Македонија
Видеоконференциска средба на Османи со група поранешни пратеници во Европскиот парламент
Министерот за надворешни работи, Бујар Османи, оствари видеоконференциска средба со група поранешни европарламантарци, членови на Здружението на поранешни европратеници.
„Османи им се заблагодари на учесниците за големиот интерес за реализирање на ваквата посета на Северна Македонија дури и во овие Ковид-19 околности. Истакна дека ангажманот на членовите на Здружението на поранешни европратеници во промовирањето на европските стандарди и вредности е препознаен и високо вреднуван, како и нивната силна поддршка на европската перспектива на земјата. Во тој контекст беше поздравено силното лобирање за отпочнување на ЕУ-пристапните преговори со Северна Македонија во рамки на германското претседателство со ЕУ до крајот на оваа година“, соопштија од МНР.
„Имав интензивна и плодотворна посета на Брисел минатата недела за време на која се сретнав со влијателни европратеници, претставници на различни политички групи во Европскиот парламент. Од нивна страна, недвосмислено беше потврдена силната поддршка за европската перспектива на Северна Македонија, непречен тек на европската агенда на земјата, усвојување на преговарачката рамка и организација на првата меѓувладина конференција до крајот на оваа година“, нагласи Османи.
Министерот ги информирал пратениците за силната определба на нашата земја за членство во Унијата, како и подготвеноста за спроведување на реформите што ќе нè приближат до оваа цел.
„Овој состанок коинцидира со денешното објавување на Годишниот извештај од страна на Комисијата, како и на Економско-инвестицискиот план за Западниот Балкан, кои ќе ги презентира еврокомесарот Вархеји. Ние сме посветени и работиме напорно на исполнување на реформските приоритети со ЕУ предзнак, со акцент на владеењето на правото, како и на сите политички и административно-технички подготовки за финализација на преговарачката структура, до крајот на годината“, заклучи Османи.
Здружението на поранешни европратеници претставува асоцијација на повеќе од 800 поранешни европратеници од сите земји во ЕУ и со застапеност на целиот политички спектар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Нормализиран сообраќајот на патот Градско – Прилеп
Денеска во 20:25 час, сообраќајот на регионалниот пат Градско – Прилеп кај клучката Манастирец кој беше пренасочен по регионален пат Р1107 кон Кавадарци поради случена сообраќајна незгода помеѓу патнички автомобил и трактор е пуштен за сообраќај во целост.
Македонија
Сообраќајка меѓу патничко возило и трактор на регионалниот пат Градско – Прилеп, сообраќајот пренасочен
Денеска околу 19:00 часот поради случена сообраќајна незгода помеѓу патнички автомобил и трактор, регионалниот пат Градско – Прилеп кај клучка Манастирец е пренасочен по регионален пат Р1107 кон Кавадарци, соопшти АМСМ.
Македонија
МВР: Шалтер за „Безбеден град“, граѓаните од утре ќе можат да ги променат контакт-податоците
Од Министерството за внатрешни работи известуваат дека граѓаните од утре (17.12.2025), на посебен шалтер во Одделот за граѓански работи, во зградата на МТВ (приземје) во Скопје, кој ќе работи секој работен ден во периодот од 08:00 до 17:00 часот ќе можат да поднесат барање за промена на контакт-податоците кои ги доставиле при регистрација на возилата, доколку има настаната промена или во случај да имаат добиено известување со неточни податоци.
„Истото, ќе може да се изврши и низ станиците за технички преглед на возила во државата каде што е распореден деташиран референт на МВР.
Исто така, граѓаните по електронска пошта на [email protected] ќе можат да достават писмена забелешка доколку имаат нејаснотии, прашања или проблеми поврзани со функционирањето и примената на системот „Безбеден град“, при што сите доставени забелешки ќе бидат евидентирани и разгледани согласно утврдените процедури, со цел унапредување на работењето и поефикасна комуникација со граѓаните“, соопшти МВР.

