Свет
Укажувач тврди: Шефовите на ДХС цензурираа разузнавачки податоци за Русија и белите супремацисти
Високи функционери на американската Агенција за внатрешна безбедност (ДХС) се обвинети за обид за цензурирање или запирање на работата поврзана со закани од активности на руско влијание и на белите супремацисти, се вели во новиот извештај на укажувач поднесен од поранешен висок службеник од агенцијата, пренесува „Њујорк пост“.
Извештајот, објавен вчера од Комитетот за разузнавање на Претставничкиот дом, бил поднесен во вторникот од Брајан Марфи, поранешен шеф на разузнавачката гранка во Агенцијата за внатрешна безбедност.
Во него, Марфи обвинува повеќе сегашни и поранешни шефови на агенцијата – вклучително и поранешниот секретар за внатрешна безбедност Кирстјен Нилсен, вршителот на должноста секретар Чад Вулф и Кен Кучинели, вториот клучен човек во агенцијата – за злоупотреби на нивните позиции.
Откако ја објави жалбата на 24 страници, претседателот на Комитетот за разузнавање на Претставничкиот дом, Адам Шиф, објави дека неговиот панел ќе го повика Марфи да сведочи подоцна овој месец. Во изјавата, Шиф се осврна на наводите:
„Обвинувањата од Марфи се сериозни – од високи функционери кои ги потиснувале разузнавачките извештаи за мешањето во изборите од страна на Русија и давање лажни изјави пред Конгресот за закани со тероризам на нашата јужна граница, до модифицирање на разузнавачките проценки за да одговараат на реториката на претседателот за Антифа и минимизирање на заканата од белите супремацисти.
„Побаравме Марфи да сведочи пред Комитетот, со налог за појавување ако е потребно, заедно со другите веќе закажани интервјуа со други службеници на ДХС”, се вели во соопштението.
Марфи вели дека бил отстранет од својата позиција во август како одмазда откако неговата канцеларија објави извештај за демонстрантите во Портланд, Орегон. Тој во жалбата побара од генералниот инспектор на Агенцијата да го испита неговото отстранување од работа, велејќи дека му се одмаздуваат затоа што ги предизвикал оние над него .
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Небензја: Русија е категорично против резолуцијата за Сребреница
Рускиот амбасадор во Обединетите нации Василиј Небензја изјави дека Русија е категорично против резолуцијата за Сребреница во Генералното собрание на ОН и додаде дека секоја страна и должи на другата и Сребреница не е единствената темна страна на таа војна.
Тој посочи дека промовирањето на нацрт-резолуцијата на Генералното собрание на ОН за геноцидот во Сребреница го прекршува Дејтонскиот договор.
„Тој нацрт е едностран и политички мотивиран“, рече тој.
Свет
Шојгу нареди да се обезбеди повеќе оружје за војната во Украина
Министерот за одбрана на Русија, Сергеј Шојгу нареди што поскоро да се обезбеди поголемо количество оружје за воената операција во Украина.
„За да се задржи темпото на офанзивата и да се зголеми составот на воените групи, неопходно е да се зголеми обемот и квалитетот на испорачаното оружје“, рече Шојгу, соопшти руското Министерство за одбрана.
Како што е соопштено, за време на состанокот, рускиот министер за одбрана истакнал дека групите војници продолжуваат да ги извршуваат задачите на оперативните линии во согласност со планот за специјална воена операција и укажал на потребата од дополнително зголемување на набавката на оружје, воена опрема и оружје, пренесува РИА Новости.
Свет
(Видео) Се урна дел од автопат во Кина: возила паднаа во провалија, десетици мртви
Се урна автопат во провинцијата Гуангдонг во јужна Кина.
Дел од автопатот се урна рано наутро во јужна Кина, при што загинаа најмалку 19 лица, соопштија локалните власти.
Осумнаесет автомобили паднаа по падина откако се урна дел од автопатот, соопштија властите во градот Меиџоу во провинцијата Гуангдонг. Инцидентот се случил околу 02:00 часот. Очевидци за локалните медиуми изјавиле дека слушнале силна бучава и виделе дупка отворена неколку метри зад нив, откако оделе дел од патот непосредно пред да се урне.
May 1: a section of the Meilong Expressway (梅龙高速公路) in Guangdong province collapsed at around 2:10am, and 18 vehicles fell into the sinkhole.
31 people were rescued and sent to the hospital. One of them died afterwards…https://t.co/X6QY2zwKdshttps://t.co/cKcJF8YwLB pic.twitter.com/8cUgXonCGR
— Byron Wan (@Byron_Wan) May 1, 2024
Видеото и фотографиите во локалните медиуми покажуваат чад и оган на местото на настанот. Спасувачите превезоа 30 лица во болница, објави државната телевизија CCTV.