Црна хроника
Приведени лица за незаконит лов во Македонски Брод
Полициски службеници, по претходно добиени оперативни сознанија за извршено кривично дело незаконит лов и недозволено изработување, држење и тргување со оружје или распрскувачки материи, врз основа на судска наредба, денеска извршија претрес на дом и помошни простории кај лицата И. Б. (65), М. Б. (37) и С. Б. (33) во с. Долно Крушје, општина Македонски Брод.
При претресот биле пронајдени и одземени поголема количина месо од уловен дивеч, ловечки пушки и муниција.
Исто така, врз основа на судска наредба бил извршен претрес и во домот и помошните простории на лицето Б. Б. (80), а сè во владение на син му Д. Б. (53) во с. Долно Крушје, општина Македонски Брод, каде што биле пронајдени и одземени ловечка пушка, поголема количина месо од уловен дивеч и 42 патрона за ловечка пушка.
Приведени биле М. Б. (37) и С. Б. (33). По целосно документирање на случајот, против лицата ќе бидат поднесени соодветни пријави.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.