Свет
Швајцарците треба да одат на часови за интеграција со странците

Швајцарците треба да одат на часови за интеграција со странците за да се навикнат да станат малцинство во сопствената земја, тврди социолог. Ганга Џеј Аратам, кој имигрирал од Шри Ланка во Швајцарија пред 25 години, изјави во интервју за „Тагес Анзајгер“ дека масовната миграција во Швајцарија е еднонасочна улица по која нема враќање назад.
Според Аратам, Швајцарците треба да се откажат од историските обичаи и традиции во земјата – бидејќи домородното население е заменето – и да ја признаат хиперразличноста како национална култура тврдејќи дека швајцарската култура не е изгубена, туку се развива.
На прашањето дали сфаќа дека таквата транзиција може да биде неподнослива за наивните Швајцарци, Аратам одговори:
„Затоа мислам дека треба да има курсеви за интеграција за локалното население. Веќе имаме курсеви за интеграција за мигрантите. Тоа е добра работа. Ваквите курсеви се неопходни и за локалното население затоа што тие полека стануваат малцинство. Во интерес на Швајцарците е да се запознаат со мигрантите“.
Тој тврди дека ако месното население не се приспособи, тие ќе станат губитници во сопствената земја. Илустрирајќи ги ваквите губитници, Аратам посочи на примерот на стари лица кои би можеле да се борат со странците и да станат „фрустрирани кога ќе бидат сместени во дом за стари во кој 90 отсто од персоналот доаѓа од странство“.
Прашан дали масовната миграција може барем да се забави, научникот од Универзитетот во Базел посочи дека кога ќе се отвори вратата за премин на населението од третиот свет, таа не може да се затвори.
„Кога ќе се постигне разновидност, процесот нема да престане“, рече тој истакнувајќи дека обединувањето на семејството и другите политики поврзани со човековите права значи дека миграцијата од глобалниот југ ќе продолжи да расте, без оглед на тоа какви национални закони се обидува да донесе владата.
Покрај тоа, Аратам истакна дека мигрантките во просек имаат повеќе деца отколку Швајцарките.
„Тагес Анзајгер“ посочува дека околу 90 отсто од азилантите добиваат социјална помош и дека повеќето од Еритрејците во Швајцарија не работат дури и по години престој, но Аратам тврди дека се потребни повеќе напори и дека тука има значителен неискористен потенцијал.
Податоците собрани и објавени од Федералниот завод за статистика и Државниот секретаријат за миграција откриваат дека 83,7 проценти од Сомалијците во Швајцарија се потпираат на државната помош наспроти 2,3 отсти од Швајцарците и само 0,6 отсто од јапонските државјани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Путин до Западот: Купија билет и не патуваа, само за да се налутат на кондуктерот: рускиот енергетски систем работи беспрекорно

Рускиот претседател Владимир Путин изјави дека одбивањето на европските земји да се потпираат на руските енергетски ресурси сериозно ја поткопа конкурентноста на нивните економии и доведе до пад на индустриското производство и пораст на цените низ целиот континент.
Зборувајќи на пленарната сесија на Руската недела на енергија во Москва, Путин истакна дека постапките на западните политички елити „ја уништија глобалната енергетска инфраструктура“, нагласувајќи дека политичкиот притисок довел до ирационални одлуки во ЕУ, според западните медиуми.
„Многу европски земји, под политички притисок, одбија да купуваат руски енергетски производи. Веќе неколку пати предупредив за последиците – не за Русија, туку за самите тие земји. Гледаме пад на индустриската активност и пораст на цените поради поскапата нафта и гас од странство“, рече Путин.
Тој додаде дека, по забраната за соработка со Русија, западните компании почнаа да ја губат својата технолошка предност и да го намалуваат производството, додека руските експерти станаа „технолошки лидери“ на пазарот.
„Што направија? Купија билет и не патуваа – само за да се налутат на кондуктерот. Каква глупост.
Нашиот енергетски систем е еден од најголемите во светот. Овој огромен комплекс работи сигурно и ефикасно“, заклучи претседателот на Русија.
Свет
Кремљ: Путин го предупреди Трамп за време на разговорот

Во денешниот телефонски разговор, рускиот претседател Владимир Путин го предупреди американскиот претседател Доналд Трамп дека испраќањето крстосувачки ракети „Томахавк“ во Украина ќе го загрози мировниот процес и ќе им наштети на односите меѓу САД и Русија. Веста беше потврдена од Кремљ во официјално соопштение, пренесуваат медиумите во регионот.
Според Кремљ, Путин изразил загриженост поради можноста напредното американско оружје во рацете на украинските сили да доведе до понатамошна ескалација на конфликтот. Предупредувањето јасно посочи дека таков потег од страна на Вашингтон би имал директни негативни последици врз билатералните односи на двете сили.
Советникот на Путин, Јуриј Ушаков, им изјави на новинарите дека Путин во разговорот нагласил дека руските сили во моментов имаат „целосна стратешка иницијатива“ по целата линија на фронтот во Украина.
Ушаков додаде дека денешниот повик, кој траел речиси два и пол часа, бил инициран од руска страна. Тој, исто така, објави дека на планираниот нов самит меѓу двајцата претседатели ќе му претходи разговор меѓу државниот секретар на САД, Марко Рубио, и рускиот министер за надворешни работи, Сергеј Лавров, кој се очекува да се одржи во наредните денови, пренесува index.hr.
Фото: принтскрин
Свет
Орбан по разговорите Трамп-Путин: Голема вест за мирољубивите луѓе, подготвени сме

Американскиот претседател Доналд Трамп објави дека наскоро повторно ќе се сретне со рускиот претседател Владимир Путин, а овој пат средбата ќе се одржи во Будимпешта. Двајцата лидери се согласија за нов самит за време на телефонски разговор.
Унгарија е подготвена да биде домаќин на самитот Русија-САД, изјави унгарскиот премиер Виктор Орбан.
„Планираната средба меѓу американскиот и рускиот претседател е голема вест за мирољубивите луѓе низ целиот свет. Подготвени сме!“ напиша тој на X.
Трамп и Путин последен пат се сретнаа пред два месеци во Алјаска, но таа средба не донесе конкретен напредок кон мирот во Украина, по што следеше период на дипломатско затишје меѓу Вашингтон и Москва, анализираат медиумите.
Денешниот телефонски повик не беше објавен со денови, за разлика од некои претходни, а аналитичарите истакнуваат дека времето на неговото случување е исклучително значајно. Имено, Трамп утре треба да се сретне со украинскиот претседател Володимир Зеленски.
Клучната тема на нивниот разговор ќе биде можното испраќање американски ракети со долг дострел „Томахавк“ во Украина, што би претставувало значително зголемување на воената помош за земјата.
Фото: принтскрин