Забава
Макартни вели дека тој и Ленон останале пријатели до крајот
Сер Џејмс Пол Макартни верува дека луѓето погрешно ја просудуваат неговата улога во распадот на „Битлси“. Тој е свесен дека многу фанови мислат дека членовите на легендарниот бенд меѓусебно се мразеле кога се разделиле, но вели дека таквата перцепција за настаните е погрешна.
Пол во интервју за магазинот „Џи-кју“ рече: „Мислам дека кога ‘Битлси’ се распаднаа, постоеше заблуда дека сите ние сме се мразеле едни со други“.
„Сега сфаќам дека тоа беше семејство, група, а семејствата се караат. Семејствата понекогаш имаат несогласувања. Некој сака да направи едно, а друг сака да направи нешто друго“.
Поранешниот „битлс“ откри дека се свртел кон алкохолот кога бендот, во кој беа и Џон Ленон, Џорџ Харисон и Ринго Стар, се распадна во 1970 година.
78-годишниот музичар објасни: „Немаше многу време да се занимаваме со менталното здравје. Едноставно, или пиеш или спиеш. Тоа беа многу депресивни времиња“.
Макартни склучи култно партнерство за пишување песни со Ленон во времето на најголемата популарност на групата во 60-тите, но признава дека врската помеѓу нив двајца честопати била незгодна, особено откако сопругата на Џон, Јоко Оно, го минира неговиот придонес во легендарната група.
„Се сеќавам дека прочитав напис, интервју со Јоко, која секако беше голем поддржувач на Џон, и во статијата таа вели: Пол не прави ништо. Сè што некогаш направил е да изнајми студио“.
На крајот на интервјуто Пол открива дека со Џон ги испеглале разликите пред неговото убиство во 1980 година и вели дека останале пријатели до крајот. „Среќен сум што е така.“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Софија Вергара фотографирана во деколтиран фустан за време на прошетка
Колумбиската актерка Софија Вергара е позната како една од најубавите жени на светот, а тоа го докажуваат и најновите папарацо-фотографии, на кои актерката е фатена опуштена.
Оваа 52-годишна актерка е фотографирана на улиците на Лос Анџелес во друштво на колешката Полин Давила.
Актерките беа добро расположени по ручекот во Беверли Хилс.
Софија го привлече вниманието во едноставен фустан со леопард-принт, во кој го истакна деколтето, а се комплетира со бела чанта, патики и природна шминка.
Забава
(Видео) Хајди Клум се појави во ризичен фустан на забавата по доделувањето на наградите „Еми“
По доделувањето на наградите „Еми“, се одржа традиционалната забава, на која се собраа многубројни ѕвезди од филмската и забавната индустрија.
View this post on Instagram
Германската манекенка Хајди Клум го привлече вниманието во тесен црн фустан, без ракави, со изрези и светки.
View this post on Instagram
Фустанот ги истакна нејзиното бујно деколте и совршената фигура, а 51-годишната манекенка спремно им позира на насобраните фотографи.
View this post on Instagram
Оваа германска убавица со децении е позната како една од најуспешните манекенки, а љубовта кон манекенството ѝ ја пренесе и на ќерката Лена.
Забава
Ќерката на Синди Крафорд е нејзина слика и прилика: блесна во речиси идентичен фустан
Каја Гербер на филмскиот фестивал во Торонто се појави во фустан сличен на оној што мајка ѝ, легендарната Синди Крафорд, го носеше на „Оскарите“ во 1993 година.
Станува збор за креација на Ерве Леже во бела боја. Изгледот Каја го комплетира со едноставна шминка, накит и високи потпетици.
На овој фестивал премиерно беше прикажан филмот „Школка“, во кој таа имаше улога.
Нејзината стилистка Моли Дикинсон во интервју за „Вог“ изјави дека Каја ѝ испратила неколку идеи за тоа што би сакала да облече на фестивалот, а една од нив е и овој фустан.
„Мислев дека е одлично да го почитувам иконскиот момент на Синди на овој начин“, додаде таа.
Во далечната 1993 година Синди се прошета на црвениот тепих со својот тогашен сопруг Ричард Гир, а Каја на филмскиот фестивал во Торонто се појави без придружба.