа што тие се пријатни или удобни“, рече американскиот дипломат.
Помпео во вторникот ја обвини Кина дека се обидува да украде интелектуална сопственост на САД со помош на кинески државни компании. На заедничката прес-конференција со секретарот за надворешни работи на Велика Британија, Доминик Рааб, во Лондон, Помпео изјави дека САД сакаат да формираат меѓународна коалиција за да им се спротивстават на заканите што доаѓаат од Кина.
Коментарите на Помпео дополнително ги истакнуваат можеби најострите ескалации во веќе зголемените тензии меѓу Вашингтон и Пекинг, кои драматично ескалираа од почетокот на пандемијата на коронавирусот.
„Обезбедувањето на нашите слободи од ККП е мисија на нашето време и Америка е совршено позиционирана да го води тоа бидејќи нашите основни принципи ни ја даваат таа можност“, истакна Помпео.
Според кинеското Министерство за надворешни работи, Вашингтон во вторникот побарал од Пекинг да ја прекине својата дипломатска мисија во Хјустон. Портпаролот на кинеското МНР, Ванг Венбин, го оцени ваквиот потег на САД како провокација што ги крши нормите на меѓународното право и принципите на билатералните односи, како и конзуларниот договор меѓу двете држави.
Портпаролот додаде дека Кина ќе преземе остри контрамерки ако САД не се откажат од ова барање.
Најавите се остварија денеска кога Кина нареди затворање на американскиот конзулат во југозападниот град Ченгду. Американскиот конзулат во Ченгду, кој е основан во 1985 година и во моментот има повеќе од 200 вработени, е стратешки важен поради неговата близина до автономниот регион Тибет.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Грција ќе забрани издавање нови дозволи за краткорочно изнајмување во центарот на Атина
Забраната за издавање нови дозволи за краткорочно изнајмување во три квартови во строгиот центар на Атина ќе остане на сила најмалку една година, објави денеска грчката влада, истовремено зголемувајќи го данокот за изнајмување на такво сместување за одмор.
Како и многу други европски туристички дестинации, Грција се бори да ја балансира профитабилната индустрија управувана од онлајн платформите како што е Airbnb со потребите на локалните жители кои се соочуваат со недостиг на станови.
Недостигот на станови и зголемените трошоци за живот ги натераа властите да објават одлука овој месец за зголемување на даноците за краткорочни изнајмувања, забрана на нови дозволи во центарот на Атина и охрабрување на сопствениците на имот да се префрлат на долгорочни изнајмувања.
Грчката министерка за туризам Олга Кефалојани денеска најави дека забраната за ново краткорочно изнајмување во Атина ќе стапи на сила од 1 јануари 2025 година.
Дневниот данок на краткорочни изнајмувања и помага на земјата да се справи со влијанието на природните катастрофи поврзани со климатските промени. Во периодот од април до октомври ќе се зголеми од 1,5 на 8 евра, изјави министерот за финансии. Во зимските месеци данокот ќе се зголеми од 0,5 на 2 евра.
Министерот Кефалојани рече дека Грција годинава од туризмот очекува приход од 22 милијарди евра, што е уште еден рекорд. Таа во борбата против масовниот туризам најави уште една мерка – такса во висина од 20 евра за посетителите од бродовите за крстарење кои во екот на летната сезона ги посетуваат островите Санторини и Миконос, а ќе стапи на сила следната година.
Европа
(Видео) Хеликоптер ги извлекува пожарникарите од надојдената вода: драматична снимка од Чешка
Чешки „Блеск“ објави драматично видео од четворица доброволци пожарникари од Крнов.
Тие отишле да им помогнат на жителите погодени од поплавите, но и самите заглавиле во поројот.
Takhle vypadala záchrana čtyř dobrovolných hasičů z Krnova, kteří při záchraně osob ze zatopených obydlí divokou vodou potřebovali sami pomoc. Zachraňovali je i @HZS_STC. Pomáhají totiž i mimo hranice Středočeského kraje. S @HasiciPraha se pravidelně střídají ve vrtulníkové… pic.twitter.com/aQf07urx2b
— Petra Pecková (@PPeckova) September 16, 2024
На објавеното видео се гледа како хеликоптер ги извлекува пожарникарите, чие возило е целосно опколено со вода.
Европа
Силен земјотрес во Романија
Околу 17:40 часот земјотрес со јачина од 5,2 степени според Рихтеровата скала ја погоди Романија, јави ЕМСЦ.
Земјотресот се случил на 62 километри северозападно од Бузау и на длабочина од 137 километри под епицентарот во близина на Бузау.
#Earthquake (#cutremur) possibly felt 19 sec ago in #Romania. Felt it? Tell us via:
📱https://t.co/QMSpuj6Z2H
🌐https://t.co/AXvOM7I4Th
🖥https://t.co/wPtMW5ND1t
⚠ Automatic crowdsourced detection, not seismically verified yet. More info soon! pic.twitter.com/7MbYZOb2L7— EMSC (@LastQuake) September 16, 2024
Сеизмичките прелиминарни податоци покажуваат дека земјотресот не требало да предизвика значителна штета, но веројатно многумина го почувствувале како лесна вибрација во подрачјето на епицентарот.