Регион
Словенечките епидемиолози се преоптоварени, веќе не бараат контакти од заразените
Во Словенија потврдени се 898 нови инфекции со коронавирус од 5.605 тестови, објави денеска словенечката влада.
„Го зголемуваме бројот на тестови, но процентот на заразени останува висок, овојпат 16 проценти“, напиша владиниот портпарол за Ковид-19, Јелко Кацин во објава на „Твитер“, додавајќи дека од новозаразените 898, само еден случај е увезен од странство, додека сите останати се резултат на локално пренесување на вирусот.
„Сè повеќе се носат маски, што значи дека брзо расте свеста кај граѓаните оти секој од нас мора да даде свој придонес да се запре ширењето на оваа болест“, додаде словенечкиот портпарол.
Вчерашните 898 регистрирани инфекции претставуваат најголема дневна брјока во Словенија од почетокот на епидемијата, откако е надминат рекордот од 845 нови случаи регистриран ден претходно. Во последната недела, дневниот број на новозаразени во Словенија е зголемен за цели 136 проценти, а во црвената зона каде се спроведува делумна блокада, се десет од 12 покраини, со повеќе од 80 проценти од населението.
Поради бројот на нови инфекции, кои се зголемуваат секој ден, словенечките епидемиолози повеќе не бараат контакти од лица кај кои тестот бил позитивен, бидејќи за тоа се преоптоварени во оваа фаза на епидемијата.
Затоа, од денес, задача на секој заразен е лично да ги информира своите контакти, односно лицата со кои бил во контакт, за да можат да бидат изолирани, соопштија здравствените власти.
„Ситуацијата се здоби со такви димензии што веќе нема смисла да се чека на ефективноста на сегашните мерки“, рече Бојана Беовиќ, која го предводи владиниот стручен тим за Ковид-19 во изјава за Словенечката телевизија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.
Регион
На таткото на момчето убиец од Србија му е продолжен притворот за уште 60 дена, има сомнение дека може да го повтори делото
Вишиот суд во Белград му го продолжи притворот за уште 60 дена на Владимир Кечмановиќ, таткото на момчето кое на 3 мај уби девет негови врсници и чувар во ОУ „Владислав Рибникар“.
На Владимир Кецмановиќ му е продолжен притворот поради сомнение дека доколку биде пуштен на слобода за краток временски период ќе го повтори кривичното дело, како и поради тоа што постои основано сомнение дека сторил кривично дело за кое е пропишана затворска казна над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, соопштија од тој суд.
Во обвинението за тешко кривично дело против општата безбедност се товари Владимир К., а за сторено кривично дело недозволено изработување, држење, носење и тргување со оружје и распрскувачки материи, мајката на момчето Миљана К.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.