Свет
Уапсен поранешен министер во Мексико – работел за картел
Поранешниот мексикански министер за одбрана Салвадор Синфуегос Сепеда помогнал во шверц на тони кокаин, хероин, метамфетамин и марихуана во САД во замена за мито. Ова го покажуваат судските документи кои беа објавени вчера.
Синфуегос (72) работел за картелот Х-2 додека бил министер за одбрана од 2012 до 2018 година за време на поранешниот претседател Енрике Пења Нието, објавија властите, пренесува АП.
Илјадници пресретнати пораки покажуваат дека поранешниот министер гарантирал дека воени операции нема да бидат започнати против тој картел, туку против нивните ривали.
Синфуегос е обвинет и дека ги предупредил водачите на картелите за истрагата на САД за нивните операции и употребата на соработници на сведоци и информатори, што резултирало во убиство на член на картел за кој шефовите погрешно мислеле дека им помага на американските органи во спроведувањето на законот.
Синфуегос беше уапсен на аеродромот во Лос Анџелес во четвртокот, врз основа на наредба на Американската агенција за контрола на наркотици (ДЕА). Според АП, висок мексикански службеник изјавил дека Синфуегос бил уапсен кога пристигнал на аеродромот со членовите на неговото семејство, кои биле ослободени.
Бројни членови на владата од времето на Пења Нието биле вклучени во случаи на корупција на високо ниво, од кои некои вклучуваат врски со организиран криминал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Лидерот на ИСИС убиен во операција во пограничниот регион на Мали
Водачот на една од групите поврзани со Исламската држава, Абу Худајфа, е убиен во операција во пограничниот регион кој опфаќа делови од Мали, Буркина Фасо и Нигер.
Неутрализацијата на терористичкиот функционер беше извршена за време на голема операција во Липтак, триграничен регион кој опфаќа делови од Мали, Буркина Фасо и Нигер, соопштија властите на Мали.
Во соопштението се потсетува дека лидер на ИСИС учествувал во нападот на Нигер во 2017 година, што резултираше со убиство на четири американски Зелени беретки и четворица нигериски војници, вклучително и еден преведувач.
Свет
Евакуирани туристи во Кенија поради поплави, 170 загинати од март
Туристи беа евакуирани од десетици хотели, апартмани и кампови откако пукнаа браните во Националниот резерват Масаи Мара поради поплавите во кои загинаа повеќе од 170 луѓе низ Кенија од почетокот на сезоната на дождови во средината на март.
Црвениот крст на Кенија соопшти дека спасил 61 лице од резерватот, кој е популарна туристичка дестинација за годишната миграција на диви пчели од Серенгети во Танзанија, пренесува Асошиетед прес.
Метеоролошкиот оддел на Кенија предупреди дека ќе очекуваат нови дождови оваа недела, откако во понеделникот пукна брана во градот Маи Махи во округот Накуру, при што загинаа 48 луѓе, а над 80 се водат како исчезнати.
Свет
Борел: Западен Балкан има историска можност да ја поврзе својата иднина со ЕУ
Високиот претставник за надворешна и безбедносна политика на ЕУ, Жосеп Борел, по повод 20-годишнината од најголемото проширување на ЕУ, изјави дека работата за повторно обединување на Европа не е завршена и порача дека Западен Балкан има историска можност цврсто да ја врзат својата иднина со Европската унија.
„Западен Балкан, Турција, Украина, Молдавија и Грузија имаат историска можност цврсто да ја врзат својата иднина со ЕУ. Проширувањето на ЕУ е трансформативна политика која ја подобрува безбедноста, правдата и демократијата, истовремено подигнувајќи го животниот стандард на Европејците“, се вели во соопштението на Борел.
Тој додаде дека ЕУ и земјите кандидати соработуваат на полето на безбедноста и одбраната со цел подобро да се соочат со повеќе геополитички предизвици заедно. Борел изјави дека од идните земји-членки се бара да ги зајакнат своите демократски институции и да ги поддржат човековите права и основните слободи, додека ЕУ работи на нејзината реформа и денес се подготвува за „Унијата на утрешниот ден“.
Тој подвлече дека целта не е само за поголема ЕУ, туку и за посилна, „способна да ги зачува и проектира нашите заеднички вредности низ целиот свет“.