Свет
Белата куќа ги поддржа новите упатства на ФДА за проверка на вакцините против Ковид-19
Белата куќа ги одобри новите безбедносни стандарди за вакцините против коронавирус откако првично се спротивстави на насоките според кои е малку веројатно дека некоја вакцина ќе биде одобрена пред изборите, пренесува „Њујорк пост“.
Администрацијата за храна и лекови (ФДА) вчера ги објави стандардите според кои производителите на лекови мора да ги следат учесниците во испитувањето најмалку два месеца за да се исклучат безбедносните проблеми, вклучително и негативните несакани ефекти, пред да се побара итно одобрување.
Според „Асошиејтед прес“, упатствата беа предложени од ФДА пред две недели, но претставниците на Белата куќа се спротивставија на планот врз основа на двомесечното барање на податоци, тврдејќи дека нема клиничка или медицинска причина за тоа.
Американскиот претседател, Доналд Трамп, претходно изјави дека би сакал вакцината да биде готова пред претседателските избори на 3 ноември и минатиот месец тврдеше дека предлогот на ФДА можеби е политички потег.
Претставници на Белата куќа првично одбија да ги одобрат упатствата на разговорите со претставници на ФДА, но на крајот ги отфрлија приговорите и го поддржаа планот, изјавија извори за „Волстрит журнал“.
Комесарот на ФДА, Стивен Хан, рече дека се надева оти упатствата ќе ѝ помогнат на јавноста да го разбере нивниот процес на носење одлуки кој се базира на науката, што обезбедува квалитет, безбедност и ефикасност на вакцините.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија потврди дека извршила напад врз украински воени и енергетски објекти
Руското Министерство за одбрана соопшти денеска дека Москва синоќа извршила напад врз украинските воено-индустриски и енергетски објекти како одговор на тоа што го нарече „терористички напади“, објавија светските агенции.
„Како одговор на терористичките напади на Украина врз цивилни објекти на руска територија, синоќа вооружените сили на Руската Федерација извршија напад со високопрецизно оружје и беспилотни летала врз претпријатија од воено-индустрискиот комплекс на Украина и енергетски објекти кои го обезбедуваат нивното работење. Целите на нападот се исполнети. Сите целни објекти се погодени“, се вели во соопштението на министерството.
Во меѓувреме, Каспискиот козорциум за гасовод (КТК) денеска соопшти дека ги прекинал своите операции откако неговото пристаниште во Русија на брегот на Црното Море било сериозно оштетено во напад од украински воени беспилотни летала.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.

