Свет
(Видео) Хаос по изборите во Киргистан: Демонстранти провалија во зградата на парламентот
Демонстранти во Киргистан упаднаа во зградата на владата и парламентот и ги ослободија поранешниот претседател и премиер од затвор.
Во главниот град на Киргистан, Бишкек, избувнаа немири по резултатите од спроведените избори. Полицијата употреби и гумени куршуми, солзавец и водени топови против демонстрантите, но граѓаните на Бишкек беа решителни и упаднаа во зградите, пренесуваат светските агенции.
ТАСС пренесува извештај од Министерството за здравство, според кој во судирите со полицијата, кои претходеле на упадот во парламентот, биле повредени 590 лица, од кои 150 се хоспитализирани.
❗️Митингующие зашли в Белый дом. Сына бывшего президента Алмазбека Атамбаева — Кадыра Атамбаева завели в здание. pic.twitter.com/mAFfTaR8mw
— Sputnik Кыргызстан (@SputnikNewsKGZ) October 5, 2020
Парламентарните избори се одржаа во неделата, а штом излегоа прелиминарните резултати, приврзаниците на опозициските сили, кои не успеаја да победат, излегоа на улиците во Бишкек и настана хаос.
Демонстрантите најпрво со камион ја разбиле портата пред Белата куќа, каде што се наоѓаат највисоките државни институции на Киргистан, а потоа упаднале во зградата.
Според извештаите од терен, само неколку минути пред упадот во зградата на парламентот, бил забележан конвој автомобили како го напушта објектот, така што кога упаднале демонстрантите, тие не нашле службени лица.
Демонстрантите потоа ги ослободиле и поранешниот претседател Алмазбек Атамбајев и премиерот Сапар Исаков од затвор.
Светските агенции исто така објавија дека избувнал пожар во Белата куќа, кој брзо бил изгаснат.
Атамбајев беше осуден на долгогодишна затворска казна поради корупција, по конфликтот со неговиот наследник Соронбај Женбеков.
Атамбајев, кој беше претседател од 2011 до 2017 година, беше уапсен во август минатата година.
На изборите во неделата, партијата Биримдик (Единство), предводена од приврзаници на претседателот Женбеков, го презела водството со 24,45 проценти од гласовите, според неофицијалните резултати објавени од изборната комисија.
Веднаш зад неа е партијата Мекеним Киргистан (Татковина) со 23,95 проценти од гласовите, во чиј список се поранешни пратеници од опозицијата.
Во земјата со 6,5 милиони жители често доаѓа до политичка нестабилност. Во последните 15 години двајца претседатели се симнати од власт со немири, а третиот е во затвор по разидувањата со неговиот наследник.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Остин: Бајден ја запре испораката на оружје за Израел
Американскиот министер за одбрана Лојд Остин денеска изјави дека одлуката на американскиот претседател Џозеф Бајден да ја прекине испораката на муниција за Израел е донесена поради израелските планови да изврши офанзива врз градот Рафах на југот на Појасот Газа.
„Од самиот почеток бевме многу јасни дека Израел не треба да започне голема офанзива во Рафах без да ја земе предвид заштитата на цивилите во областа. Откако ја преиспитавме ситуацијата, престанавме да испраќаме муниција во Израел“, рече тој на сослушувањето во Сенатот и потврди дека конечната одлука „што ќе се случи со таа пратка“ се уште не е донесена, пренесува Ројтерс.
Администрацијата на САД ја запре испораката на околу 3.500 бомби во Израел минатата недела поради загриженоста за најавената копнена офанзива на Рафах, објави претходно денеска Асошиејтед прес, повикувајќи се на неименуван претставник од администрацијата.
Овој функционер појаснил дека не е донесена конечна одлука за испораката на бомбите и дека во суспендираната пратка имало 1.800 бомби од по 900 килограми и 1.700 бомби со тежина од 226 килограми.
Во понеделникот, израелскиот воен кабинет одлучи да ја спроведе планираната операција во Рафах за да „изведе воен притисок врз Хамас“, и покрај претходната најава на Хамас дека се согласува со египетско-катарскиот предлог за прекин на огнот.
Европа
Намалениот број на станови доведе до раст на кириите во Германија
Растат кириите во Германија поради немањето станови во услови на високи градежни трошоци и кредити. Сето тоа го запре градежниот сектор и побарувачката, но и ги намали цените на квадратот, се вели во извештајот на здружението на банките.
Становите во Германија поевтиниле за 4,3 отсто во првиот квартал во однос на истиот период лани, објави здружението на германските банки„Pfandbrief“.
Цените за изнајмување на нови станови се зголемени за 5,6 отсто. Трендот на поскапување на кириите нема да запре, оценуваат од здружението.
„Пазарот за изнајмување станови е под огромен притисок. Побарувачката значително ја надминува понудата“, рече извршниот директор на здружението, Јенс Толкмит.
Трошоците за изградба значително се зголемија во последните години поради повисоките каматни стапки на кредитите и значително повисоките трошоци за работна сила и цените на градежните материјали. Во вакви услови се намали бројот на одобренија за градба, а побарувачката ослабе, што резултираше со пониски цени на становите, смета министерот за финансии.
Според податоците на здружението на банките, цените на недвижностите најмногу паднале во Минхен, за 5,3 отсто.
Во исто време, падот на градежната активност го продлабочува „недостигот“ на станови, зголемувајќи го натамошниот раст на закупнината, кој би можел да продолжи уште некое време.
Здружението оценува дека цените на станбените недвижности треба да се стабилизираат во догледна иднина, за разлика од комерцијалните недвижности, како што се деловните згради и трговските центри.
Цените во тој сегмент паднаа за речиси 10 проценти на годишно ниво и се уште не се гледа „дното“, вели првиот човек на здружението.
Проценките се базираат на податоци за работењето на повеќе од 700 банки кои се активни во финансирањето на недвижен имот, а не на понуди за купување и изнајмување кои служат како основа за Заводот за статистика, забележуваат тие во здружението.
Европа
(Видео) Драма на небото над Трст: забележана несекојдневна појава
Во внатрешноста на заливот Трст, во близина на границата со Словенија, во вторникот попладне се формирал вител.
Италијанските медиуми јавија дека невремето не предизвикало материјална штета, ниту било закана за населението. Интервенцијата на пожарникарите и на пристанишните служби не била потребна.
Waterspout reported in the North Adriatic between the town of Muggia and Koper a few hours ago.
Original video shooting from meteoradar
➡️ https://t.co/SXbq5rbWaj pic.twitter.com/XxRu57Gohs— Alpine-Adriatic Meteorological Society (@aametsoc) May 7, 2024
Италијанската метеоролошка агенција објасни дека ваквите појави не се воопшто ретки и дека се резултат на екстремна нестабилност на атмосферата.
Областа на низок воздушен притисок, која владее со поголемиот дел од Италија, донесе влажни струи во Трстскиот Залив.
„Во овие временски услови, неколку пати годишно може да се појават воздушни вртлози, кои во повеќето случаи се распаѓаат на море“, објаснуваат италијанските метеоролози.