Црна хроника
Тетовец со нож се заканувал во дуќан каде како продавачка работела неговата поранешна сопруга
Полицијата поднесе кривична пријава против 28-годишен селанец од тетовскиот регион, поради сомнение дека сторил кривични дела „загрозување со опасно орудие при тепачка или караница“ и „загрозување на сигурноста“.
Како што информираат од МВР, на 13 јули во продажен објект во селото, дошол 28-годишникот, кој почнал да ја навредува неговата поранешна сопруга, која работела во објектот и растурил прехранбени продукти во продавницата.
Тогаш дошол сопственикот на продавницата, заедно со негов 59-годишен познаник и започнале расправија со насилникот. Притоа, пријавениот извадил нож и се упатил кон еден од нив со намера да го повреди, но не успеал во намерата, по што го напуштил местото на настанот.
Покрај ова, на 17 јули, 28-годишникот и телефонски му се заканувал на сопственикот на продавницата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Деца ограбиле деца со нож во Скопје, МВР ги фати
Полицијата вчера приведе четворица малолетници од Скопје.
Тие се сомничат дека околу 22.00 часот на подрачјето на Центар со закана со остар предмет од двајца други малолетници одзеле пари.
Со малолетниците бил извршен службен разговор, а парите биле пронајдени и ќе бидат вратени на сопствениците.
По целосно документирање на случајот, против нив ќе биде поднесена соодветна пријава.
Топ
Тешка сообраќајна несреќа кај Влае – има повредени, едното возило преполовено
Тешка сообраќајна несреќа се случи утрово на булеварот Партизански одреди во скопската населба Влае.
Во несреќата учествуваа две возила, од кои едното е преполовено од силата на ударот.
Според информациите од МВР, со возилата управувале 32-годишна скопјанка и 27-годишник, и двајцата од Скопје.
Во несреќата со тешки телесни повреди се здобила жената, констатирани во Комплекс клиники „Мајка Тереза“. Додека другиот возач и неговиот сопатник се здобиле со телесни повреди.
За настанот бил известен јавен обвинител, а увид извршила увидна екипа од СВР Скопје.
Црна хроника
Mлад скопјанец натепан во автобус во Карпош од две двојно постари лица
Синоќа во градски автобус на подрачјето на Карпош, Н.Ј.(23) од Скопје бил физички нападнат од Ј.И.(58) и 50 – годишната Л.И., двајцата од Скопје.
Се преземаат мерки за расчистување на случајот, објави МВР во дневниот билтен.