Свет
(Видео) И по оставката на владата, нови протести на улиците на Бејрут
Протестите во Либан поради големата експлозија во Бејрут продолжија и вечерва, иако Владата на Хасан Диаб си даде оставка. Протестите во Либан започнаа само неколку дена по експлозијата, а стотици беа повредени првиот ден, додека еден полицаец беше убиен.
Демонстрантите, кои бараа одговорност од надлежните за експлозијата во пристаништето во Бејрут, се обидоа да ги заземат владините згради, но беа протерани од безбедносните сили. Иако либанската влада денеска поднесе оставка, протестите во Бејрут продолжија.
Nouvelle soirée sous tensions à #Beyrouth, un cocktail Molotov utilisé contre les forces de l’ordre. #Beirut pic.twitter.com/HOMDpWahWN
— Remy Buisine (@RemyBuisine) August 10, 2020
Најмалку 200 луѓе ги загубија животите во катастрофалната експлозија на магацин во пристаништето во Бејрут, а протестите со денови траат во Либан. Демонстрантите окупираа неколку владини министерства и фрлаа камења и други предмети кон безбедносните сили.
Во конфликтот со демонстрантите, полицијата испукала солзавец и гумени куршуми кон демонстантите, а во некои случаи дури и пукале, пренесува Си-ен-ен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кулеба: Повеќе од половина од енергетскиот систем на Украина е оштетен во нападите на руските сили
Повеќе од половина од енергетскиот систем на Украина е оштетен во нападите на руските сили, изјави министерот за надворешни работи на Украина Дмитро Кулеба.
Во интервју за Форин Полиси, тој рече дека Украинците најмногу страдаат од руските ракетни напади и дека руските балистички ракети се „вистинско зло“.
Наведувајќи дека руските сили користат балистички ракети главно за напади врз енергетскиот систем на Украина, Кулеба оцени дека која било друга земја, доколку претрпи таква штета на енергетските капацитети, ќе изгледа многу полошо од Украина.
Свет
Полицијата во САД уби ученик пред училиште во Висконсин по пријава за пукање
Американската полиција убила ученик пред средно училиште во Висконсин, откако добила дојава дека таму има вооружено лице, изјави Џош Кол, обвинител на таа американска држава.
Полицијата на Фејсбук соопшти дека нема повеќе осомничени и дека нема повредени „освен наводниот напаѓач“, пренесува Асошиејтед прес.
Кол одбил да одговори на прашањата на новинарите дали ученикот пукал и се обидел да влезе во училиштето.
Свет
При уривање на автопат во јужна Кина загинаа 36 лица
Бројот на загинати во уривањето на дел од автопатот во јужната кинеска провинција Гуангдонг се искачи на 36, соопштија локалните власти.
Несреќата се случи вчера наутро, а по уривањето на делницата долга 17,9 метри, 23 возила паднале во провалија, јавува агенцијата Синхуа.
Претходно беше соопштено дека загинале 24 лица, а 30 се повредени.