Свет
„Нѐ измасакрираа“ – објавено видео од платеник кој го моли Бог за помош по борбите во Нагорно Карабах
На социјалните мрежи почна да кружи видео од наводен сириски платеник во Азербејџан, како зборува за гранатирањето на Ерменците.
На снимката се гледа човек во маскирна униформа на азербејџанската армија како се моли на Бога на арапски за да му помогне и вели дека биле измасакрирани.
Сè уште не е потврдено дека човекот навистина е сириски платеник.
Елизабет Чурков, студентка од Принстон и активист за човекови права која го истражува Блискиот исток, особено Сирија, покрај видеото пишува дека успеала да контактира со роднина на „сирискиот платеник“, за кој вели дека е 23-годишниот Мустафа Канти од град во западниот дел на провинцијата Алепо, кој беше окупиран од сирискиот режим за време на последната офанзива на Идлиб оваа година.
Video of a Syrian mercenary in Azerbaijan speaking about the heavy shelling carried out by Armenian forces. I reached his cousin. The fighter is Mustafa Qanti, 23-years-old. He was recruited to go to Libya by the Hamza Division, a Turkish-backed faction. pic.twitter.com/tHdzljm02X
— Elizabeth Tsurkov (@Elizrael) October 3, 2020
„Тој беше регрутиран од Дивизијата Хамза, фракција поддржана од Турција, да оди во Либија“, рече Чурков на Твитер.
Таа тврди дека Мустафа е поранешен бунтовник од редовите на бригадата „Лива ал-Таухид“, коj се бори против режимот од својата 14-та година и дека подоцна се приклучил на „Фронтот Левант“.
„Тие не испраќаат борци во Азербејџан и тој беше регрутиран од медијатор од дивизијата Хамза. Овие луѓе земаат дел од платите на борците“, рече Чурков, додавајќи дека семејството на Мустафа е раселено и сега живее во „Атариб“ во „екстремна сиромаштија“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Загинаа две лица, а пет се водат како исчезнати по судар на чамец и крузер во Дунав кај Будимпешта
Две лица го загубија животот доцна синоќа, а пет се водат за исчезнати во судар на мал моторен чамец и крузер на реката Дунав северно од Будимпешта, соопшти денеска унгарската полиција.
Телата на возрасен маж и жена се пронајдени северно од главниот град, а властите се уште трагаат по пет исчезнати лица.
Сома Чечи, портпарол на полицијата во Будимпешта, на прес-конференција рече дека, според досегашните сознанија, во чамецот имало вкупно осум возрасни лица и потврди дека две лица загинале, а пет се водат како исчезнати. Тројца мажи и две жени моментално се бараат со глисери и дронови, јавуваат унгарските медиуми.
Полицијата соопшти и дека во градот Комаром бил запрен поголем брод, а од увидот било откриено дека му е оштетен страничниот дел. Се врши увид и во тек е истрага за опасноста по водениот пат и смртта на неколку лица.
Регион
По обидот за атентат словачкиот премиер Фицо е надвор од животна опасност
Словачкиот премиер Роберт Фицо е надвор од животна опасност по обидот за атентат, изјави денеска министерот за одбрана и вицепремиер Роберт Калинак за словачката новинска агенција ТАСР.
Состојбата на Фицо се подобрува, а лекарската комисија утре треба да одлучи дали тој ќе биде префрлен. Фицо моментално се опоравува во универзитетската болница во Банска Бистрица.
Фицо беше тешко повреден на 15 мај, по седницата на Владата во градот Хандлова, кога 71-годишниот писател Јурај Цинтула, од непосредна близина неколку пати пукаше со пиштол во него. Специјалниот кривичен суд во словачкиот град Пезинок, со силно полициско обезбедување вчера му одреди притвор на Цинтула.
Свет
Девојка од Чикаго на 17 години стана доктор на науки
Дороти Џин Тилман од Чикаго стана најмладата личност, на 17 години, што успеа да се здобие со докторска диплома за интегрирано бихевиорално здравје во Аризона.
„Ова е прекрасна прослава и се надеваме дека Дороти Џин ќе инспирира повеќе студенти. Но, ова е нешто многу ретко и уникатно“, вели вонредниот професор Лесли Менсон.
Кога повеќето ученици се обидуваат да се адаптираат во средно училиште, Дороти веќе беше запишана на колеџот во Лејк Каунти во северен Илиноис, каде што дипломира психологија.
Во 2018 година таа дипломира на отсекот хуманитарни науки на колеџот „Екселсиор“ во Њујорк. Две години подоцна, магистрира на колеџот „Јунити“ во Мејн пред да биде примена на Програмата за бихевиорално управување.
Поголемиот дел од нејзиното образование го реализира на далечина, преку онлајн настава.
Како што вели таа, најголема заслуга за целото нејзино образование има нејзината баба, како и нејзината мајка, на која е благодарна за помошта и насочувањето. Секако, целиот образовен процес не бил без жртва.
„Немав секојдневна училишна работа, немав училишно фотографирање или работи кои создаваат единство меѓу врсниците “, вели таа.