Забава
Обожавателите изненадени, Рита Ора се преправа дека е црнкинка
Обожавателите на пејачката Рита Ора биле изненадени кога дознале дека нејзините родители се белци.
Ора е родена во Приштина, а нејзините родители се Албанци. Пред неколку месеци таа за „Вог“ зборуваше за својата етничка припадност и откри дека нејзиното семејство отишло во Англија за да го избегне прогонот.
„Кога почна конфликтот во поранешна Југославија, моите родители донесоа одлука да заминат“, рече таа. „Косово секогаш ќе биде наша татковина и ние секогаш ќе бидеме горди Косовци“.
Но, 29-годишната пејачка беше обвинета на „Твитер“ за „блекфишинг“, термин што се користи за луѓе обвинети дека на социјалните мрежи се преправаат оти се од црна или мешана раса. Ким Кардашјан, Кајли Џенер и Аријана Гранде беа цел на слични обвинувања.
finding out rita ora isn’t black at all and both of her parents are white albanians is so trippy. the girls BEEN blackfishing pic.twitter.com/rGDLUh1obe
— ❂ (@slitmyclitt) August 9, 2020
На социјалните мрежи луѓето ја обвинуваат Ора дека ја присвоила црната култура со својот стил и имиџ.
WAIT SHES NOT EVEN A LIL BIT BLACK??
— currently reading “the FBI war on tupac shakur.”? (@osohstudios) August 9, 2020
Некои посочија дека пејачката претходно објавила фотографии на кои носи афрофризура и плетенки и ја обвинија за културно присвојување.
Ора многу години зборува отворено за своето потекло. Во интервју за Channel Four таа зборуваше за тешкотиите во почнувањето нов живот како бегалец во Велика Британија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Најнесреќните хороскопски знаци во јуни: дали сте меѓу нив?
Јуни може да биде тежок месец за некои знаци. Астрологијата може да биде многу моќна алатка за предвидување потенцијални проблеми. Три знаци овој месец ќе имаат посебни потешкотии да се справат со претстојните ситуации и на љубовен и на финансиски план.
Кои се најнесреќните хороскопски знаци во јуни?
Рак
Овој месец ќе ви биде тежок, бидејќи повторно ќе потонете во носталгија, Рак. Ќе се чувствувате како да не сте доволно ценети, и покрај тоа што се чувствувате како да ја носите тежината на светот на грб. Јасната и мирна комуникација без поплаки и обвинувања ќе ви овозможи решение за личните проблеми, а во време кога ќе ви бидат погодени финансиите. Држете се настрана од ризични инвестиции и бидете многу внимателни во вашите трансакции. Се предвидуваат професионални промени кои на прв поглед ќе имаат негативен ефект. Но, не заборавајте дека промените носат и добри работи.
Лав
Романтичните врски ќе поминат низ криза и ќе почувствувате дека ви треба одмор од партнерот. Притисоците од секојдневието ве трошат, но трпението ќе ви биде добар сојузник во овој случај. Посветете посебно внимание на вашето здравје и не оставајте ги ни најмалите неиспитани. Ставете ги вашите потреби на прво место и обидете се да се насмеете пред тешкотиите бидејќи само така ќе ги надминете.
Вага
Тајните и прикривањата ги тресат вашите врски, Ваги. Лагите од другата страна ќе ве вознемират, но не паѓајте во истата замка постојано и одново. Запомнете дека искреноста е на прво место. Мирната комуникација е најдоброто решение. Изразете го она што го чувствувате и внимателно слушајте што другите имаат да кажат. Познати сте по љубовта кон рамнотежа и смиреност и знаете како да ги заработите.
Забава
Џеј Ло и Афлек фотографирани заедно на натпревар, се бакнаа во образ пред папараците
Џенифер Лопез и Бен Афлек беа на кошаркарскиот натпревар на Семјуел, 12-годишниот син кој актерот го доби во бракот со Џенифер Гарнер.
Џеј Ло и Бен се сретнаа на влезот од салата во Санта Моника, Калифорнија. Актерот се смешкал, а кога се сретнале се бакнале во образ. На многу обожаватели ова им е чудно бидејќи претходно папараците често го снимаа парот како јавно разменува нежности.
Исто така, тие не се држеа за раце како обично. И покрај очигледните заладени односи меѓу нив, Бен сепак беше кавалер, па по натпреварот Џеј Ло ја отвори вратата од автомобилот, а потоа заедно тргнаа.
На спортскиот настан беше присутна и поранешната сопруга на Афлек, Џенифер Гарнер.
Забава
(Видео) Доаѓа серија базирана на една од најпопуларните игри на денешницата
Не само што доаѓа филм за Minecraft следната година, туку сега е објавено дека се планира и анимирана серија базирана на видео играта.
Minecraft беше објавен пред 15 години, а стриминг сервисот реши да направи анимирана серија која ќе биде адаптација на оваа ултра популарна игра.
„Ова ќе биде оригинална приказна со нови ликови и ќе го прикаже светот на Minecraft во ново светло“, соопшти Нетфликс.
Не се објавени повеќе детали, а познато е и дека за продукцијата е задолжено студиото WildBrain кое стои зад адаптациите како Sonic Prima и Ninjago.
Нема ни точен датум кога анимираната серија на Minecraft би можела да ја види светлината на денот, но Нетфликс напиша дека „доаѓа наскоро“.