Свет
Новиот норвешки сателит за надзор ќе открива „невидливи“ бродови
Норвешка тесно соработува со САД за развој на сателити за поморски мониторинг. Новите сателити треба да можат да детектираат бродови кои активно се обидуваат да избегнат да бидат забележани, пренесува норвешкиот национален радиодифузер НРК.
Норвешкиот сателит за надзор Норсат-3, кој есенва ќе биде лансиран од Француска Гвајана во Јужна Америка, ќе обезбеди клучна поддршка на крајбрежната стража и на управувањето со кризи.
Уникатна карактеристика на Норсат-3 е тоа што тој, за разлика од неговите претходници, не зависи од приемот на сигналите АИС од бродовите за нивно откривање туку се потпира на радарско откривање.
АИС е систем за автоматско следење што користи примопредаватели на бродовите и се користи од услугите за сообраќај на пловни објекти (ВТС). АИС обезбедува информации за идентитетот, положбата и курсот на бродовите, но може да биде исклучен или намерно наместен да покажува погрешни податоци.
Затоа, се вели дека „Норсат-3“ може да открие бродови кои активно се обидуваат да избегнат да бидат откриени, со што се обезбедуваат подобрени можности за надзор за следење на бродскиот сообраќај во територијалните води на Норвешка.
„Секој вид инструмент придонесува со малку поинакви слики така што колку повеќе технологии имаме, толку поцелосна ќе биде сликата“, изјави за НРК, Ричард Олсен, раководител на истражување во Норвешкиот институт за истражување на одбраната (ФФИ), опишувајќи го сателитот како релативно евтина помош за дневните операции на вооружените сили.
За да се заштитат од прислушување преносите меѓу сателитите и станицата за прием во Вардо, Северна Норвешка, тие ќе бидат шифрирани. Во Норвешка моментално има четири АИС сателити и сите испраќаат податоци до оперативниот штаб на вооружените сили во Бодо 15 пати на ден. Портпаролот на вооружените сили, Ивар Моен, посочи дека тие се многу важни.
Норвешка веќе работи на наследникот на сателитот, Норсат-4, кој се очекува да биде лансиран за две години. Новиот сателит го развиваат ФФИ и Норвешкиот вселенски центар во тесна соработка со американската војска.
Норсат-4 ќе користи специјално развиена напредна камера која ќе може да фотографира бродови на растојание до 600 километри, дури и за време на мрачниот период од годината на далечниот север.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Товарен авион се урна во близина на аеродромот во Вилнус: едно лице загина, неколку се повредени
Рано утринава товарен авион се урна во близина на аеродромот во Вилнус, во областа Липкалнис, јавија литванските медиуми. Според официјалните информации, пилотот – кој се освестил – бил извлечен од урнатините и предаден на медицинскиот персонал.
Претставник на Одделот за противпожарна заштита и спасување за ЛРТ Радио изјави дека најмалку едно лице загинало, а неколку се повредени.
Според првичните информации, товарниот авион летал од Лајпциг, а се вели дека паднал врз куќата. Ова за ЛРТ Радио го потврдија претставници на аеродромот. Спасувачките служби се на местото на настанот. Претставникот на аеродромот Мариус Зелениус за ЛРТ Радио изјави дека на местото на несреќата работат голем број спасувачки екипи. Според него, авионот од Лајпциг се урнал околу 5:30 часот по литванско време во Липкалнис.
🚨 #BREAKING . DHL cargo plane crashes near Vilnius airport (Lithuania)
Preliminary reports indicate it crashed near a residential building.
via . Reuters
video . DELFI pic.twitter.com/95UXKAH6BK— United Alerts (@unitedalerts) November 25, 2024
Според прелиминарните податоци на Одделот за противпожарна заштита и спасување, во 5 часот и 28 минути е добиена информација дека товарен авион паднал врз куќа. Пилотот бил извлечен од авионот откако се освестил, но нема информации за останатите луѓе во куќата. „Двокатницата гори во отворен пламен“, изјави претставник на Одделот за противпожарна заштита и спасување за ЛРТ Радио.
Одделот за противпожарна заштита и спасување извести и дека едно лице загинало, а едно е повредено.
„Двајца се пренесени со брза помош во болница, додека едно лице е констатирано починато. Според првичните податоци, тоа се лицата кои се наоѓале во авионот“, изјави Саулиус Рашевскис, претставник на Одделот за координација на состојбите на Одделот за противпожарна заштита и спасување.
Европа
Русија соопшти дека соборила седум украински проектили над Курск
Седум украински проектили и седум беспилотни летала се уништени во текот на ноќта над областа Курск, изјави гувернерот на руската област која граничи со Украина.
„Нашите ловци за противвоздушна одбрана синоќа одбија напад на украинските вооружени сили“, напиша регионалниот гувернер на Курск Алексеј Смирнов на својот канал на Телеграм.
Тој не соопшти повеќе детали.
Руското Министерство за одбрана во утринскиот извештај објави дека се уништени вкупно 23 украински беспилотни летала над руска територија. Министерството во своето соопштение не спомна проектили.
Прорускиот воен аналитичар Роман Аљохин на Телеграм изјави дека Курск во текот на ноќта бил подложен на масовен напад од ракети од странско производство.
„Беше многу гласно и имаше многу (проектили)“, рече тој.
Ројтерс не можеше независно да ги потврди извештаите. Се наведува и дека не е јасно какво оружје користела Украина и дека нема моментален коментар од Украина.
