Свет
Сопругата на холандскиот амбасадор во Либан сериозно повредена во експлозијата
Холандското Министерство за надворешни работи објави дека сопругата на холандскиот амбасадор во Либан е сериозно повредена во огромната експлозија што го потресе пристаништето во Бејрут, пренесува либанскиот радиодфузер ЛБЦИ.
Портпаролот на Mинистерството рече дека таа е однесена во болница додавајќи дека експлозијата сериозно ја оштетила зградата на амбасадата, а повредени се и четири други лица.
Либанскиот претседател, Мишел Аун, изјави дека истрагата за моќната експлозија што го потресе Бејрут ќе ги открие околностите за ова што се случило што е можно побргу и дека резултатите ќе бидат објавени транспарентно.
Во телевизискиот говор на почетокот на состанокот на кабинетот Аун апелира до другите нации да ја забрзаат помошта за Либан.
Државите од Заливот беа меѓу првите што реагираа, а Катар објави дека ќе испрати теренски болници за да го олесни притисокот врз преоптиварениот медицински систем во Либан. Во воздухопловната база „Ал Удеид“ од Доха се подготвени стотици кревети, генератори и чаршафи за изгореници за товарење во планираните четири карго-авиони.
Иранскиот претседател, Хасан Рухани, во пораката до својот либански колега рече дека Техеран е подготвен да понуди медицинска помош и да помогне во лекувањето на повредените. Кралот на Јордан, Абдула Втори, исто така вети дека ќе испрати теренска болница.
„Теренската болница ќе вклучува специјалисти и медицински персонал, кои ќе придонесат во понудата на медицински услуги и третман за поддршка на нашите браќа во Либан“, се вели во извештајот на државната телевизија во Јордан.
Холандските власти објавија дека екипа за помош од 67 лица се упатила кон Бејрут, вклучувајќи лекари, полицајци и пожарникари.
Во необичен гест, и соседен Израел ѝ понуди хуманитарна помош на земјата со која технички сè уште е во војна.
„Министерот за одбрана, Бени Ганц, и министерот за надворешни работи, Габи Ашкенази, од име на државата Израел ѝ понудија на либанската влада – преку меѓународни посредници – медицинска и хуманитарна помош, како и итна помош“, се вели во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Украина уништи моќен руски ракетен лансер
Ракетата TOS-1A LANSER често се нарекува тежок фрлач на пламен поради специфичната термобарична муниција што ја истрелува, која е ефикасна против силно утврдените одбранбени позиции.
The warriors from the 93rd Mechanized Brigade destroyed another "no-analogue" russian TOS-1A Solntsepyok heavy flamethrower system with the use of a night-vision FPV drone. pic.twitter.com/lS22jAGa8o
— Defense of Ukraine (@DefenceU) May 7, 2024
„Војниците од 93-та механизирана бригада уништија уште еден руски тежок пламен фрлач TOS-1A Solntsepyok користејќи беспилотно летало за ноќно гледање FPV“, се вели во објавата на Твитер. Не е наведено кога и каде се случил нападот.
Вредноста на еден таков систем се проценува на 6,5 милиони долари.
Европа
Русија и Украина меѓусебно се обвинуваат за употреба на забрането хемиско оружје
Русија и Украина меѓусебно се обвинуваат за употреба на забрането хемиско оружје на бојното поле, објави Организацијата за забрана на хемиско оружје.
Организацијата за забрана на хемиско оружје соопшти дека наводите се „недоволно потврдени“ со доказите, но во соопштението се додава:
„Ситуацијата останува нестабилна и крајно загрижувачка кога станува збор за потенцијалната употреба на токсични хемикалии како оружје“.
Ниту Русија ниту Украина официјално не побарале од организацијата да ја истражи наводната употреба на хемиско оружје, се вели во соопштението.
Минатата недела, САД соопштија дека Русија ја прекршила меѓународната забрана за употреба на хемиско оружје, која е надгледувана од Организацијата.
Таа, наводно, користела хлоропикрин, моќен пестицид што се користи во земјоделството и е забранет за воена употреба, против украинските трупи и користела хемиски соединенија кои привремено ги онеспособуваат луѓето, како солзавец, „како метод за војување“ во Украина.
Ова следеше по украинските тврдења во април дека Русија ја засилила употребата на солзавец во рововите. Русија ги отфрли обвинувањата, а украинските власти не одговорија на барањето на Ројтерс за коментар во вторникот.
Организацијата за забрана на хемиско оружје соопшти дека ја следат ситуацијата од февруари 2022 година, кога Москва ја нападна Украина. Според Конвенцијата за хемиско оружје, секоја токсична хемикалија што се користи за да предизвика повреда или смрт се смета за хемиско оружје.
Употребата на токсични агенси на бојното поле во војна е против Конвенцијата, соопшти Организацијата за забрана на хемиско оружје. „Доколку се користат како метод на војување, овие агенси се сметаат за хемиско оружје и затоа, според Конвенцијата, тие се забранети“.
Свет
Хамас: Нападот на Израел ги загрозува животите на стотици илјади цивили во Рафах
Израелската окупација на преминот Рафах во јужниот дел на Појасот Газа е опасна ескалација што ги загрозува животите на стотици илјади раселени цивили во Рафа, како и објекти под заштита на меѓународното право, објави палестинската милитантна група Хамас.
Во соопштението се додава дека нападот на израелската армија ќе ја влоши хуманитарната ситуација во Газа и ќе го спречи протокот на толку потребната итна помош за цивилите, пренесува Ал Џезира.
„Ова злосторство, кое доаѓа веднаш откако Хамас објави дека го прифаќа предлогот на посредникот за прекин на огнот, ја потврдува намерата на окупаторите да ги нарушат напорите за посредување за прекин на огнот и враќање на затворениците“, се вели во соопштението, повикувајќи ги САД и меѓународната заедница да изврши притисок врз Израел да ја запре ескалацијата.