Свет
Од Ковид-19 досега во САД починаа повеќе од 900 здравствени работници
Повеќе од 900 здравствени работници во САД починаа од Ковид-19, според базата на податоци Lost on Frontline, направена од „Гардијан“ и Kaiser Health News.
Преку извештаите, социјалните мрежи, локалните медиуми и синдикатите, тим од повеќе од 50 новинари идентификуваа 922 медицински работници кои починале од Ковид-19. Новинарите ги проверуваа и испитуваа околностите на нивната смрт, дали тие имале заштитна опрема и разговараа со членовите на нивните семејства и колегите на работа.
Првичните податоци покажуваат дека многумина од оние што починале немале пристап до соодветна заштитна опрема и дека најмалку 35 починале кога здравствените инспекции добиле поплаки за безбедност при работа.
Досега се објавени и целосно истражени судбините на 167 здравствени работници.
Повеќето од нив, 63 % (103), не биле белци.
Најмалку 31 процент (52) немале соодветна заштитна опрема.
Возраста на здравствените работници што починале се движела од 20 до 80 години, а 21 лице (12 проценти) биле под 40-годишна возраст.
Една третина од починатите (53) се родени надвор од САД, 25 од нив биле од Филипините. Повеќето од нив починале за време на првиот бран во април. Најмалку 68 живееле во Њујорк и Њу Џерси.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.