Во текот на 26 и 27 јануари 2026 година, во Скопје се пријавени повеќе случаи поврзани со семејно и родово базирано насилство, информира Министерството за внатрешни работи.

На 27 јануари, околу 00:30 часот, 40-годишна жена пријавила дека претходната вечер околу 20:00 часот, на подрачјето на Гази Баба, била физички нападната од нејзиниот партнер Д.П. во неговиот дом. Полицијата презема мерки за расчистување на случајот.

Истовремено, по претходна пријава на 34-годишна жена, полициски службеници од СВР Скопје го привеле 32-годишниот Р.Ќ. од Скопје, кој, според пријавата, на 23 јануари ѝ упатувал закани дека ќе објави компромитирачки видео запис од неа. Се работи за поранешен партнер. Приведувањето било извршено на 26 јануари во 11:30 часот во Полициската станица Кисела Вода, а по целосно документирање на случајот ќе следува соодветен поднесок.

Во друг случај, на 26 јануари околу 16:00 часот, службени лица од СВР Скопје извршиле разговор со 49-годишниот В.Т. од Скопје, откако неговата 42-годишна сопруга пријавила дека тој ја нападнал и ѝ го одзел мобилниот телефон на 24 јануари во нивниот дом на подрачјето на Центар. И за овој случај е најавен соодветен поднесок по документирањето.

Дополнително, истиот ден во 11:40 часот, на подрачјето на Бит Пазар бил приведен 77-годишниот А.С. од скопско, по пријава на 51-годишна жена дека ја допирал по телото. По преземените дејствија, и за овој случај ќе следува поднесок до надлежните органи.

Полицијата го приведе 30-годишниот К.К. од Турција, кој се сомничи дека измамил друг турски државјанин за сума од 6.650 евра.

Апсењето било извршено на 26 јануари 2026 година, околу 13:40 часот, на кејот „Димитар Влахов“ во Скопје.

Според пријавата, осомничениот во октомври 2025 година стапил во контакт со оштетениот преку социјална мрежа и му ветил дека ќе посредува за добивање документи за работа и престој во државата. Во неколку наврати, преку трансакциска сметка, оштетениот му исплатил вкупно 6.650 евра. По тоа, осомничениот престанал да комуницира со него, по што случајот бил пријавен во полиција.

Се преземаат мерки за целосно расчистување на случајот.

Две патнички возила oд марката „ауди“ се опожарени во текот на ноќта во одделни инциденти на различни локации во Скопје, информира Министерството за внатрешни работи.

Првиот случај бил пријавен на синоќа, околу 02:00 часот по полноќ, кога на паркинг на улицата „Христо Татарчев“ било опожарено возило марка „Ауди“ со скопски регистарски таблички, сопственост на 20-годишниот Г.Ч. од Скопје. Пожарот го изгаснала екипа на Бригадата за противпожарна заштита Скопје, а повредени лица нема.

Кусо подоцна, во 03:30 часот, бил пријавен уште еден пожар на паркинг на улицата „Лазар Димитров“, каде било опожарено патничко возило „Ауди А4“, исто така со скопски регистарски ознаки, сопственост на 61-годишната Р.Л.Г. од Скопје. И во овој случај, интервенирала противпожарната служба, а нема пријавени повредени.

Во двата случаи, увид извршила екипа од СВР Скопје, а околностите се испитуваат.