Свет
Американски сенатори предлагаат санкции против руски официјални лица поради Навални
Двопартиска група американски сенатори предложи санкции против руски официјални лица во врска со ситуацијата со Алексеј Навални, се вели во соопштението на веб-страницата на сенатор Крис Кунс од Демократската партија, пренесува ТАСС.
„Американските сенатори Крис Кунс, Марко Рубио, Бен Кардин, Мит Ромни и Крис ван Холен го претставија двопартискиот предлог-закон Russia Accountable for Malign Activities Act of 2020, кој предвидува санкции за руски официјални лица соучесници во дрските прекршувања на меѓународните закони, вклучувајќи го неодамнешното труење на опозицискиот лидер и активист против корупција, Алексеј Навални.
Законот налага администрацијата за утврди дали Кремљ ги прекршил законите на САД кои забрануваат употреба на хемиско и биолошко оружје“, се вели во писмото.
„Бидејќи Русија продолжува да се меша во нашите избори и да презема други штетни активности во земји како Белорусија, Украина и Сирија, што го прави светот поопасен, овој двопартиски предлог-закон се обидува да ги повика на одговорност Путин и неговиот потесен круг“, рече сенаторот Кунс за нацртот-законот.
Рускиот опозициски блогер Алексеј Навални беше хоспитализиран во Омск на 20 август, откако неговото здравје се влоши на летот од Томск кон Москва. По хоспитализацијата, Навални бил во кома, а потоа бил приклучен на вентилатор.
На 22 август бил пренесен на клиниката „Шарите“ во Берлин, а на 2 септември германската влада посочи дека тестовите кај Навални откриле траги од неидентификувана отровна супстанција од групата на новичок.
Портпаролот на Кремљ, Дмитриј Песков, претходно изјави дека Москва е подготвена за сеопфатна соработка со Берлин. Тој истакна дека не се откриени отровни супстанции пред трансферот на Навални во Германија. Според портпаролот на руското Министерство за надворешни работи, Марија Захарова, Русија не добила ниту еден значаен одговор за Навални од Германија.
На 7 септември, лекарите од Берлин објавија дека Навални излегол од кома и е исклучен од вентилатор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Вашингтон одложил неколку испораки на оружје за Израел
Администрацијата на американскиот претседател Џозеф Бајден одложи неколку испораки на оружје за Израел во изминатите две недели, изјави неименуван извор за Политико.
Изворот близок до администрацијата тврди дека Вашингтон на тој начин сака да испрати политичка порака до Тел Авив.
Белата куќа, се вели, не може да поддржи израелска офанзива врз градот Рафах во јужниот дел на Појасот Газа без соодветен и веродостоен хуманитарен план.
Одложените пратки вклучуваат опрема за наведувани бомби направени од Боинг, дизајнирани да бидат попрецизни.
Свет
(Видео) На аеродромите во Велика Британија илјадници патници блокирани: Проблемот е на „национално ниво“
Аеродромите низ Велика Британија се во хаос откако сите порти беа затворени поради компјутерска грешка во граничните служби, пишува Дејли мејл.
Сликите на социјалните мрежи покажуваат огромни редици пред портите додека илјадници луѓе чекаат да им ги проверат пасошите.
At Heathrow Airport and no one is allowed to get through passport security. The queue is way longer than this. Apparently the issue is a system outage. pic.twitter.com/QdGhlLezZS
— Roshane Thomas (@RoshaneSport) May 7, 2024
Се шират гласини дека Хитроу не е единствениот аеродром погоден од наводната грешка, туку и Манчестер и Гетвик.
Big issues at Heathrow Passport Control with every single E-Gate not working. This is T3 pic.twitter.com/EkzcYGRckP
— Sam Morter (@SamuelMorter) May 7, 2024
Персоналот на Хитроу, наводно, им рекол на патниците во редици дека тоа е национален проблем.
Fun at Heathrow T5. Computers down at border control. Massive queue. Staff trying their best to keep people informed and some very entitled people here! #heathrow #bordercontrol #T5 pic.twitter.com/kKk2SdUtT4
— Nikki Woodruff 💙 (@ManicPeanut) May 7, 2024
Една патничка за „Дејли мејл“ изјавила дека чекала ред цел час, а персоналот на аеродромот почнал да дели вода.
Таа додаде дека на луѓето им било кажано дека аеродромот работи на алтернатива за проверка на документите на патниците.
Регион
Кси слета во Србија: Претседателот на Кина пречекан од Вучиќ и државниот врв
Заедно со претседателот на Србија Александар Вучиќ и првата дама, кинескиот претседател Кси Џинпинг беше пречекан на црвениот тепих од српската делегација составена од премиерот Милош Вучевиќ, претседателката на Собранието Ана Брнабиќ, министерот за надворешни работи Марко Ѓуриќ, српската амбасадорка во Кина Маја Стефановиќ и кинескиот амбасадор во Белград Ли Минг со сопругата.
Свечениот пречек на кинеската делегација која брои 400 лица е закажан за в среда пред палатата „Србија“.
Домаќин на претседателот Кси Џинпинг ќе биде српскиот претседател Александар Вучиќ, а двајцата лидери ќе разговараат за широк спектар на теми – од политички, економски и технолошки до соработка во областа на културата.
За време на дводневната посета на Кси Џинпинг на Србија, планирано е да се потпишат над 30 договори.
Беше организиран и свечен ручек на кој кинескиот претседател ќе има можност да дегустира српски јадења и вина, а ќе има и музичка програма на српски и кинески јазик, која ќе заврши со песната „Ова е Србија“.
Поради доаѓањето на кинескиот претседател преземени се големи безбедносни мерки, па неговата делегација ќе ја обезбедуваат 3.400 полицајци.