Забава
Анџелина Џоли сака да се пресели во Велика Британија со децата
Aнџелина Џoли планира да се пресели заедно со своите шест деца во Лондон, каде што некогаш живеела со поранешниот сопруг Бред Пит.
Британските таблоиди цитираат извор близок до актерката и хуманитарка (45), кој тврди дека таа сака да го почне животот одново во Ричмонд, богато предградие во југозападен Лондон, каде што живеела со Пит (56) додека снимала во Англија во 2011 година.
Џоли и Пит, некогашната златна двојка на Холивуд, се правно разведени, но сè уште се занимаваат со некои од условите на формалната разделба, што вклучува финансии и старателство над децата. Таа битка трае речиси четири години.
„Џоли беше многу отворена во врска со желбата да живее во странство со децата, но таа и Пит остануваат заплеткани во предолгиот развод. Таа верува дека Ричмонд е совршено опркужување за децата, од културна гледна точка, и едукативно“, изјави еден инсајдер за „Мирор“.
Пред да заврши 12-годишната врска на Џоли и Пит во 2016 година, во која се вклучени и две години брак, тие ги расшетуваа децата низ светот за да бидат со нив додека снимаат филмови и за да им обезбедат разновидно, глобално воспитување.
„Уживам да не сум во свој елемент. Сакам децата да растат во светот, не само да учат за него, туку да го живеат, да имаат пријатели насекаде“, рече Џоли во една пригода.
Џоли и Пит беа во врска повеќе од една деценија. Тие се зближија за време на снимањето на филмот Mr. & Mrs. Smith. Својата љубов ја крунисаа со венчавка во Франција на 23 август 2014 година.
Заедно имаат три биолошки и три посвоени деца: Шилох (14), близнаците Вивиен и Нокс (12), Медокс (19), Пакс (16) и Захара (15).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.
Забава
Мишел Фајфер се појави на црвениот тепих, обожавателите се восхитени од нејзината убавина
Актерката Мишел Фајфер не се појавува често во јавноста, но сега позираше со сопругот Дејвид Е.Кели на црвениот тепих на Американскиот филмски институт во Лос Анџелес. Обожавателите се восхитуваат на нејзиниот изглед во 67-та година и пишуваат дека изгледа како да не старее.
Иконската жена-мачка често зборува за тоа како го прифатила стареењето и се фотографира без шминка. Иако изгледа како да го должи својот фантастичен изглед на посебни скриени трикови, таа тврди дека работата е многу едноставна.
Таа претходно за Daily Mail откри дека доволно спие, вежба и се храни здраво.