Европа
Путин и Ердоган разговараа
Рускиот претседател Владимир Путин телефонски разговарал со турскиот колега Реџеп Таип Ердоган и дискутираше за прашања од билатералната агенда, објавено е на официјалната веб-страница на Кремљ.
„Во продолжение на разговорите во Казан на 23 октомври, детално се расправаше за актуелните прашања од билатералната агенда со акцент на зголемување на ефикасноста на трговско-економската соработка“, се наведува во соопштението.
Се додава дека во врска со ова ќе следат контакти на ниво на надлежни ресорски органи.
(Видео) Товарен авион се урна во близина на аеродромот во Вилнус: едно лице загина, неколку се повредени
Рано утринава товарен авион се урна во близина на аеродромот во Вилнус, во областа Липкалнис, јавија литванските медиуми. Според официјалните...
Поранешен украински министер за надворешни работи: Војната нема да заврши кога Трамп ќе ја преземе власта
Поранешниот украински министер за надворешни работи Дмитро Кулеба изјави дека не очекува брз крај на војната меѓу Украина и Русија...
(Видео) Се запали руски патнички авион веднаш по слетувањето во Турција
Моторот на патнички авион од руско производство се запалил по слетувањето на аеродромот во Анталија во јужна Турција во неделата,...
Фани Каранфилова-Пановска е новата заменичка-претседателка на СДСМ, следната недела ќе бидат избрани и останатите раководни тела
По завршување на 30. Конгрес на СДСМ, претседателот на партијата, Венко Филипче информираше за донесените одлуки, констатирајќи дека имало одлична...
Oбјавени имињата на членовите на новиот состав на Централниот одбор на СДСМ
На 30. Конгрес којшто се одржа денеска беше избран и новиот состав на Централниот одбор на СДСМ. „Новиот Централен одбор...
(Видео) Филипче: Ароганцијата ќе ја закопаме длабоко под земја
Новиот Централен одбор на СДСМ е сочинет од поединци кои се почитувани во својата заедница, кои знаат да го почитуваат...
На 53-годишна возраст почина поранешниот градоначалник на Крива Паланка, Мицевски
Почина поранешниот градоначалник на општина Крива Паланка, Борјанчо Мицевски. Тој имаше 53 години и беше градоначалник од 2017 до 2021...
Со банките е договорена каматна стапка од 1,95 проценти за унгарскиот кредит, најави Мицкоски
„Од неколку од банките веќе имаме потврда и очекувам најголем дел од нив да застанат зад проектот и конечно 250-те...
Трагедија на забава, еден загинат откако рачна бомба експлодирала во раката на 25-годишно момче во Хрватска
Забава во подрум во Книн во Хрватска завршила со експлозија на рачна граната. Загина 25-годишен маж, а тешко се повредени...
Романците денес на избори, се зголемуваат шансите за победа на обожавателот на Трамп и противник на Украина
Романците гласаат во првиот круг од претседателските избори денес, а загриженоста за зголемените трошоци за живот му дава можност за...
Механичар пукал кон муштерија по расправија околу поправка на автомобил во Гостивар
Вербална расправија околу поправка на автомобил заврши со пукање во Гостивар. Механичар во текот на вчерашниот ден, со пиштол кој го...
Пукање во Арачиново од возило во движење, повредено едно лице
Попладнево дошло до престрелка во селото Арачиново, Скопско, пришто повредено е едно лице. Според информациите од МВР, околу во 14.50...
„Влен“: ДУИ како во холивудско сценарио оркестрирала сензационално враќање на Груевски
Јавноста деновиве дозна шокантни детали за тоа како ДУИ, како во холивудско филмско сценарио го оркестрирала сензационалното враќање на поранешниот...
(Видео) Ветрот направи повеќе штети во Битола: Откорнати се покриви од згради, куќи, паднаа и бандери
Делови од Македонија во последното деноноќие беа зафатени со невреме проследено со силен ветер, што причини штети во неколку региони...
СДСМ: МВР итно да постапи, запален е автомобилот на претседателот на Општинската организација Кривогаштани
СДСМ објави дека најостро го осудува вандалскиот чин и палењето на возилото на претседателот на Општинската организација Кривогаштани, Антонио Симоноски....
Трамп објави повеќе номинации за челните позиции во неговата идна администрација
Новоизбраниот претседател на Соединетите Американски Држави, Доналд Трамп, најави нова серија назначувања во неговата претстојна администрација. Поранешниот финансиски менаџер на...
Зеленски: Украина работи на развој на нови видови воздушна одбрана
Украинскиот претседател Володимир Зеленски денеска изјави дека Украина работи на развој на нови видови воздушна одбрана за да се спротивстави...
Мелони: Налогот за апсење на Нетанјаху ќе биде тема на Г7, Израел и терористите не се исто
Италија планира да го разгледа налогот на Меѓународниот кривичен суд (МКС) за апсење на израелскиот премиер Бенјамин Нетанјаху на претстојниот...
Путин: Не постои средство за пресретнување на ракетата „Орешник“
Рускиот претседател Владимир Путин денеска изјави дека ракетниот систем „Орешник“ не е средство за масовно уништување, туку високо прецизно оружје...
Сиљановска-Давкова ја прими Шекеринска: Единството меѓу носителите на највисоките функции е клучот за успехот на државата
Претседателката Гордана Сиљановска Давкова денеска ја прими Радмила Шекеринска за да ѝ го честита изборот на функцијата заменик-генерална секретарка на...
