Свет
Лукашенко тврди дека бил намерно заразен со Ковид-19
Неколку дена по загадочната објава дека се бори против Ковид-19, без да ја напушти функцијата, белорускиот претседател Александар Лукашенко изјави за украински новинар дека некој намерно го заразил со вирусот, пренесува РТ.
Необичното тврдење се појави во 2,5-часовното интервју што Лукашенко му го даде на популарниот украински новинар Дмитриј Гордон.
„Веруваме дека некој намерно ме заразил со коронавирусот. Сега анализирам кога можело да се случи тоа“, рече Лукашенко и додаде дека засега нема да ги именува јавно неговите сомнежи.
Лукашенко откри дека ги игнорирал молбите на лекарите да се подложат на третман кога биле откриени знаци на коронавирус на неговите прегледи и продолжил со вообичаените активности. Тој тврди дека лекарите го вратиле на нозе за четири дена.
Лукашенко претходно изјави за медиумите дека имал асимптоматски случај на Ковид-19 и успешно закрепнал.
Во истото интервју претседателот драматично рече: „Тие може да ме убијат, но јас никогаш нема да избегам (од Белорусија)“.
Лукашенко во моментот се бори за шестиот мандат како претседател во услови на домашни превирања. Двајца од опозициските фигури што му беа противкандидати во моментот се наоѓаат во затвор, а трет избегал од земјата тврдејќи дека стравува за својата слобода. Белорусија посведочи и на најголемиот антивладин протест во последната деценија пред гласањето закажано за недела.
Долгогодишниот претседател во повеќе наврати тврдеше дека неговите противници спроведуваат план да го соборат на сила со поддршка од странска моќ. Наративот неодамна беше засилен со апсење луѓе за кои белоруските власти тврдат дека се руски платеници, а чија задача била да ја дестабилизираат нацијата пред изборите. Апсењето е едно од неколкуте сериозни точки во односите Москва – Минск во моментот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Грција ќе забрани издавање нови дозволи за краткорочно изнајмување во центарот на Атина
Забраната за издавање нови дозволи за краткорочно изнајмување во три квартови во строгиот центар на Атина ќе остане на сила најмалку една година, објави денеска грчката влада, истовремено зголемувајќи го данокот за изнајмување на такво сместување за одмор.
Како и многу други европски туристички дестинации, Грција се бори да ја балансира профитабилната индустрија управувана од онлајн платформите како што е Airbnb со потребите на локалните жители кои се соочуваат со недостиг на станови.
Недостигот на станови и зголемените трошоци за живот ги натераа властите да објават одлука овој месец за зголемување на даноците за краткорочни изнајмувања, забрана на нови дозволи во центарот на Атина и охрабрување на сопствениците на имот да се префрлат на долгорочни изнајмувања.
Грчката министерка за туризам Олга Кефалојани денеска најави дека забраната за ново краткорочно изнајмување во Атина ќе стапи на сила од 1 јануари 2025 година.
Дневниот данок на краткорочни изнајмувања и помага на земјата да се справи со влијанието на природните катастрофи поврзани со климатските промени. Во периодот од април до октомври ќе се зголеми од 1,5 на 8 евра, изјави министерот за финансии. Во зимските месеци данокот ќе се зголеми од 0,5 на 2 евра.
Министерот Кефалојани рече дека Грција годинава од туризмот очекува приход од 22 милијарди евра, што е уште еден рекорд. Таа во борбата против масовниот туризам најави уште една мерка – такса во висина од 20 евра за посетителите од бродовите за крстарење кои во екот на летната сезона ги посетуваат островите Санторини и Миконос, а ќе стапи на сила следната година.
Европа
(Видео) Хеликоптер ги извлекува пожарникарите од надојдената вода: драматична снимка од Чешка
Чешки „Блеск“ објави драматично видео од четворица доброволци пожарникари од Крнов.
Тие отишле да им помогнат на жителите погодени од поплавите, но и самите заглавиле во поројот.
Takhle vypadala záchrana čtyř dobrovolných hasičů z Krnova, kteří při záchraně osob ze zatopených obydlí divokou vodou potřebovali sami pomoc. Zachraňovali je i @HZS_STC. Pomáhají totiž i mimo hranice Středočeského kraje. S @HasiciPraha se pravidelně střídají ve vrtulníkové… pic.twitter.com/aQf07urx2b
— Petra Pecková (@PPeckova) September 16, 2024
На објавеното видео се гледа како хеликоптер ги извлекува пожарникарите, чие возило е целосно опколено со вода.
Европа
Силен земјотрес во Романија
Околу 17:40 часот земјотрес со јачина од 5,2 степени според Рихтеровата скала ја погоди Романија, јави ЕМСЦ.
Земјотресот се случил на 62 километри северозападно од Бузау и на длабочина од 137 километри под епицентарот во близина на Бузау.
#Earthquake (#cutremur) possibly felt 19 sec ago in #Romania. Felt it? Tell us via:
📱https://t.co/QMSpuj6Z2H
🌐https://t.co/AXvOM7I4Th
🖥https://t.co/wPtMW5ND1t
⚠ Automatic crowdsourced detection, not seismically verified yet. More info soon! pic.twitter.com/7MbYZOb2L7— EMSC (@LastQuake) September 16, 2024
Сеизмичките прелиминарни податоци покажуваат дека земјотресот не требало да предизвика значителна штета, но веројатно многумина го почувствувале како лесна вибрација во подрачјето на епицентарот.